​គំនូស​ចរាចរណ៍​ផ្លូវជាតិលេខ ៥៣​ សម្រេចបាន​ ៦៥ ភាគរយ​

នៅក្នុងដើមសប្តាហ៍ ខែមករា ឆ្នាំ ២០២២ នៅលើផ្លូវជាតិលេខ ៥៣ ពីក្រុងកំពង់ឆ្នាំងទៅកាន់ទីរួម​ស្រុក​ទឹកផុស​ដែលមានចម្ងាយ៣០ គីឡូម៉ែត្រ បុគ្គលិកកម្មករ នៃមន្ទីរសាធារណការ​ និងដឹក​ជញ្ជូនខេត្ត​កំពង់ឆ្នាំង កំពុងមមាញឹកក្នុងការគូសគំនូសចរាចរណ៍លើដងផ្លូវបាន ៦៥ ភាគរយហើយ ដើម្បីសម្រួលដល់ការធ្វើចរាចរណ៍ជូនប្រជាពលរដ្ឋ បន្ទាប់ពីបានជួសជុលផ្លូវលេខ ៥៣ បាន​ប្រមាណ ៨៥ភាគរយ។

ប្រធានការិយាល័យសាធារណការ ខេត្តកំពង់ឆ្នាំង លោក អៀង ហួរ នៅព្រឹកថ្ងៃទី០៥ ខែមករា ឆ្នាំ ២០២២ នេះបាននិយាយឲ្យដឹងថា អនុវត្តតាមផែនការជួសជុលផ្លូវជាតិលេខ ៥៣ របស់មន្ទីរសាធារណការក្នុងឆ្នាំ២០២១ បុគ្គលិក និងកម្មករជំនា ញនៃមន្ទីរសាធារណការ និងដឹកជញ្ជូនខេត្តបានខិតខំប្រឹងប្រែងធ្វើការជួសជុលផ្លូវជាតិលេខ ៥៣ បានយ៉ាងល្អប្រសើរ គិតមកដល់ថ្ងៃនេះគឺការជួសជុលថែទាំផ្លូវ១ខ្សែនេះបាន ៨៥ ភាគរយហើយ និងបច្ចុប្បន្ននេះបុគ្គលិកកម្មករយើង កំពុងធ្វើការគូសគំនូសសញ្ញាចរាចរណ៍នៅលើដងផ្លូវនេះ បាន៦៥ ភារយហើយដើម្បីសម្រួលការធ្វើចរាចរណ៍ជូនប្រជាពលរដ្ឋ។

លោក ឆាយ លាភា ប្រធានមន្ទីរសាធារណការនិងដឹកជញ្ជូនខេត្តបានឲ្យដឹងថាគំនូសចរាចរណ៍លើដងផ្លូវមាន២ ប្រភេទគឺ១គំនូសដាច់ៗ ជាសញ្ញាអាចឲ្យយានយន្តធ្វើការវ៉ាជែងគ្នាបាន ជាប់នោះវែងៗ គឺជាសញ្ញាហាមមិនឲ្យយានយន្តវ៉ាជែងគ្នាឡើយ ដូចជានៅតាមផ្លូវបត់កោង និងនៅមុខមន្ទីរពេទ្យ មណ្ឌលសុខ ភាព ឬមុខសាលា រៀនជាដើម។

គំនូសសញ្ញាចរាចរណ៍នៅលើដងផ្លូវនេះមានសារៈប្រយោជន៍សំខាន់ណា ស់ដែលកំណត់អោយអ្នកបើកបរយានយន្តគ្រប់ប្រភេទត្រូវតែគោរពជាចាំបាច់ ដើម្បីបញ្ចៀសគ្រោះថ្នាក់ចរាចរណ៍ ដែលអាចកើតមានជាយថាហេតុប្រសិនបើយើងមិនគោរ ពគំនូសសញ្ញាចរាចរណ៍ខាងលើនេះទេ។

មន្ទីរសាធារណៈការ និងដឹកជញ្ជូនខេត្តកំពង់ឆ្នាំង ក៏សូមអំពាវនាវដល់អ្នកប្រើប្រាស់ផ្លូវទាំងអសសូមគោរព ច្បាប់ចរាចរណ៍ និងគំនូសសញ្ញានិងផ្លាកសញ្ញាចរាចរណ៍លើដងផ្លូវឲ្យបានទាំងអស់គ្នាដើម្បីបញ្ចៀសគ្រោះថ្នាក់ចរាចរណ៍ កុំឱ្យកើតមានដល់ខ្លួនយើង និងក្រុមគ្រួសារ៕

អត្ថបទ៖ ឈៀងថារិទ្ធ