ព័ត៌មានជាតិ

អតិថិជនទៅហាង Zendo អ្នកឆ្លង កើនដល់ ០៦ នាក់

បានផុស

៤ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

Dy Bunnara

ព្រឹកនេះរកឃើញអ្នកឆ្លងថែម ០១ ទៀត ដែលជាភ្ញៀវបានចូលទៅទិញសម្លៀកបំពាក់នៅហាង Zendo សាខាបឹងកេងកង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសជនជាតិខ្មែរឈ្នោះខន ប្រសើរ អាយុ ៣៧ ឆ្នាំ មានអាសយដ្ឋាននៅសង្កាត់បឹងកក់ ២ ខណ្ឌទួលគោក បានឆ្លងកូវីដ ១៩ ដែលបានចូលទៅហាង Zendo សាខាងបឹងកេងកង។ ហាង Zendo សាខាបឹងកេងកងដែលស្ថិតនៅលើផ្លូវត្រសក់ផ្អែម បានរកឃើញមានអ្នកឆ្លង ០៥ នាក់រួចមកហើយ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត និងមណ្ឌលសុខភាពចាក់អង្រែ។

បប្ចុប្បន្នបុរសរងគ្រោះខាងលើត្រូវបញ្ជូនទៅសម្រាកព្យាបាលនៅមន្ទីរពេទ្យមិត្តភាពខ្មែរសូវៀត។

គួរបញ្ជាក់ថា ហាងពីរបានក្លាយជាមុខសញ្ញានៃការចម្លងកូវីដក្នុងសហគមន៍គឺហាង Pedro នៅលើផ្លូវព្រះសីហនុនិងហាង Zando នៅផ្លូវត្រសក់ផ្អែម។ ហាង Pedro ដែលមានទីតាំងនៅផ្លូវព្រះសីហនុ ជាទីតាំងមួយដែលមានការចម្លងនិងរកឃើញមានអ្នកឆ្លងជាបន្តបន្ទាប់មានទាំងបុគ្គលិក ភ្ញៀវ និងអ្នកពាក់ព័ន្ធដទៃទៀត។

គិតត្រឹមថ្ងៃ ០៩ ធ្នូ ឆ្នាំ ២០២០ បុគ្គលិកហាង Pedro ចំនួន ០៩ នាក់ ដែលបានឆ្លងកូវីដ ១៩។

ក្រសួងសុខាភិបាលបានប្រកាសឲ្យពលរដ្ឋដែលបានទៅហាង “ZANDO និង Pedro” ចាប់ពីថ្ងៃ ២៧ វិច្ឆិកា ២០២០ ប្រញាប់មកធ្វើចត្តាឡីស័កនៅសណ្ឋាគារសុខា ខណៈការរកឃើញករណីឆ្លងថ្មីៗសុទ្ធតែពាក់ព័ន្ធហាងទាំងពីរនេះ៕

Related Topics: