ព័ត៌មានជាតិ

ប៉ូលិសស្រុកលំផាត់ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

រតនគិរី ៖ ជនសង្ស័យម្នាក់ ត្រូវបាននគរបាលឃាត់ខ្លួន ពាក់ព័ន្ធករណីជួញដូរនូវសារធាតុញៀន នៅវេលាម៉ោង១១និង១០នាទីព្រឹក ថ្ងៃទី៥ ខែមករា ឆ្នាំ២០២២ នៅចំណុចផ្ទះឈ្មោះ ថន សាំ ស្ថិតនៅក្នុងភូមិចាងរ៉ា ឃុំបាតាង ស្រុកលំផាត់ ក្នុងនោះដោយមានការសម្របសម្រួលនីតិវិធីពីលោក កែវ ភក្តី ព្រះរាជអាជ្ញារងអមសាលាដំបូងខេត្ត។

សមត្ថកិច្ចបានឲ្យដឹងថា បន្ទាប់ពីមានការចង្អុលបង្ហាញពីឈ្មោះ សំពៀត ធីន មុខសញ្ញាជួញដូរប្រើប្រាស់គ្រឿងញៀនដែលបានឃាត់ខ្លួនកាលពីថ្ងៃទី៤ ខែមករា ឆ្នាំ២០២២ វេលាម៉ោង២២និង០០នាទីយប់។ បន្ទាប់មកសមត្ថកិច្ចក៏បានឈានទៅឃាត់ខ្លួនជនសង្ស័យឈ្មោះ ម៉ាត់ យ៉ារី ភេទប្រុស អាយុ២៣ឆ្នាំ ជនជាតិខ្មែរឥស្លាម មុខរបរ មិនពិតប្រាកដ មានទីលំនៅបច្ចុប្បន្ន ភូមិអុល ឃុំបាតាង ស្រុកលំផាត់ ខេត្តរតនគិរី។ មានស្រុកកំណើតនៅភូមិសាច់សូ ឃុំពាមចាកង ស្រុកកងមាស ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា វត្ថុតាងចាប់យករួមមាន ១-ម្សៅក្រាមថ្លាពណ៌សរចំនួន៣កញ្ចប់តូច មិនទាន់ថ្លឹង។ ២-ទូរសព្ទដៃចំនួន២គ្រឿងពុំស្គាល់ម៉ាក។ ៣-ម៉ូតូចំនួន១គ្រឿងម៉ាកហុងដាឌ្រីម C125 ពណ៌ខ្មៅបិតស្គត់ពណ៌សឡើងស៊េរីឆ្នាំ២០២២។

បច្ចុប្បន្នជនសង្ស័យរួមទាំងវត្ថុតាងបានឃាត់និងរក្សាទុកបណ្តោះអាសន្ននៅអធិការដ្ឋាននគរបាលស្រុកលំផាត់ដើម្បីចាត់ការបន្តតាមនីតិវិធីច្បាប់៕

ដោយ ៖ វុទ្ធឦសាន