ព័ត៌មានជាតិ
តំណាងកម្ពុជានៅហ្សឺណែវ ៖ “ចំណាត់ការនានារបស់អាជ្ញាធរកម្ពុជា គឺស្របទៅនឹងច្បាប់ និងមានលក្ខណៈសមាមាត្រ”
ស្ថានបេសកកម្មអចិន្ត្រៃយ៍នៃព្រះរាជា ណាចក្រកម្ពុជា ប្រចាំនៅទីក្រុងហ្សឺណែវ លោក អាន សុខខឿន នៅថ្ងៃទី០៦ ខែមករា នេះ បានបដិសេធចោលទាំងស្រុងនូវការលើកឡើងរបស់អ្នករាយការណ៍ពិសេសចំនួនបួនរូប ពាក់ព័ន្ធការអនុវត្តច្បាប់ ទៅលើសកម្មភាពកូដកម្មខុសច្បាប់ ដែលបានអូសបន្លាយជាច្រើនសប្ដាហ៍នៅកម្ពុជា ដោយអះអាងថា ជាការលើកឡើងដោយគ្មានទំនួលខុសត្រូវ និងបង្កការភ័ន្តច្រឡំ ផ្អែកលើព័ត៌មានតែមួយជ្រុង និងពុំបានផ្ទៀងផ្ទាត់ត្រឹមត្រូវ។
បើតាមលោក អាន សុខខឿន ចំណាត់ការនានា ដែលអាជ្ញាធរកម្ពុជាបានអនុវត្ត គឺស្របទៅនឹងច្បាប់ និងមានលក្ខណៈសមាមាត្រ។ លោកថា អ្នករាយការណ៍ពិសេសបាននិយាយយោងអំពីសិទ្ធិធ្វើកូដកម្ម ក៏ប៉ុន្តែពុំបានលើកឡើងទាល់តែសោះអំពីលក្ខខណ្ឌតម្រូវចាំបាច់នានាដែលត្រូវបំពេញ មុនកូដកម្មអាចធ្វើឡើង ដោយស្របច្បាប់។ ការពិត នៅថ្ងៃទី១៦ ខែធ្នូ ឆ្នាំ២០២១ សាលាដំបូងរាជធានីភ្នំពេញបានប្រកាសប្រាប់រួចមកហើយថា បាតុកម្មទាំងនោះពុំស្របច្បាប់ឡើយ។ ទង្វើបែបនេះរបស់អ្នករាយការណ៍ពិសេស ជាន់ឈ្លីសមត្ថកិច្ចជំនាញរបស់គណៈកម្មាធិការទទួលបន្ទុកសេរីភាពបង្កើតសមាគម នៃអង្គការអន្តរជាតិខាងការងារ ដែលទទួលស្គាល់តួនាទីរបស់ស្ថាប័នឯករាជ្យ (ក្រៅពីរដ្ឋាភិបាល) ក្នុងការប្រកាសភាពស្របច្បាប់នៃកូដកម្ម។ លើសពីនេះទៅទៀត ការអត្ថាធិប្បាយរបស់អ្នករាយការណ៍ទាំងនោះបានលើកឡើងពុំត្រឹមត្រូវថា ក្រសួងការងារ និងបណ្ដុះបណ្ដាលវិជ្ជាជីវៈ ជាភាគីជម្លោះជាមួយបាតុករ។ ធាតុពិត ក្រសួងការងារ គ្រាន់តែដើរតួនាទីជាអ្នកសម្រុះសម្រួលតែប៉ុណ្ណោះ។
នៅមុនការអនុវត្តច្បាប់ អាជ្ញាធរមានសមត្ថកិច្ចបានអំពាវនាវយ៉ាងទទូចស្នើឱ្យនយោជិតដែលធ្វើកូដកម្ម ងាកមកចរចាដោយសន្តិវិធី ត្រង់ទៅត្រង់មក និងបញ្ឈប់ការធ្វើបាតុកម្មខុសច្បាប់របស់ខ្លួន ដែលអូសបន្លាយពេលជាច្រើនសប្ដាហ៍ និងគំរាមគំហែងដល់សន្តិសុខ សណ្ដាប់ធ្នាប់ និងសុវត្ថិភាពសាធារណៈ។ ការចោទប្រកាន់របស់អាជ្ញាធរបានធ្វើឡើងដោយផ្អែកលើមូលដ្ឋានភស្ដុតាងរឹងមាំនិងគ្រប់គ្រាន់ រួមទាំងការឆ្លើយសារភាពរបស់កូដករខ្លះ និងប្រភពហិរញ្ញវត្ថុចិញ្ចឹមចលនារបស់តួអង្គបរទេសមួយចំនួន និងដោយអនុលោមតាមមាត្រា៤៩៤ និង៤៩៥ នៃក្រមព្រហ្មទណ្ឌកម្ពុជា ដែលត្រូវបានតាក់តែងឡើងដោយមានជំនួយពីអ្នកជំនាញពីប្រទេសលោកខាងលិច។ ការចាត់ទុកការអនុវត្តច្បាប់ថា ជាការគាបសង្កត់សិទ្ធិ និងសេរីភាព គឺជាការប្រមាថចំពោះនីតិរដ្ឋ និងការអនុវត្តស្មើភាពគ្នាចំពោះប្រជាពលរដ្ឋទាំងអស់ ដែលត្រូវបានធានាដោយរដ្ឋធម្មនុញ្ញ។ ជនជាប់ចោទមានឱកាសពេញលេញទទួលបានការជំនុំជម្រះ រួមទាំងសិទ្ធិទទួលបានមេធាវី ដើម្បីបង្ហាញទឡ្ហីករណ៍ និងដាក់ភស្តុតាងដោះបន្ទុក ដែលជាផ្នែកមួយនៃសិទ្ធិទទួលបានការជំនុះជម្រះតាមនីតិវិធីត្រឹមត្រូវ។
លោក អាន សុខខឿន អះអាងថា អ្នករាយការណ៍ពិសេសទាំងនេះ ពុំដែលសង្កត់ធ្ងន់ទាល់តែសោះថា ការអនុវត្តសិទ្ធិសេរីភាពនៃការបញ្ចេញមតិ ការបង្កើតសមាគម និងការប្រមូលផ្ដុំដោយសន្តិវិធី ត្រូវភ្ជាប់ទៅនឹងករណីកិច្ច ការទទួល ខុសត្រូវ និងការកំហិតជាពិសេស ដែលកំណត់ដោយច្បាប់ ដូចមានចែងនៅក្នុងកតិកាសញ្ញាអន្តរជាតិស្ដីពីសិទ្ធិពលរដ្ឋនិងនយោបាយ។ ការខកខានថ្លែងដោយចេតនាដូច្នេះ រឹតតែជំរុញផ្តល់កម្លាំងដល់ក្រុមជាក់លាក់ ដែលបានត្រៀមខ្លួនរួចជាស្រេចទាញយកប្រយោជន៍ពីស្ថានការណ៍ កាន់តែគឃ្លើន ដើម្បីបម្រើរបៀបវារៈលាក់ពុតរបស់ខ្លួន ដែលពួនជ្រកក្រោមផ្លាកនៃសិទ្ធិធ្វើបាតុកម្មដោយ សន្តិវិធី។ បាតុកម្មខុសច្បាប់ និងបាតុកម្មទទួលថវិកាឧបត្ថម្ភពីបរទេស ដែលបង្អាក់រំខានដល់សណ្ដាប់ធ្នាប់សាធារណៈ ឬធ្វើឱ្យមានភាពវឹកវរក្នុងសង្គម មិនមែនជាការអនុវត្តសេរីភាពប្រមូលផ្ដុំដោយសន្តិវិធី ដែលស្របតាមរដ្ឋធម្មនុញ្ញនោះឡើយ។
បុគ្គលតាំងខ្លួនជាអ្នកជំនាញសិទ្ធិមនុស្សខាងលើ ដែលពុំមែនជាបុគ្គលិករបស់អង្គការសហប្រជាជាតិ ប៉ុន្តែធ្វើការក្នុងសមាសភាពផ្ទាល់ខ្លួន តែងមានអារម្មណ៍យល់ឃើញថា អ្វីៗគួរត្រូវបានអនុវត្ត ផ្អែកលើទ្រឹស្ដីសិទ្ធិមនុស្សរបស់ខ្លួន។ ក៏ប៉ុន្តែ តើពួកគេនឹងទទួលខុសត្រូវដែរឬទេប្រសិនបើការពិសោធន៍ទស្សនៈរបស់ពួកគេបរាជ័យនោះ ? ការអនុវត្តច្បាប់ គឺជាប្រការចាំបាច់ ដើម្បីការពារដល់ពលរដ្ឋដែលគោរពច្បាប់ និងបង្ការពីភាពច្រំដែលនៃអតីតកាលដ៏ឈឺចាប់ ខ្លោចផ្សារបស់កម្ពុជា ក៏ដូចជាសោកនាដកម្មនានាដទៃទៀតនៅពេលថ្មីៗនេះ នៅតាមបណ្ដាប្រទេសមួយចំនួន ដែលបណ្ដាលមកពីការជ្រៀតជ្រែករបស់បរទេសចូលកិច្ចការផ្ទៃក្នុង ក្រោមហេតុផលសិទ្ធិមនុស្ស និងប្រជាធិបតេយ្យ។
ជាមួយគ្នានោះ ស្ថានបេសកកម្មអចិន្ត្រៃយ៍កម្ពុជា បានក្រើនរំលឹកអ្នករាយការណ៍ពិសេសឱ្យគោរព “ក្រមប្រតិបត្តិសម្រាប់អ្នកកាន់អាណត្តិនីតិវិធីពិសេស” និងធ្វើការដោយផ្អែកលើមូលដ្ឋាននៃការពិត ជាជាងការបំភ្លៃព័ត៌មាន។ អ្នករាយការណ៍ពិសេស ក៏ត្រូវចៀសវាងពីការធ្វើអត្ថាធិប្បាយនានា ដែលគ្មានទំនួលខុសត្រូវ និងពីការចោទប្រកាន់ ដែលគ្មានមូលដ្ឋាន ដោយពុំលើកឡើងពីការពិត និងពុំមានការផ្ទៀងផ្ទាត់ ចំពោះរដ្ឋអធិបតេយ្យឡើយ៕
ដោយ ៖ កោះកែវ
របបយោធាមីយ៉ាន់ម៉ាដោះលែងអ្នកទោសរាប់ពាន់នាក់អាចរួមមានអ្នកនេសាទថៃផង
ស្ត្រីជនជាតិអង់គ្លេសនិងគូដណ្តឹងស្លាប់នៅតំបន់លំហែកាយវៀតណាម ខណៈមូលហេតុនៅអាថ៌កំបាំងនៅឡើយ
មនុស្សរាប់លាននាក់ប្រឈមខ្វះស្បៀងអាហារនៅមីយ៉ាន់ម៉ា រស់នៅយ៉ាងលំបាក
មេប៉ូលីសក្រុងអះអាង មន្រ្តីចរាចរណ៍លាក់ខ្លួន (នាងពួន) បោះដៃតាមគោលដៅស្តុប លុបបំបាត់ស្ទើរទាំងស្រុង
ផ្លូវជាតិលេខ ៧ ពង្រីក ៤ គន្លង ពីស្គន់ដល់ក្រុងកំពង់ចាមសម្រេចបានជាង ២៨%
តាក់ស៊ី ១ គ្រឿង បុករបាំងថ្មចែកទ្រូងផ្លូវ ក្រឡាប់ឆេះមនុស្ស ២ នាក់ ស្លាប់ក្នុងរថយន្ត អ្នកបើកបររបួសធ្ងន់
ផ្លូវជាតិលេខ ៧ ពង្រីក ៤ គន្លង ពីស្គន់ដល់ក្រុងកំពង់ចាមសម្រេចបានជាង ២៨%
មនុស្សជាង ៣០០នាក់ ត្រូវសង្គ្រោះបាន ពីអគ្គិភ័យឆាបឆេះអគារពាណិជ្ជកម្ម នៅកូរ៉េខាងត្បូង
រដ្ឋមន្ត្រីការពារជាតិ ព្រមានមិនឱ្យកងទ័ពពាក់ព័ន្ធ ឬនៅពីក្រោយការកាប់ទន្ទ្រានដីធ្លីជុំវិញបឹងទន្លេសាប
មេប៉ូលីសក្រុងអះអាង មន្រ្តីចរាចរណ៍លាក់ខ្លួន (នាងពួន) បោះដៃតាមគោលដៅស្តុប លុបបំបាត់ស្ទើរទាំងស្រុង
-
ព័ត៌មានជាតិ២ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ព័ត៌មានជាតិ១ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា១ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ
-
ព័ត៌មានអន្ដរជាតិ១ ថ្ងៃ agoអ្នកដំណើរមួយយន្តហោះ ជិះចេញពីព្រលាននៅឆ្នាំ២០២៥ តែចុះចតនៅឆ្នាំ២០២៤
-
ជីវិតកម្សាន្ដ៥ ថ្ងៃ agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
ព័ត៌មានជាតិ២ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ២ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច២ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា