ព័ត៌មានជាតិ
ក្រុមអតីតនិស្សិតខ្មែរ ចេញលិខិតចំហរួមគ្នាទាមទារឲ្យ សម រង្ស៉ី សុំទោសជាសាធារណៈចំពោះការប្រមាថសញ្ញាបត្ររបស់លោក ហ៊ុន ម៉ាណែត
ក្រុមអតីតនិស្សិតថ្នាក់បណ្ឌិត អនុបណ្ឌិត និងសញ្ញាបត្រថ្នាក់ឧត្តមសិក្សានានា ដែលបានបញ្ចប់ការសិក្សានៅក្រៅប្រទេស ចំនួន៣៣៧នាក់ទៀត បានចេញលិខិតចំហរួមគ្នាមួយ ទាមទារលោក សម រង្ស៉ី ធ្វើការកែតម្រូវ និងសុំទោសជាសាធារណៈ ចំពោះការប្រមាថទៅលើសញ្ញាបត្រក្រៅប្រទេសរបស់ លោក ហ៊ុន ម៉ាណែត។
តាមរយៈលិខិតចំហ ចុះថ្ងៃទី០៥ ខែមករា ឆ្នាំ២០២២ ដោយមានភ្ជាប់ទាំងហត្ថលេខាផង បានប្រកាសគាំទ្រពេញទំហឹងចំពោះសាររបស់លោកបណ្ឌិត ហ៊ុន ម៉ាណែត ដែលបានបង្ហោះនៅលើទំព័របណ្ដាញសង្គមហ្វេសប៊ុករបស់លោកកាលពីថ្ងៃទី២៨ ខែធ្នូ ឆ្នាំ២០២១កន្លងទៅ និងបានលើកឡើងថា “យើងខ្ញុំទាំងអស់គ្នាជាអតីតនិស្សិតថ្នាក់បណ្ឌិត អនុបណ្ឌិត និងសញ្ញាបត្រថ្នាក់ឧត្តមសិក្សានានា ដែលបានបញ្ចប់ការសិក្សានៅក្រៅប្រទេស សូមសម្ដែងនូវការខកចិត្ត និងសោកស្តាយជាពន់ពេក ចំពោះអ្នកនយោបាយចាស់វស្សាមួយរូប ដែលបាននិយាយវាយតម្លៃបន្ទាបបន្ថោកដល់គុណភាពសញ្ញាបត្រសិក្សា ដែលយើងខ្ញុំ ទទួលបាននៅឯក្រៅប្រទេស ថាជាសញ្ញាបត្រប្រភេទទីពីរ ឬសញ្ញាបត្រយោគយល់”។
ក្រុមអតីតនិស្សិតទាំងនោះបានអះអាងថា ការថ្លែងជាសាធារណៈរបស់អ្នកនយោបាយខាងលើនេះ ពិតជាបានប៉ះពាល់យ៉ាងធ្ងន់ធ្ងរដល់កិត្តិយស សេចក្តីថ្លៃថ្នូរ និងការមិនទទួលស្គាល់នូវការខិតខំប្រឹងប្រែងរបស់យើងខ្ញុំទាំងអស់គ្នាដែលបានទៅនៅឆ្ងាយពី មាតុភូមិ បានតស៊ូសិក្សា និងបានជំនះគ្រប់ឧបសគ្គ ដើម្បីទទួលបានជោគជ័យក្នុងការសិក្សា និងយកចំណេះ ជំនាញមកចូលរួមកសាង និងអភិវឌ្ឍប្រទេសរបស់ខ្លួននៅពេលត្រលប់មកវិញ។ តើបុគ្គលរូបនេះមានការខ្មាសអៀនដែរទេ ក្នុងនាមដើមកំណើតខ្មែរ ដែលមិនត្រឹមតែមិនលើកទឹកចិត្ត បែរជាបង្អាប់និស្សិតខ្មែរខ្លួនឯងទៅវិញ ហើយក៏ជាការបំបាក់ទឹកចិត្តនិស្សិតខ្មែរដទៃជាច្រើនរូបទៀត ដែលកំពុង ត្រៀមទៅបន្តការសិក្សានៅក្រៅប្រទេសនាពេលអនាគត។ លើសពីនេះទៀត ការថ្លែងបែបនេះ គឺជាការវាយតម្លៃបន្ទាបបន្ថោកចំពោះគុណភាពអប់រំ ក៏ដូចជា ប្រព័ន្ធអប់រំទាំងមូលនៃបណ្តាប្រទេស ដែលនិស្សិតខ្មែរយើងបានទៅសិក្សា និងបានបញ្ចប់ការសិក្សាដោយជោគជ័យ ហើយខណៈដែលអ្នកនយោបាយចាស់វស្សាខ្លួនឯងផ្ទាល់រូបនេះ ក៏ជាអតីតនិស្សិតខ្មែរមួយរូប ដែលទទួលបានការសិក្សានៅបរទេសផងដែរនោះ។
លិខិតបញ្ជាក់ទៀតថា “យើងខ្ញុំទាំងអស់គ្នា សូមស្នើសុំរូបគាត់ ធ្វើការកែតម្រូវ និងសុំទោសជាសាធារណៈ ដើម្បីបង្ហាញភាពជា គំរូដល់អ្នកនយោបាយជំនាន់ក្រោយ។ ទន្ទឹមនឹងនេះ យើងខ្ញុំសូមប្រកាសគាំទ្រពេញទំហឹងចំពោះសាររបស់ ឯកឧត្តម បណ្ឌិត ហ៊ុន ម៉ាណែត ដែលបានបង្ហោះនៅលើទំព័របណ្ដាញសង្គមហ្វេសប៊ុករបស់លោកកាលពីថ្ងៃទី២៨ ខែធ្នូ ឆ្នាំ២០២១ ដោយបានស្នើឲ្យអ្នកនយោបាយខាងលើ ឲ្យធ្វើការបកស្រាយ និងសូមក្លាហានហ៊ានចេញមុខតទល់ ដើម្បីលុបលាងនូវការថ្លែង យ៉ាងអាម៉ាស់របស់ខ្លួននៅចំពោះមុខកូនខ្មែរទាំងនៅក្នុងប្រទេស និងក្រៅប្រទេស”។
គួររំលឹកថា កាលពីព្រឹកថ្ងៃទី២៨ ខែធ្នូ នេះ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងជាបេក្ខជននាយករដ្ឋមន្ត្រីកម្ពុជា នាពេលអនាគតផងនោះ បានឆ្លើយតបចំពោះការប្រមាថមើលងាយរបស់លោក សម រង្ស៊ី និងបានបញ្ជាក់ថា ប្រសិនបើនៅតែធ្វើការវាយប្រហារដោយគ្មានមូលដ្ឋានតទៅទៀត លោកគ្មានជម្រើសអ្វីក្រៅពីការពារកិត្តិយសនោះទេ ហើយកុំចោទថា ក្មេងមិនស្គាល់ចាស់ទុំ។
ដោយឡែកសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានហៅការឆ្លើយតបទៅ សម រង្ស៊ី របស់លោកឧត្តមសេនីយ៍ឯក ហ៊ុន ម៉ាណែត ថា “ក្មេងប្រដៅចាស់ពាល”។ សម្តេចតេជោ ហ៊ុន សែន បញ្ជាក់យ៉ាងដូច្នេះថា “ស្តាប់ក្មេងប្រដៅចាស់ពាលល្អម្យ៉ាងដែរ ប្រៀបដូចជាយកកូនក្របីជល់ជាមួយក្របីចាស់។ បើខឹងកុំលេងបើលេងកុំខឹង sic ! ផ្ញើសារជូនអ្នកនយោបាយចាស់វស្សា ប៉ុន្តែខ្វះភាពហានក្លាក្នុងការទទួលខុសត្រូវ”៕
ដោយ ៖ កោះកែវ
៧មករាជាជីវិតទី២ ដែលជួយគ្រួសារខ្មែរ និងប្រទេសជាតិទាំងមូលឱ្យតាំងនៅដល់សព្វថ្ងៃ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
រុស្ស៊ី អះអាងបាញ់ទម្លាក់ MiG-29 និងសម្លាប់ទ័ពអ៊ុយក្រែន ជាង៤០០នាក់ នៅតំបន់ Kursk
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ