៦ អង្គការចុះ​កិច្ចព្រមព្រៀង​ជាមួយ​ក្រសួង​សង្គមកិច្ច​ដើម្បី​រួមគ្នា​ទប់ស្កាត់​ប្រឆាំងនឹង​ការជួញដូរ​មនុស្ស ពិសេស​កុមារ​

នាយកដ្ឋាន​២​របស់​ក្រសួង​សង្គមកិច្ច អតីតយុទ្ធជន និង​យុវនីតិសម្បទា​គឺ​នាយកដ្ឋាន​ប្រឆាំង​ការជួញដូរ​មនុស្ស និង​សមាហរណកម្ម​ជនរងគ្រោះ សហការ​ជាមួយ​នាយកដ្ឋាន​សុខុមាលភាព​កុមារ​បានរួម​គ្នា​ចុះ​កិច្ចព្រមព្រៀង​ជាមួយ​អង្គការ​ចំនួន ៦​អង្គការ នៅ​កម្ពុជា​ដើម្បី​ការពារ​សិ​ទ្ទ​កុមារ ការជួញដូរ​មនុស្ស​និង​អំពើ​ហឹ​ង្សា​លើ​ស្ត្រី​ដែល​ពិធី​នេះ​ប្រារព្ធ​ឡើង​នៅ​ថ្ងៃ​សុក្រ ១២​កើត ខែបុស្ស ឆ្នាំឆ្លូវ ត្រី​ស័ក ព​.​ស​២៥៦៥ ត្រូវ​នឹង​ថ្ងៃទី​១៤ ខែមករា ឆ្នាំ​២០២២​នៅ​ទីស្តីការក្រសួង ។​

​ខ្លឹមសារ​នៃ​ការចុះ​កុ​ច្ច​ព្រមព្រៀង​ខាងលើនេះ​មាន​អត្ថប្រយោជន៍​បំផុត​គឺ​បាន​ផ្តោត​សំខាន់​ទៅលើ​កត្តា​៣​យ៉ាង​គឺ ទី​១ បន្ត​រួមគ្នា​ជាមួយ​រាជរដ្ឋាភិបាល​កម្ពុជា​ក្នុងការ ការពារ​ទារុណកម្ម​កុមារ ការជួញដូរ​មនុស្ស​និង​អំពើ​ហឹ​ង្សា​។ ទី​២ ការពារ​អំពើ ជួញដូរ​កុមារ ។ ទី ៣ ការពារ​សិទ្ធិ​កុមារ​និង​ស្ត្រី ។​

​សូម​បញ្ចា​ក់ថា នាយកដ្ឋាន​ប្រឆាំង​ការជួញដូរ​មនុស្ស និង​សមាហរណកម្ម​ជនរងគ្រោះ សហការ​ជាមួយ​នាយកដ្ឋាន​សុខុមាលភាព​កុមារ បានរៀបចំ​ពិធី​ចុះ​កិច្ចព្រមព្រៀង​គម្រោង​កម្ម​វិធី​រវាង​អង្គការ​ចំនួន ៦​អង្គការ រួមមាន​អង្គការ កម្ពុជា​ដើម្បី​ជួយ​ស្ត្រី​មាន​វិបត្តិ អង្គការ World Mobilization អង្គការ Holt Children’s Services, INC អង្គការ Jesuit Service Cambodia អង្គការ IL Nodo International Cooperation និង​អង្គការ​កុមារ​អាស៊ី ជាមួយនឹង​ក្រសួង​សង្គមកិច្ច អតីតយុទ្ធជន និង​យុវនីតិសម្បទា ក្រោម​អធិបតីភាព​លោក តូច ចាន់នី អគ្គនាយក នៃ​អគ្គនាយកដ្ឋាន​បច្ចេកទេស តំណាង​ដ៏​ខ្ពង់ខ្ពស់ លោក​វង សូត រដ្ឋមន្ត្រីក្រសួង​សង្គមកិច្ច អតីតយុទ្ធជន និង​យុវនីតិសម្បទា ដោយមាន​ការអញ្ជើញ​ចូលរួម ពី​សំណាក់​លោក លោកស្រី ប្រធាន​មន្ទីរ​ស​.​អ​.​យ រាជធានី ខេត្ត លោក លោកស្រី នាយក នាយិកា អង្គការ លោក លោកស្រី ប្រធាន អនុប្រធាននាយកដ្ឋាន លោក លោកស្រី ប្រធាន អនុប្រធាន​ការិយាល័យ និង​មន្ត្រី​ជាច្រើនរូប​ទៀត​៕

អត្ថបទ ៖ វិមាន