ព័ត៌មានជាតិ

ដាំពូជឪឡឹកសាច់លឿង ក្នុង១ហិកតា បានផលពី២០ទៅ៣០តោន

បានផុស

៤ years មុន

នៅ

ថ្ងៃពុធ ៩ ធ្នូ ២០២០

ដោយ

ក្នុងការដាំឪឡឹកសាច់លឿង ដែលនាំចូលពូជពីប្រទេសជប៉ុន នៅក្នុងកសិដ្ឋានដំណាំភូមិទួល នាខេត្តមណ្ឌលគិរី ក្នុងរយៈ៣ឆ្នាំចុងក្រោយនេះ ទទួលបានលទ្ធផលល្អប្រសើរ ដោយក្នុងនោះ ទទួលបានផលពី២០ទៅ៣០តោន។

អាស្រ័យដោយសារមានផ្ទៃដីតិច លោក រ៉ាដូ ម្ចាស់កសិដ្ឋានភូមិទួល ខេត្តមណ្ឌលគិរី បានឲ្យដឹងថា បីឆ្នាំមកនេះ ការដាំឪឡឹកសាច់លឿងនាំចូលពីប្រទេសជប៉ុន មានតែនៅក្នុងខេត្តមណ្ឌលគិរីប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រ៉ាដូ បានឲ្យដឹងបន្តទៀតថា ឪឡឹកសាច់លឿងនេះ លក់ចេញក្នុង១គីឡូក្រាមថ្លៃ៤ពាន់រៀល ពោរពេញទៅដោយជាតិផ្អែមមុតដូចជារសជាតិដើមអញ្ចឹងដែរ។

កសិកររូបនេះ បញ្ជាក់ថា ចំពោះទីផ្សារឪឡឹកភាគច្រើននាំចូលភ្នំពេញ សៀមរាប និងកំពង់ចាម ។លោក រ៉ាដូ បន្តទៀតថា លោកមានគម្រោងពង្រីកផ្ទៃដីដាំដុះឪឡឹកសាច់លឿងនេះ ទៅដល់ខេត្តកំពង់ព្រះសីហនុចំនួន១០ហិកតា បន្ថែមទៀត ដើម្បីបំពេញតម្រូវការទីផ្សារក្នុងស្រុក៕

អត្ថបទ ៖ កញ្ញា វ៉ាត

Related Topics:កសិករ