ព័ត៌មានជាតិ
ម៉ាឡេស៊ី ផ្ដល់ភាពស្របច្បាប់ដល់ពលករតែមានលក្ខខណ្ឌ
រដ្ឋាភិបាល ប្រទេសម៉ាឡេស៊ី បានប្រកាសផ្តល់ភាពស្របច្បាប់ដល់ពលករខុសច្បាប់កម្ពុជា និងពលករ១៤ប្រទេសទៀត តែត្រូវមានលក្ខខណ្ឌមួយចំនួន ទើបមានសិទ្ធិស្របច្បាប់ធ្វើការនៅប្រទេសម៉ាឡេស៊ី បន្តទៀតបាន។
ការផ្តល់ភាពស្របច្បាប់នេះ ត្រូវបានអនុវត្តពីខែវិចិ្ឆកា ឆ្នាំ២០២០ រហូតដល់ខែមិថុនា ឆ្នាំ២០២១សម្រាប់ពលករខុសច្បាប់ ដែលកំពុងបម្រើការនៅក្នុងវិស័យសំណង់ ឧស្សាហកម្ម ដាំដុះ និង កសិកម្ម នៅក្នុងប្រទេសម៉ាឡេស៊ី។
យោងតាម សេចក្តីជូនដំណឹងរបស់ស្ថានទូតកម្ពុជា ប្រចាំប្រទេសម៉ាឡេស៊ី ដែលទើបទទួលបាននៅថ្ងៃនេះ បានឲ្យដឹងថា និយោជកនិងពលករខុសច្បាប់ អាចទទួលបានសិទ្ធិស្របច្បាប់រួមមាន មិនត្រូវមានឈ្មោះនៅក្នុងបញ្ជីខ្មៅ របស់អគ្គនាយកដ្ឋានអន្តោប្រវេសន៍, ត្រូវបង់ប្រាក់តម្កល់៥០០រីងហ្គីត ឬជាង១២០ដុល្លារ, បង់ថ្លៃផាកពិន័យ១៥០០រីងហ្គីត ស្មើនឹង៣៦៩ដុល្លារ តាមប្រព័ន្ធអនឡាញ សម្រាប់ពលករម្នាក់, ត្រូវពិនិត្យសុខភាពនៅមជ្ឈមណ្ឌល FOMEMA, ត្រូវបង់ពន្ធ, បង់សេវាដំណើរការឯកសារ និង ទិដ្ឋាការ។
លើសពីនេះទៀតពលករ ត្រូវមានលិខិតឆ្លងដែន ដែលមានសុពលភាព យ៉ាងតិច១៨ខែ, ជាពលករដែលបានចូលទៅធ្វើការនៅម៉ាឡេស៊ី ដោយប្រើទិដ្ឋាការទេសចរណ៍ ឬជាពលករ ដែលមានទិដ្ឋាការការងារផុតសុពលភាព មុនថ្ងៃទី៣១ ខែធ្នូ ឆ្នាំ២០២០ ឬ ត្រូវបានរាយការណ៍ថា រត់ចេញពីនិយោជកនិងត្រូវមានវិញ្ញាបនបត្របញ្ជាក់ថា គ្មានជំងឺកូវីដ-១៩ ដែលមានសុពលភាពរយៈពេល៣ថ្ងៃមុនថ្ងៃសម្ភាសន៍។
បើតាមស្ថានទូតកម្ពុជា ក្រោយពលករបានបំពេញលក្ខខណ្ឌខាងលើបានសមស្របហើយ ពលករអាចដាក់ពាក្យស្នើសុំផ្ដល់ភាពស្របច្បាប់ និងត្រូវទាក់ទងផ្ទាល់ជាមួយអគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារម៉ាឡេស៊ី ដោយគ្មានការពាក់ព័ន្ធជាមួយនឹងភាគីទីបី និងទីភ្នាក់ងារជ្រើសរើសពលករឡើយ។
យោងតាមក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា បច្ចុប្បន្នមានពលករខ្មែរធ្វើការនៅម៉ាឡេស៊ី ប្រមាន៥ម៉ឺននាក់ ទាំងស្របច្បាប់ និងមិនស្របច្បាប់ ដោយធ្វើការទៅលើផ្នែកសំណង់ សេវាកម្ម ភោជនីយដ្ឋាន សណ្ឋាគារ តាមផ្ទះ និងនេសាទ ៕
អត្ថបទ ៖ សំអឿន
ឃាត់ខ្លួនជនសង្ស័យ ០៣ នាក់ ក្រោយធ្វើសកម្មភាពវាយប្លន់យកម៉ូតូបានសម្រេច ចំនួន ០២ ករណី
ចូ បៃដិន ជួបប្រធានាធិបតីវៀតណាមនៅអាមេរិក ដើម្បីបញ្ចុះបញ្ចូលឲ្យប្រឆាំង ចិន
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
ឈៀងម៉ៃ កំពុងធ្ងន់ធ្ងរដោយគ្រោះទឹកជំនន់
លោក លៀក លីដា បង្ហាញការខកចិត្តចំពោះការរិះគន់របស់ Allan
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ២៣ ម៉ោង agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២៤ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ