ព័ត៌មានជាតិ
បាត់ដំបង មានតំំបន់ទេសចរ ១១១ ទីតាំង ចង់ទៅលេងមិនខ្វះកន្លែងដើរ
ខេត្តបាត់ដំបង÷ យោងតាមរបាយការណ៍ពីមន្ត្រីនៃមន្ទីរទេសចរណ៍ខេត្តបាត់ដំបងបានឲ្យដឹងថា ខេត្តបាត់ដំបងមានវិសាលភាពរមណីយដ្ឋាននិងគោលដៅទេសចរណ៍ទូទាំងខេត្តមានចំនួន១១១ទីតាំងក្នុងនោះ រមណីយដ្ឋានទេសចរណ៍មានចំនួន ២០ ទីតាំង សហគមន៍និងអេកូទេសចរណ៍មាន ០៤ទីតាំង គោលដៅទេសចរណ៍មាន៥៤ទីតាំង ទេសចរណ៍សាសនាមាន ២៩ ទីតាំង និងកសិទេសចរណ៍មាន០៤ទីតាំង។
ចំពោះរមណីយដ្ឋានទេសចរណ៍ទាំង២០ទីតាំងក្នុងនោះ រមណីយដ្ឋានវប្បធម៌ប្រវត្តិសាស្ត្រមានចំនួន០៥ទីតាំង រមណីយដ្ឋានប្រវត្តិសាស្ត្រកែច្នៃមាន ០១ ទីតាំង រមណីយដ្ឋានវប្បធម៌ធម្មជាតិមាន ០១ ទីតាំង រមណីយដ្ឋានធម្មជាតិកែច្នៃមាន១០ទីតាំង និងកីឡាទេសចរណ៍មាន០៣ទីតាំង។
រមណីយដ្ឋានសំខាន់ៗទាំង២០ទីតាំងខាងលើនេះមានដូចជា÷
-រមនីយដ្ឋានប្រាសាទបាណន់
-ប្រាសាទឯកភ្នំ
-ប្រាសាទស្នឹង
-ប្រាសាទបាសែត
-ភ្នំសំពៅ
-អាងកំពីងពួយ
-ល្អាង១០០ភ្នំប្រាំពីរ
-ទឹកធ្លាក់ចំការស្វាយ
-ចំការមៀន
-ទឹកធ្លាក់ថ្មដាចំការទុរេន
-ស្ទឹងថ្វាក
-ចំការទុរេនអូរតង
-ទឹកធ្លាក់ភ្នំកំពូល
-ទឹកពុះកំរៀង
-ទឹកធ្លាក់៥៣ភ្នំព្រឹក
-នគរជាភ្នំព្រឹក
-សួនទឹកសុភមង្គល
-ឡូរីជើងភ្នំសំពៅ
-វាលចម្បាំងខេមសាយនិងរមនីយដ្ឋានដាយមិនរីសត។
សហគមន៍និងអេកូទេសចរណ៍មាន០៤ទីតាំងរួមមាន សហគមន៍អេកូទេសចរណ៍ព្រែកទាល់ សហគមន៍អេកូទេសចរណ៍ទឹកធ្លាក់អូរជាំ សហគមន៍ទេសចរណ៍វប្បធម៌វត្តគរ និងសហគមន៍អេកូទេសចរណ៍តាតោកអូរក្រូច។
ក្រៅពីនេះមានគោលដៅទេសចរណ៍មាន៥៤ទីតាំងក្នុងនោះមានដូចជា ទីតាំងទេសចរណ៍វប្បធម៌ប្រវត្តិសាស្ត្រ៥ទីតាំង ទេសចរណ៍សិល្ប:មាន៤ទីតាំង ធម្មជាតិកែច្នៃមាន១១ទីតាំង ធម្មជាតិមាន១១ទីតាំង កែច្នៃ៩ទីតាំង ផលិតគាំទ្រទេសចរណ៍៨ទីតាំង ផ្សារទេសចរណ៍៣ទីតាំង និងទេសចរណ៍ប្រវត្តិសាស្ត្រ៣ទីតាំង រួមទាំងរមណីយដ្ឋានទេសចរណ៍សាសនាចំនួន២៩ទៀតផង។
លោក ហម អរុណ ប្រធានការិយាល័យគ្រប់គ្រងឧស្សាហកម្មទេសចរណ៍ខេត្តបានបញ្ជាក់ថា ទីតាំងទេសចរណ៍ទាំង១១១ ទីតាំង មន្ទីរបានរៀបចំតែ២៣ទីតាំងប៉ុណ្ណោះ។ តែទីតាំងខ្លះដែលខាងមន្ទីរមិនទាន់រៀបចំ ក៏បានទាញអារម្មណ៍អ្នកទេសចរចូលកម្សាន្តផងដែរ។
បើមន្រ្តីរូបនេះបន្តថា អនាគតខាងមុខខាងមន្ទីរនឹងរៀបចំបន្តបន្ទាប់ទៀតដើម្បីទាក់ទាញកំណើនភ្ញៀវទេសចរ ក៏ដូចជាដើម្បីលើកកម្ពស់មុខមាត់ខេត្តបាត់ដំបង។
ខេត្តបាត់ដំបងជាខេត្តមានទឹកដីធំទូលាយជាប់លំដាប់ទី៥ (១១ ៧៤៨គីឡូម៉ែត្រការ៉េ) ស្ថិតនៅទិសពាយ័ព្យដែលមានព្រំប្រទល់ខាងជើងជាប់ខេត្តបន្ទាយមានជ័យ ខាងលិចជាប់ខេត្តប៉ៃលិន និងព្រះរាជាណាចក្រថៃ (ខេត្តច័ន្ទបុរី ត្រាតនិងស្រះកែវ) ខាងកើតជាប់ខេត្តសៀមរាប និងបឹងទន្លេសាប ខាងត្បូងជាប់ខេត្តពោធិ៍សាត់។ ខេត្តបាត់ដំបងមានក្រុង ១ និងស្រុកចំនួន ១៣ មានប្រជាជនសរុប១,៣២៩,៣៨៦(ឆ្នាំ២០២០)ស្មើនឹង២៨៤,៣៩៩គ្រួសារ៕
អត្ថបទ៖ សៅ សារិទ្ធ
ចិន ប្រាប់ថា ខ្លួននឹងមិនទន់ជ្រាយចំពោះសកម្មភាពឯករាជ្យរបស់តៃវ៉ាន់ឡើយ
រោងចក្រចំនួន ៤ ឈ្នះពានរង្វាន់មាសឧស្សាហកម្មបៃតងកម្ពុជា ឆ្នាំ២០២៤
ការលក់រថយន្ត EV កើនឡើង ៧ ខែជាប់ៗគ្នា និងដល់អត្រាខ្ពស់បំផុត៣ដង
ភាពតស៊ូរបស់លោកស្រី សៅ កុសល៖ ដំណើរឆ្ពោះទៅចំណុចស្នូលនៃការងារផ្នែកលក់របស់ ក្រុមហ៊ុន ហុិននីគែន ខេមបូឌា
ក្រុមហ៊ុនកូរ៉េជាង ៥០ បង្ហាញបំណងវិនិយោគលើវិស័យសក្ដានុពលនៅកម្ពុជា
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup
កម្ពុជាមានបំណុលសាធារណៈជាង ១១,៧៨ ប៊ីលានដុល្លារ
ទោះគេប្រាប់ថាជិះកង់រដូវនេះ ត្រជាក់ដល់ -30 ឬ -40°C តែលោក តារារិទ្ធ នៅមានៈបន្តដំណើរដើម្បីកុមារកម្ពុជា
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានអន្ដរជាតិ៣ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
សុខភាព៥ ម៉ោង agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ២ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៤ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៥ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ