លោកជំទាវ​ ម៉ែន សំអន បរិច្ចាគ​ថវិកា​៥​ពាន់​ដុល្លារ ដើម្បី​ចូលរួម​ទិញ​វ៉ាក់សាំង​ប្រឆាំង ជំងឺកូ​វីដ​១៩

លោកជំទាវ កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភា​-​ព្រឹទ្ធសភា និង​អធិការកិច្ច បាន​បរិច្ចាគ​ថវិកា​៥​ពាន់​ដុល្លារ ជូន​រាជរដ្ឋាភិបាល​កម្ពុជា ដើម្បី​ចូលរួម​ទិញ​វ៉ាក់សាំង​ប្រឆាំង​វីរុស​កូ​វីដ​-១៩​។

ការ​បរិច្ចាគ​នេះ ធ្វើឡើង​បន្ទាប់ពី​សម្តេច​តេ​ជោ ហ៊ុន សែន ប្រកាស​ពី​ការ​ត្រៀម​ថវិកា​ទិញ​វ៉ាក់សាំង​កូ​វីដ​-១៩ មក​ចាក់​ជូន​ប្រជាពលរដ្ឋ​ដោយ​ឥតគិតថ្លៃ​។

​សូម​បញ្ជាក់​ថា សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នៅ​ល្ងាច​ថ្ងៃទី​០៧ ខែ​ធ្នូ ឆ្នាំ​២០២០ បាន​ប្រកាស និង​បញ្ជា​ឲ្យ​ក្រសួងសុខាភិបាល និង​ក្រសួង​ពាក់ព័ន្ធ ត្រៀម​បម្រុង​ថវិកា ដើម្បី​បញ្ជា​ទិញ​វ៉ាក់សាំង ជំហាន​ដំបូង​ចំនួន ១​លាន​ដូ​ស ប៉ុន្តែ​មិនទាន់​កំណត់​ថា ​ទិញ​ពី​ប្រទេស​ណា​នៅឡើយ​៕

អត្ថបទ៖ វិមាន​