ព័ត៌មានជាតិ

ត្រីផ្សោតមួយក្បាលនៅអន្លង់ឈើទាល តំបន់ទេសចរណ៍កំពុងប្រឈមនឹងការគ្រោះថ្នាក់

បានផុស

៣ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

ត្រីផ្សោតដែលនៅសេសសល់ក្នុងអន្លង់ឈើទាលតំបន់ទេសចរណ៍ព្រះរំកិលមានតែកន្ទុយជាប់មង ប្រឈមនឹងគ្រោះថ្នាក់ ប្រជាសហគមន៍ រួមជាមួយមន្ត្រីឆ្មាំទន្លេកំពុងជួយសង្គ្រោះ ផ្នែកបច្ចេកទេសពីមន្ត្រីជំនាញនិងអង្គការអភិរក្សត្រីផ្សោតដើម្បីរួចផុតពីសេចក្តីស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកផយ វណ្ណា សមាជិកសហគមន៍ ផ្សោតព្រះរំកិលបានបញ្ជាក់ថា ត្រីផ្សោតមួយក្បាលត្រូវបានគេប្រទះឃើញជាប់មងនៅរសៀលថ្ងៃទី៦ ខែមករា ឆ្នាំ២០២២នេះ ប្រឈមទៅនឹងការស្លាប់បើមិនមានមន្ត្រីជំនាញផ្នែកបច្ចេកទេសជួយសង្គ្រោះទាន់ពេលវេលា។

លោកបន្តថា ពេលនេះប្រជាសហគមន៍រួមជាមួយមន្ត្រីឆ្មាំទន្លេ កំពុងស្វែងរកដំណោះស្រាយ ដើម្បីសង្គ្រោះជីវិតសត្វផ្សោតដែលនៅសល់មួយក្បាលនេះ ឲ្យរស់រានមានជីវិតវិញ។ បើសិនជួយសង្គ្រោះមិនបានវិញនោះ លោកពិតជាសោកស្ដាយខ្លាំងណាស់ ខ្លាចបាត់បង់ត្រីផ្សោតមួយក្បាលនេះ ពីព្រោះវាបានក្លាយទៅជា ចំណីអារម្មណ៍របស់ភ្ញៀវទេសចរណ៍ នៅក្នុងប៉ុន្មានឆ្នាំចុងក្រោយនេះ ពេលភ្ញៀវទេសចរណ៍ជិះទូក វាអាចហែលមកលេងជាមួយទូកភ្ញៀវទៀតផង។

លោកស្រីសំវិចិត្រ នាយខណ្ឌជលផលស្ទឹងត្រែងបានបញ្ជាក់ថា ករណីនេះ លោកតែងតែបានផ្សព្វផ្សាយ ក៏ដូចជាអប់រំដល់ប្រជានេសាទនៅតំបន់នោះ ឲ្យនាំគ្នាជួយអភិរក្ស និងបញ្ឈប់ការដាក់មង នៅតាមតំបន់ហាមឃាត់ តែនេះ ដោយសារតែខាងភាគីឡាវ នៅជិតតំបន់អន្លង់ផ្សោត ចេះតែលួច ដាក់មង ដោយមិនគិតពីផលប៉ះពាល់ មកដល់សត្រីផ្សោតនៅអន្លង់ នៃទឹកដី ជាប់គ្នានេះទេ។

លោកបន្តថា បញ្ហាប្រឈមនេះលោកបានរាយការណ៍ ទៅមន្ត្រីជំនាញថ្នាក់ជាតិ នៃរដ្ឋបាលជលផល និងជូនដំណឹង ទៅផ្នែកអង្គការ wws ដើម្បីស្វែងរកដំណោះស្រាយ សង្គ្រោះត្រីផ្សោតមួយក្បាលនេះ ឲ្យរួចផុត ពីបញ្ហាប្រឈម ដែលបច្ចុប្បន្ន កន្ទុយកំពុងជាប់មង ជាក្តីបារម្ភមួយនិងជាគ្រោះថ្នាក់យ៉ាងធំ ដែលធ្វើឱ្យបាត់បង់ ត្រីផ្សោតនៅតំបន់នោះតែម្ដង។

បច្ចុប្បន្នត្រីផ្សោតមួយក្បាលដែលជាប់មងប្រឈមនឹងគ្រោះថ្នាក់ កំពុងធ្វើការជួយសង្គ្រោះដោយប្រជាសហគមន៍ មន្ត្រីឆ្នាំទំនេរ ដើម្បីដោះមងចេញពីកន្ទុយរបស់វា តែវាមិនទាន់ដឹងថាវាអាចទ្រាំទ្របាន.ឬប្រឈមទៅនឹងការគ្រោះថ្នាក់ឬយ៉ាងណានោះទេ ?៕

ដោយ ៖ ងិនលីម