ព័ត៌មានជាតិ
ខេត្តកំពង់ស្ពឺ ពុំមានអ្នកជំងឺកូវីដ-១៩ សម្រាកព្យាបាលទៀតឡើយ ហើយក៏ពុំមានករណីឆ្លងថ្មីទៀតដែរ
នេះជាការបញ្ជាក់របស់លោក យឹម សុខុម ប្រធានក្រុមប្រឹក្សាខេត្តកំពង់ស្ពឺ នៅក្នុងសន្និសីទសារព័ត៌មានស្ដីពី “វឌ្ឍនភាពមូលដ្ឋានឃុំ សង្កាត់ និងទិសដៅការងារបន្តរបស់ខេត្តកំពង់ស្ពឺ” នាព្រឹកថ្ងៃទី១៣ ខែមករា រៀបចំដោយអង្គភាពអ្នកនាំពាក្យរាជរដ្ឋាភិបាល។
លោកបញ្ជាក់យ៉ាងដូច្នេះថា “គិតមកដល់ពេលនេះ នៅទូទាំងខេត្តកំពង់ស្ពឺ ពុំមានករណីឆ្លងជំងឺកូវ-១៩ ថ្មីទៀតទេ រីឯអ្នកដែលកំពុងព្យាបាលនៅតាមមណ្ឌលព្យាបាល និងនៅតាមផ្ទះក៏ពុំមានដែរ”។
បើតាមលោក យឹម សុខុម “ផែ្អកលើយុទ្ធសាស្ត្រ និងវិធានការជាច្រើនរបស់រាជរដ្ឋាភិបាល ពិសេសការគ្របដណ្តប់នៃការចាក់វ៉ាក់សាំងការពារជំងឺកូវីដ-១៩ ដល់ប្រជាជនឱ្យមានភាពស៊ាំក្នុងសង្គម សម្រេចបាន៨៩,២០% នៃប្រជាជនសរុបប្រមាណ១៦លាននាក់។ ដោយឡែកសម្រាប់ខេត្តកំពង់ស្ពឺ បានចាក់វ៉ាក់សាំងការពារជំងឺកូវីដ-១៩ ជូនប្រជាជនសម្រេចបានចំនួន៩១%”។
ប្រធានក្រុមប្រឹក្សាខេត្តរូបនេះ បានអះអាងថា លទ្ធផលនៃការខិតខំប្រឹងប្រែងនេះ បានធ្វើឱ្យប្រទេសកម្ពុជាក្លាយជាប្រទេសមួយ ក្នុងចំណោមបណ្តាប្រទេសក្នុងតំបន់ និងលើសកលលោក ដែលសម្រេចបាននូវយុទ្ធសាស្ត្រ ចាក់វ៉ាក់សាំងជូនប្រជាជនក្នុងកម្រិតមួយខ្ពស់គួរឱ្យកត់សម្គាល់។
ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ សិស្សានុសិស្ស និងប្រជាពលរដ្ឋក្នុងខេត្តកំពង់ស្ពឺ គោរពថ្លែងអំណរគុណយ៉ាងជ្រាលជ្រៅបំផុតចំពោះការការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈការអនុវត្តក្របខណ្ឌគោលនយោបាយជាតិគាំពាសង្គម និងសុខភាពសាធារណៈរបស់ប្រជាពលរដ្ឋកម្ពុជាគ្រប់រូបដោយមិនប្រកាន់ និន្នាការនយោបាយ ព្រមទាំងយកចិត្តទុកដាក់ខ្ពស់លើជីវភាពរស់នៅតាមរយៈការពង្រឹង សន្តិសុខស្បៀង អាហារូបត្ថម្ភ ជំនួយសង្គម និងប្រព័ន្ធសន្តិសុខសង្គមឱ្យកាន់តែមានប្រសិទ្ធភាព ដើម្បីធានាលើកកម្ពស់សុខមាលភាពរបស់ប្រជាជនដើម្បីកាត់បន្ថយភាពក្រីក្រឱ្យបានជាអតិបរមា។
ទោះជាយ៉ាងណា លោក យឹម សុខុម បានបញ្ជាក់ថា ទន្ទឹមនឹងការទទួលបាននូវលទ្ធផលការងារល្អ រដ្ឋបាលខេត្តក៏មានបញ្ហាប្រឈមមួយចំនួនដូចជា: សំណូមពរ និងកង្វល់របស់បងប្អូនប្រជាពលរដ្ឋមួយចំនួន ពុំទាន់បានដោះស្រាយជូនពួកគាត់ទាន់ពេលវេលា ហើយបញ្ហាខ្លះលើសពីដែនសមត្ថកិច្ចរបស់ខេត្ត, ប្រជាពលរដ្ឋមួយចំនួនមានការលំបាក និងចំណាយថវិកាច្រើនក្នុងការធ្វើដំណើរមកទទួលសេវាសាធារណៈនានានៅមូលដ្ឋានដោយសារតំបន់មួយចំនួននៅឆ្ងាយពីទីតាំងផ្តល់សេវា៕
អត្ថបទ៖ កោះកែវ
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៧ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត