ព័ត៌មានជាតិ
អគ្គលេខាធិការអាស៊ាន ប្រកាសគាំទ្រក្រសួងការពារជាតិកម្ពុជា ធ្វើជាម្ចាស់ផ្ទះរៀបចំកិច្ចប្រជុំរដ្ឋមន្ត្រីការពារជាតិអាស៊ាន
អគ្គលេខាធិការអាស៊ាន បានប្រកាសគាំទ្រយ៉ាងពេញទំហឹង ចំពោះក្រសួងការពារជាតិកម្ពុជា ក្នុងការរៀបចំធ្វើជាម្ចាស់ផ្ទះ កិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធមួយចំនួនទៀត នៅក្នុងឆ្នាំ ២០២២នេះ។
ការប្រកាសនេះ គ្រាដែលសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអនុញ្ញាតយលោក លីម ចុក ហ៊ុយ អគ្គលេខាធិការអាស៊ាន និងគណៈប្រតិភូចូលជួបសម្តែងការគួរសម និងពិភាក្សាការងារ នៅទីស្តីការក្រសួងការពារជាតិ កាលពីរសៀលថ្ងៃទី ១៧ ខែមករា ឆ្នាំ ២០២២។
នៅក្នុងជំនួបនោះ សម្តេចពិជ័យសេនា ទៀ បាញ់ សម្តែងសេចក្តីសោមន្សរីករាយ និងស្វាគមន៍យ៉ាងកក់ក្តៅចចំពោះលោក លីម ចុក ហ៊ុយ និងគណៈប្រតិភូ ដែលបានមកអញ្ជើញមកបំពេញទស្សនកិច្ចផ្លូវការនៅកម្ពុជា។
ក្នុងនាមម្ចាស់ផ្ទះ រៀបចំកិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធនៅឆ្នាំ ២០២២នេះ សម្តេចពិជ័យសេនា បានប្តេជ្ញាចិត្តខិតខំប្រឹងប្រែង រៀបចំកិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធ ឲ្យទទួលបានជោគជ័យ។
នៅក្នុងជំនួបនោះ សម្តេចពិជ័យសេនា បានជម្រាបជូន លោកអគ្គលេខាធិការអាអាស៊ានថា ការធ្វើម្ចាស់ផ្ទះប្តូរវេន កិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធឆ្នាំ ២០២២ កម្ពុជានឹងរៀបចំកិច្ចប្រជុំចំនួន ១៣ និងបានត្រៀមរៀបចំឯកសារ ធនធានមនុស្ស និងមធ្យោបាយផ្សេងៗ បានរួចរាល់។ ដោយសារប្រទេសកម្ពុជា មានស្ថានភាពល្អ ក្នុងការទប់ស្កាត់ការរីករាលដាលជំងឺកូវីដ-១៩ ទើបកម្ពុជាគ្រោងនឹងរៀបចំកិច្ចប្រជុំដោយផ្ទាល់ ដែលគ្រោងនឹងរៀបចំ នៅទីស្តីការក្រសួងការពារជាតិថ្មីនេះ និងនៅតាមខេត្តមួយចំនួន។
សម្តេចពិជ័យសេនា បានសង្កត់ធ្ងន់ថា ទោះបីកម្ពុជា បានរៀបចំឯកសារពាក់ព័ន្ធរួចរាល់ សម្រាប់កិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធក៏ពិតមែន។ ប៉ុន្តែកម្ពុជានៅតែ ត្រូវការធាតុចូលបន្ថែមពីបណ្តាប្រទេសអាស៊ាន ជាពិសេសពីអគ្គលេធិការដ្ឋានអាស៊ាន ទៅលើការងារខ្លឹមសារ និងរដ្ឋបាល។ ដូច្នេះស្នើលោកអគ្គលេខាធិការអាស៊ាន បន្តជួយសម្របសម្រួលរាល់កិច្ចការទាំងឡាយ ពាក់ព័ន្ធនឹងវិស័យការពារជាតិ ជាពិសេសឯកសារទស្សនទានចំនួន ៣៖
ទី១. កិច្ចសហប្រតិបត្តិការកងទ័ពអាស៊ាន ទប់ស្កាត់ការឆ្លងដែននៃជំងឺកូវីដ-១៩។ ទី២. ការចូលរួមប្រតិបត្តិការរក្សាសន្តិភាពស្ត្រីអាស៊ាន សន្តិភាព និងសន្តិសុខ។ ទី៣. បង្កើតកិច្ចសហប្រតិបត្តិការសាកលវិទ្យាល័យការពារជាតិអាស៊ាន និងសេចក្តីថ្លែងការណ៍រួម។
សម្តេចពិជ័យសេនា បានបញ្ជាក់ជូនថា រហូតមកដល់ពេលនេះ កម្ពុជាទើបទទួលបាន ការស្នើសុំរៀបចំកិច្ចប្រជុំក្រៅផ្លូវការ រដ្ឋមន្ត្រីការពារជាតិអាស៊ានបូក ១ ពីរុស្ស៊ី និងជប៉ុន តែប៉ុណ្ណោះ។ ដូច្នេះសម្ដេច បានស្នើឲ្យអគ្គលេខាធិការដ្ឋានអាស៊ាន ជួយជំរុញ និងសម្របសម្រួល ជាមួយប្រទេសដៃគូដទៃទៀត ដើម្បីរៀបចំកិច្ចប្រជុំក្រៅផ្លូវការ រដ្ឋមន្ត្រីការពារជាតិអាស៊ានបូក ១ ដែលគ្រោងនឹងរៀបចំនៅបំណាច់ឆ្នាំ២០២២ ខាងមុខនេះ។
នៅក្នុងជំនួបនោះដែរ លោក លីម ចុក ហ៊ុយ អគ្គលេខាធិការអាស៊ាន បានថ្លែងអំណរគុណចំពោះការស្វាគមន៍យ៉ាងកក់ក្តៅ ពីសំណាក់សម្តេចពិជ័យសេនា និងបានអបអរសាទរ ចំពោះសម្ដេចពិជ័យសេនា ដែលបានក្លាយជាម្ចាស់ផ្ទះប្តូរវេនរៀបចំកិច្ចប្រជុំ រដ្ឋមន្ត្រីការពារជាតិអាស៊ាន និងកិច្ចប្រជុំរដ្ឋមន្ត្រីការពារជាតិអាស៊ានបូកនៅឆ្នាំ ២០២២នេះ។
បន្ថែមពីលើនេនេះ លោកអគ្គលេខាធិការអាស៊ាន នឹងចាត់ក្រុមការងារពិសេសមួយក្រុម សហការជាមួយក្រុមការងារក្រសួងការពារជាតិកម្ពុជា ទទួលបន្ទុកកិច្ចការអាស៊ាននេះ។ អគ្គលេខាធិការអាស៊ាន ប្រកាសគាំទ្រយ៉ាងពេញទំហឹង ចំពោះក្រសួងការពារជាតិកម្ពុជា រៀបចំធ្វើជាម្ចាស់ផ្ទះកិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំរដ្ឋមន្ត្រីការពារជាតិបូក នៅឆ្នាំ ២០២២ និងបានប្តេជ្ញាចិត្តធ្វើការជាមួយក្រសួងការពារជាតិកម្ពុជា និងសម្របសម្រួលការងារគ្រប់បែបយ៉ាង ជាមួយប្រទេសដៃគូទាំងអស់ សំដៅរួមគ្នា ជួយរៀបចំកិច្ចប្រជុំដំណើរការ ឲ្យសម្រេចជោគជ័ជ័៕
អត្ថបទ៖ កោះកែវ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ