ព័ត៌មានជាតិ

ភូមិក្តីតាកុយ ដែលជាតំបន់អភិវឌ្ឍន៍បែរជារងការលិចលង់ ខណៈនេះទទួលបានលូបង្ហូរទឹកខ្នាតធំ

បានផុស

៣ years មុន

នៅ

ថ្ងៃសៅរ៍ ៨ មករា ២០២២

ដោយ

ភ្នំពេញ ៖ ភូមិក្តីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដែលមានទីតាំងជាប់បុរីប៉េង ហួត បឹងស្នោ ដែលធ្លាប់តែរងការលិចលង់ដោយជំនន់ស្ទើររាប់ប្រាំង រាប់វស្សាខណៈនេះបានទទួលប្រព័ន្ធលូបង្ហូរទឹកខ្នាតធំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកស្រី យន់ផល ចៅសង្កាត់វាលស្បូវ បានប្រាប់ថា នៅថ្ងៃទី៨ខែមករានេះ លោកស្រីបានចុះពិនិត្យមើលការស្ថាបនាជីកដាក់ប្រព័ន្ធលូបង្ហូរទឹកខ្នាតធំស្ថិតក្នុងភូមិក្តីតាកុយជាប់និងបុរីប៉េង ហួត ដែលធ្លាប់តែរងដោយជំនន់ទឹកភ្លៀងក៏ព្រោះតែភូមិនេះស្ថិតនៅតំបន់វាលទំនាប(ដូចក្នុងបឹង)នៅពេលដែលទីតាំងបុរីប៉េង ហួត និងផ្លូវជាតិលេខ១ដែលអមសង្ខាងគឺមានកំពស់ខ្ពស់ជាងហើយនៅពេលភ្លៀងធ្លាក់ម្តងៗត្រូវរងការលិចលង់រហូតដល់អាជ្ញាធរដាក់ម៉ាស៊ីនបូមទឹកខ្នាតធំដាក់បូមចូលមកក្នុងលូរបស់ផ្លូវជាតិលេខ១រាប់ខែមកនេះ។

ក្នុងនោះលោកស្រី ចៅសង្កាត់វាលស្បូវក៏បានសំដែងការដឹងគុណដល់លោក ចេង មុនីរ៉ា អភិបាលនៃគណអភិបាលខណ្ឌច្បារអំពៅដែលបានខិតខំនាំយកម៉ាស៊ីនបូមទឹកមកដាក់បូមនិងបន្តជីកដាក់លូបង្ហូរទឹកដើម្បីរំដោះទឹកចេញកុំឲ្យលិចលង់ផ្ទះសម្បែងរបស់ប្រជាពលរដ្ឋ។

គួររំលឹកពីដើមមកភូមិក្តីតាកុយនេះមិនដែលរងការលិចលង់រាប់ប្រាំងរាប់វស្សានោះទេ។ ប៉ុន្តែដោយប្រទេសជាតិមានការអភិវឌ្ឍន៍ក៏ដូចជា បុរីប៉េង ហួត ដែលជាបុរីដ៏ទំនើបក្នុងរាជធានីចាប់ផ្តើមសាងសង់អគារខ្ពស់ៗធ្វើតំបន់ក្បែរៗក្លាយទៅជាវាលទំនាបបង្កឲ្យលិចលង់ដីភូមិតែម្តង៕

ដោយ ៖ នរា