លោកស្រី ឱវណ្ណឌីន បញ្ជាក់ពីមូលហេតុ​ដែលខេត្តទាំង​២៤នៅមិនទាន់អាចចាក់ដូសទី​៤បាន

លោកស្រី វេជ្ជបណ្ឌិត ឱ វណ្ណ ឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានមានប្រសាសន៍តាមរយៈសាសំឡេងនៅរសៀលថ្ងៃទី៩មករានេះថា ក្រសួងនឹងបើកយុទ្ធនាការចាក់វ៉ាក់សាំងកូវីដ-១៩ ដួសទី៤ដល់ក្រុមគោលដៅជម្រើសនៅរាជធានីភ្នំពេញចាប់ពីថ្ងៃទី១៤ខែមករាឆ្នាំ២០២២២ខាងមុខតទៅ។

រីឯខេត្តចំនួន៤ទៀត នៅមិនទាន់អាចចាក់ដូសទី៤នេះ បាននៅឡើយទេ ដោយសារតែនៅមិនទាន់មានប្រព័ន្ធត្រជាក់បំពាក់តាមខេត្តទាំងនោះ។

លោក ស្រីបានបន្តថា «ចំពោះខេត្តទាំង២៤វិញ សូមមេត្តារង់ចាំបន្តិចសិន ដោយសារត្រូវង់ចាំនូវប្រព័ន្ធត្រជាក់បំពាក់ទៅតាមមន្ទីរសុខាភិបាល ឱ្យបានត្រឹមត្រូវសម្រាប់ការរក្សាទុកវ៉ាក់សាំងPfzer ដែលប្រព័ន្ធត្រជាក់នេះ ផ្តល់ជួនដោយអង្គការយូនីសរហ្វ បើមិនមានអ្វីប្រែប្រួលទេនោះនឹងមកដល់កម្ពុជា នៅក្នុងកំឡុងខែកម្ភៈខាងមុខនេះ។ ដូច្នេះសូមបណ្តាខេត្តផ្សេងៗជំរុញការចាក់វ៉ាក់សាំងដូសទី៣ សិនទៅដោយសារមានប្រជាពលរដ្ខយើងជាច្រើននៅមិនទាន់បានចាក់នៅឡើយ» ។

លោក ស្រីបានបន្តទៀតថា ការចាក់វ៉ាក់សាំងកូវីដ-១៩ ដួសទី៤ដល់ក្រុមគោលដៅនៅរាជធានីភ្នំពេញនេះ គណៈកម្មការចំពោះកិច្ចចាក់វាក់សាំងកូរីដ ១៩ ក្នុងក្របខណ្ឌទូទាំងប្រទេស (គ.វ.ក-១៩) នឹងប្រើវ៉ាកសាំងPfzer ដល់ថ្នាក់ដឹកនាំ រាជរដ្ឋាភិបាល ព្រឹទ្ធសភា រដ្ឋសភាក្រុមគ្រូពេទ្យជួរមុខ(ទាំងរដ្ឋ និងឯកជន) មន្ត្រីរាជការ កងទ័ព នគបាលជាតិ រហូតដល់អាជ្ញាធរមូលដ្ឋាន និងសមត្ថកិច្ច ជនចាស់ជរាដែលមានអាយុចាប់ពី ៦០ឆ្នាំឡើងបុគ្គលិកស្ថានទូត អង្គការជាតិ អន្តរជាតិ អ្នកសារព័ត៌មាន និងសមាជិក សមាជិកានៃសមាគមសសិល្បៈករកម្ពុជា ដែលបានចាក់វ៉ាក់សាំងកូវីដ-១៩ដួសទី៣ ឬដូសជំរុញរូច ហើយមានគម្លាតចាប់ពី៤ខែឡើង បន្ទាប់ពីការចាក់វ៉ាក់ដួសទី៣ ឬដួសជំរុញរួចនៅតាមមន្ទីរពេទ្យជាតិនានា ។

លោកស្រី បានអំពាវនាវអញ្ជើញទៅចាក់ វ៉ាក់សាំង ដួសទី៤ឱ្យបានគ្រប់គ្នាៗ ដើម្បីបង្កើនភាពស៊ាំទប់ទល់នឹងការឆ្លងរីករាលដាលនៃជំងឺកូដ-១៩ជាពិសេសវីរុសបំប្លែង ខ្លួនថ្មីប្រភេទដែលតា និងវីរុសបំប្លែងខ្លួនថ្មីប្រភេទអូមីក្រុងដើម្បីបានវិលត្រឡប់ទៅដំណើរការជាប្រក្រតីនូវការរស់នៅ រួមទាំងសកម្មភាពសេដ្ឋកិច្ច និងសង្គមផ្សេងៗឡើងវិញ ក្នុងពេលខាងមុខនេះ៕ សំអឿន