ព័ត៌មានជាតិ
អគារព្យាបាលជំងឺកម្ពស់ ៥ ជាន់ នៅពេទ្យព្រះអង្គឌួង នឹងបញ្ចប់ការសាងសង់នៅចុងខែមីនាខាងមុខ
អគារមជ្ឈមណ្ឌលព្យាបាលជំងឺត្រចៀក ច្រមុះ និងបំពង់កមានកម្ពស់ ៥ ជាន់ ដែលមានទីតាំងស្ថិតនៅមន្ទីរពេទ្យព្រះអង្គឌួង ដែលជាជំនួយរបស់រដ្ឋាភិបាលកូរ៉េខាងត្បូង គ្រោងនឹងបញ្ចប់ការសាងសង់នៅចុងខែមីនាឆ្នាំ ២០២២ ខាងមុខ។
ថ្លែងក្នុងសន្ទនាគោលនយោបាយធ្វើឡើងតាមអនឡាញតាមរយៈ ZOOMជាមួយ លោក ឈៀង យ៉ាណារ៉ា រដ្ឋមន្ត្រី ប្រតិភូអមនាយករដ្ឋមន្ត្រី អគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍ កម្ពុជាកាលពីថ្ងៃទី ១១ មករា លោក ហ្យន់ជូន នោ (Hyunjun RHO)ប្រធានតំណាងទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA)ប្រចាំប្រទេសកម្ពុជា បានមានប្រសាសន៍ថា អគារមជ្ឈមណ្ឌលព្យាបាលជំងឺត្រចៀក ច្រមុះ និងបំពង់កមានកម្ពស់ ៥ ជាន់ ដែលមានទីតាំងស្ថិតនៅមន្ទីរពេទ្យព្រះអង្គឌួង ដែលកំពុងសាងសង់ក្រោមហិរញ្ញប្បទានឥតសំណងរបស់សាធារណរដ្ឋកូរ៉េប្រមាណ ៨ លានដុល្លារអាមេរិកគ្រោងនឹ ងបញ្ចប់ការសាងសង់នៅចុងខែមីនាឆ្នាំ ២០២២ ខាងមុខនេះ។
បើតាមលោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានមានប្រសាសន៍ថា អគារនេះ បានចាប់ផ្តើមសាងសង់នៅខែមីនា ឆ្នាំ ២០២០ ហើយតាមផែនការគ្រោងបញ្ចប់នៅចុងឆ្នាំ ២០២១ តែដោយសារការរាតត្បាតនៃជំងឺកូវីដ១៩ គម្រោងនេះបានពន្យារពេល ទៅដើមឆ្នាំ ២០២២វិញ។ លោក នាយកមន្ទីរពេទ្យបានបន្តថា តាមអ្នកជំនាញការកូរ៉េអគារនេះ គ្រោងនឹងដាក់ឱ្យដំណើរការជាផ្លូវការនៅក្នុងកំឡុងខែមេសាឆ្នាំ ២០២២ ខាងមុខនេះ។ លោក នាយកមន្ទីរពេទ្យ បានបន្ដទៀតថា អគារនេះ គ្រោងចំណាយថវិកាសរុបប្រមាណ ៨ លានដុល្លារអាមេរិក ដោយនឹងត្រូវបានបំពាក់សម្ភារទំនើបបំផុត និងចាំបាច់នានា ដើម្បីពិនិត្យព្យាបាល និងវះកាត់ ធ្វើយ៉ាងណាបង្កើនគុណភាពសេវាកម្ម ក្នុងមន្ទីរពេទ្យព្រះអង្គឌួងឱ្យល្អប្រសើរមួយកម្រិតទៀត។
លោក នាយកមន្ទីរពេទ្យ បានបន្ថែមថា នៅពេលអគារនេះសាងសង់រួចរាល់ហើយនឹងជួយបំពេញការឆ្លើយតបទៅនឹងតម្រូវការរបស់ប្រជាពលរដ្ឋយើង កាន់តែល្អបន្ថែមទៀត ខណៈដែលមន្ទីរពេទ្យព្រះអង្គឌួងសព្វថ្ងៃនេះ ផ្ដល់សេវាថែទាំជំងឺជូនប្រជាពលរដ្ឋ មានចំនួនច្រើនក្នុងមួយថ្ងៃៗ ជាពិសេស កម្មករ កម្មការិនី។
លោក ហ្យន់ជូន នោ បានរំលឹកថាចាប់តាំងពីឆ្នាំ ១៩៩១-២០២១ កយកា-KOICA បានផ្តល់ហិរញ្ញប្បទានឥតសំណងប្រមាណ ៣១៦ លានដុល្លារអាមេរិកដល់រាជរដ្ឋាភិបាលកម្ពុជាដើម្បីចូលរួមចំណែកក្នុងការអភិវឌ្ឍសេដ្ឋកិច្ចសង្គម។ លោកបានបន្តទៀតថា ហិរញ្ញប្បទានឥតសំណងទាំងនោះផ្តោតលើវិស័យអាទិភាពចំនួន ៤ រួមមាន ១)វិស័យគ្រប់គ្រងទឹក និងសុខភាពសាធារណៈ ២)វិស័យអប់រំ ៣)វិស័យកសិកម្មនិងអភិវឌ្ឍជនបទ និង ៤)វិស័យដឹកជញ្ជូន។ ដោយឡែក សម្រាប់ឆ្នាំ ២០២២ នេះ ជំនួយឥតសំណង របស់កយកា-KOICAដល់កម្ពុជាមានចំនួនសរុប ២០,៧ លានដុល្លារអាមេរិក៕
អត្ថបទ៖ សំអឿន
រដ្ឋមន្ត្រីសុខាភិបាលថាកម្ពុជានឹងចំណាយកាន់តែច្រើនលើការព្យាបាលថែទាំមនុស្សចាស់
ក្រុមហ៊ុន ត្រាំ គ្រោងវិនិយោគរាប់ពាន់លានដុល្លារ នៅវៀតណាម
មន្ត្រីកសិកម្ម អំពាវនាវឱ្យកសិករ ចូលរួមជាមួយសហគមន៍កសិកម្មទំនើប ដើម្បីធានាស្ថិរភាពតម្លៃកសិផល
ឃួង ឡាំកូស៊ីន បញ្ជាក់ពីស្ថានភាពរបួសរបស់ខ្លួនក្រោយភ្លាត់សន្លប់នៅសង្វៀនបាយ័ន
Szczęsny ត្រឡប់ពីចូលនិវត្តន៍ បង្ហាញទម្រង់លេងល្អ Barca ត្រៀមបន្តកុងត្រាថ្មី
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
ត្រាំ ប្រកាសក្តែងៗថា អាមេរិក នឹងយកបាន Greenland ១០០%
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ