លោក លី ធុជ ប្រកាសបញ្ចូលសមាជិក​គណបក្សប្រជាជនថ្មី ២៥៣នាក់ នៅក្រុងបាវិត

នៅថ្ងៃ ទី ០៧  ខែ មករា  ឆ្នាំ ២០២២  នាឱកាសអបអរសាទរខួបលើកទី ៤៣នៃទិវាជ័យជម្នះ ៧មករា   លោក លី ធុជ ជ  សមាជិកគណៈកម្មាធិការកណ្តាល  និងជាប្រធានក្រុមការងារ គណបក្សប្រជាជន ចុះមូលដ្ឋានក្រុងបាវិត  បានអញ្ជើញជាអធិបតីក្នុងពិធីប្រកាសបញ្ចូល សមាជិកគណបក្សថ្មីចំនួន  ២៥៣នាក់ ជាសមាជិកគណៈកម្មាធិការកណ្តាល  និងជាប្រធាន ក្រុមការងារគណបក្ស ចុះមូលដ្ឋានក្រុងបាវិត  នៅសង្កាត់ច្រកម្ទេស  ក្រុងបាវិត  ខេត្តស្វាយរៀង   និងជួបសំណេះសំណាលសមាជិក គណបក្សក្រុងគណបក្ស សង្កាត់សាខាគណបក្ស ភូមិទាំង១៥  និងយុវជន គណបក្ស។

លោក  លី  ធុជ  បានចាត់ទុកសមាជិកបក្សដែលទើបប្រកាសបញ្ចូលជាសមាជិកថ្មី ក៏ដូចជា សមាជិកបក្សប្រជាជនទូទាំងសង្កាត់ ទាំងមូលគឺជាកម្លាំងសាមគ្គីយ៉ាងរឹងមាំសម្រាប់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា ដើម្បីបន្តដឹកនាំប្រទេសជាតិឱ្យកាន់តែរីកចម្រើនថែមទៀត ក៏ដូចជា ធ្វើឱ្យប្រទេសជាតិមានសុខសន្តិភាព ស្ថេរភាពសង្គម និងការអភិវឌ្ឍលើគ្រប់វិស័យ។

លោក បាន ណែនាំឲ្យសមាជិកគណបក្សទាំងអស់   ត្រូវបន្តខិតខំអនុវត្តឱ្យបានត្រឹមត្រូវ តាមកម្មវិធីគោលនយោបាយ និងលក្ខន្តិកៈរបស់គណបក្ស៕ ដោយ: ភក្ដី