ព័ត៌មានជាតិ

បិទចរាចរណ៍ រថយន្តដឹកទំនិញធុនធ្ងន់គ្រប់ប្រភេទ លើកំណាត់ផ្លូវជាតិលេខ២១បេ ខេត្តកណ្តាល

បានផុស

៣ years មុន

នៅ

ថ្ងៃអង្គារ ៤ មករា ២០២២

ដោយ

មន្ទីរសាធារណការ និងដឹកជញ្ជូនខេត្តកណ្តាល បានប្រកាសបន្តបិទចរាចរណ៍រថយន្តដឹកទំនិញធុនធ្ងន់គ្រប់ប្រភេទលើកំណាត់ផ្លូវជាតិលេខ២១បេ(១១៥) ចាប់ពីផ្លូវជាតិលេខ២១អា ដល់ផ្លូវជាតិលេខ២ ស្ថិតក្នុងក្រុងតាខ្មៅ ខេត្តកណ្តាល។ ប៉ុន្តែរថយន្តប្រភេទគ្រួសារអាចធ្វើចរាចរជាធម្មតាបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជូនខេត្តកណ្តាលចុះថ្ងៃទី ០៣ មករា បានឱ្យដឹងថា ការបន្តបិទចរាចរណ៍ធ្វើឡើងចាប់ពីម៉ោង៦:០០នាទីល្ងាច ដល់ម៉ោង ៣:០០នាទីទាបខ្លី ចាប់ពីថ្ងៃទី០១ដល់ថ្ងៃទី ២៧ ខែមករា ឆ្នាំ២០២២ ដើម្បីធ្វើការសាងសង់លូកាត់ទទឹងផ្លូវវែង ២០ម៉ែត្រ ត្រង់ស្ថានីយបូមទឹក ដើមអំពិលចាស់ ផ្លូវជាតិលេខ២១(១១៥) សម្រាប់រំដោះទឹកជំនន់ទឹកភ្លៀង ក្នុងក្រុងតាខ្មៅ និងសហការ ជួសជុលកំណាត់ផ្លូវជាតិលេខ២១បេ(១១៥) ជាមួយក្រសួងសាធារណការ និងដឹកជញ្ជូន។ មន្ទីរសាធារណការ និងដឹកជញ្ជូនខេត្តកណ្តាលបានបញ្ចាក់ថា ចំពោះរថយន្តគ្រួសារ (ទេសចរណ៍) អាចធ្វើចរាចរណ៍បានជាធម្មតា។

អាស្រ័យហេតុនេះ សូមលោក លោកស្រី ម្ចាស់រថយន្តដឹកទំនិញ ធុនធ្ងន់ទាំងអស់ ព្រមទាំងស្ថាប័នមានសមត្ថកិច្ចពាក់ព័ន្ធ ជួយចូលរួមសហការអនុវត្តតាម ខ្លឹមសារសេចក្តីជូនដំណឹងនេះ ប្រកបដោយប្រសិទ្ធភាព៕

អត្ថបទ៖ សំអឿន

Related Topics:ខេត្តកណ្ដាល