សម្ដេចតេជោ ហ៊ុ​ន សែន ចំអកអ្នកវិភាគមួយចំនួន ដែលវាយតម្លៃផ្ទៃក្នុង គណបក្សប្រជាជនកម្ពុជា មិនដែលត្រូវ

សម្ដេចតេជោ ហ៊ុ​ន សែន នាយករដ្ឋមន្ត្រីនៃកម្ពុជា​ និងជាប្រធានគណបក្សប្រជាជនកម្ពុជា បានចំអកដល់អ្នកវិភាគមួយចំនួន ដែលវាយតម្លៃផ្ទៃក្នុង របស់គណបក្សប្រជាជនកម្ពុជា មិនដែលត្រូវ។

ថ្លែងក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុងប្រវែង ១៤៨គីឡូម៉ែត្រ នាព្រឹកថ្ងៃទី ៣ ខែមករានេះ សម្ដេចតេជោ ហ៊ុន សែន មានប្រសាសន៍ថា ផ្ទៃក្នុង របស់គណបក្សប្រជាជនកម្ពុជា មានភាពរឹងមាំ និង​ឯកភាពគ្នាល្អណាស់ មិនដូចអ្វីដែលអ្នកវិភាគមួយចំនួន លើកឡើងឡើយ។

សម្ដេចតេជោនាយករដ្ឋមន្ត្រី បានថ្លែងបន្តថា «ហើយទៅសំឡុតផ្ទៃក្នុងអាមិច ផ្ទៃក្នុងរបស់គេ គេឯកភាព ប៉ុន្តែល្អណាស់ៗ ល្អត្រង់អ្នកឯងវាយតម្លៃខ្ញុំ មិនដែលត្រូវ ដូច្នេះអ្នកឯងមិនអាចយកឈ្នះ ខ្ញុំបានទេ»៕

អត្ថបទ៖ ឃួន សុភ័ក្រ