ព័ត៌មានជាតិ

អាជ្ញាធរខេត្តបន្ទាយមានជ័យ កំពុងដំណើរការចាក់វ៉ាក់សាំងដូសជំរុញ នៅទូទាំងខេត្ត

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

អាជ្ញាធរខេត្តបន្ទាយមានជ័យ កំពុងដំណើរការចាក់វ៉ាក់សាំង ការពារឆ្លងជំងឺកូវីដ-១៩ ដូសទី៣ ឬដូសជំរុញដល់ប្រជាពលរដ្ឋ នៅទូទាំងខេត្ត ខណៈការចាក់វ៉ាក់សាំងដូសទី១ និងដូសទី ២ សម្រេចតាមផែនការស្ទើរតែ ១០០ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ នៅថ្ងៃទី ៤ ខែមករា ឆ្នាំ២ ០២២ បានមានប្រសាសន៍ថា បច្ចុប្បន្នការចាក់វាក់សាំងកូវីដ១៩ នៅខេត្តបន្ទាយមានជ័យ កំពុងដំណើរការទៅដោយរលូន គឺចាប់ពីកុមារអាយុ ៥ ឆ្នាំ រហូតដល់មនុស្សលើស ១៨ ឆ្នាំ។ ឯកឧត្តមបានបន្តថា សម្រាប់មនុស្សពេញវ័យចាប់ពីអាយុ ១៨ ឆ្នាំឡើង ត្រូវចាក់វ៉ាកសាំងមានចំនួនជាង ៥២ ម៉ឺននាក់ នៅសល់ប្រមាណជា ១០ ម៉ឺននាក់ ដែលមិនទាន់បានចាក់ ព្រោះពួកគេជាពលករទៅធ្វើការចំណាកស្រុក ហើយបច្ចុប្បន្ន អាជ្ញាធរក៏កំពុងចាប់ផ្ដើមចាក់វ៉ាក់សាំង ដូសទី ៣ ឬដូសជំរុញនៅទូទាំងខេត្ត។

ឯកឧត្តម អ៊ុំ រាត្រី បានបន្ថែមថា នៅក្នុងខេត្តបន្ទាយមានជ័យ ផែនការចាក់វ៉ាក់សាំងកូវីដ១៩ ដល់ពលរដ្ឋចាប់ពីអាយុ ៥ ឆ្នាំឡើង មានជាង ៧៤ ម៉ឺននាក់ ក្នុងនោះអាយុចាប់ពី ១៨ ឆ្នាំ ឡើងចំនួនជាង ៥២ ម៉ឺននាក់, អាយុចាប់ពី ១២ ឆ្នាំ ដល់ក្រោម ១៨ ឆ្នាំ ចំនួនជាង ១០ ម៉ឺននាក់, អាយុចាប់ពី ៦ ឆ្នាំ ដល់ក្រោម ១២ ឆ្នាំ ចំនួនជាង ៩ ម៉ឺននាក់ និងអាយុចាប់ពី ៥ ឆ្នាំ ដល់ក្រោម ៦ ឆ្នាំ មានចំនួនជាង ១ ម៉ឺន ៧ ពាន់នាក់៕