ព័ត៌មានជាតិ
អ្នកស្រុកបាណន់កាន់តែច្រើនឡើងៗងាកមកប្រើប្រាស់ការទូរទាត់តាមបែបឌីជីថល
ប្រជាពលរដ្ឋរស់នៅស្រុកបាណន់ខេត្តបាត់ដំបងទាំងនៅទីប្រជុំជននិងនៅជនបទដាច់ស្រយាកាន់តែច្រើនឡើងៗហើយបានងាកមកប្រើប្រាស់ការទូរទាត់តាមបែបឌីជីថលតាមរយៈ អេប អេស៊ីលីដាម៉ូបាលក្នុងការធ្វើអាជីវកម្មក៏ដូចជាការរស់នៅប្រចាំថ្ងៃ។
ជាក់ស្តែងប្រជាជនរស់នៅក្នុងឃុំ កន្ទឺ២ ដែលជាទីជនបទមួយ ស្ថិតក្នុងស្រុកបាណន់ ខេត្តបាត់ដំបង ប្រើប្រាស់ប្រព័ន្ធទូទាត់ប្រាក់តាមប្រព័ន្ធអេឡិចត្រូនិក QR Codeដោយសារវាមានភាពស្រួលនិងលឿនរហ័សទាន់ចិត្ត ។
លោក ឆេង រតនា អាយុ២៩ឆ្នាំ ជាអ្នកលក់ដូរគ្រឿងភេសជ្ជៈនិងគ្រឿងទូរស័ព្ទ នៅឃុំកន្ទឺ២ ស្រុកបាណន់ ខេត្តបាត់ដំបង បានមានប្រសាសន៍ថាមូលហេតុដែលធ្វើឱ្យលោកសម្រេចចិត្តប្រើការទូទាត់ឌីជីថលដោយសារវាមានងាយស្រួល លឿនរហ័ស ចំណេញពេលនិងមានសុវត្ថិភាពមិនចាំបាច់កាន់លុយ មិនបារម្ភពី ការឆ្លងមេរោគ ការចាយលុយខ្វះឬលើសនោះទេ។
ចំណែកលោកស្រី គឹម លឿន អាជីវករលក់ចាប់ហួយ នៅឃុំកន្ទឺ២ ស្រុកបាណន់ ខេត្តបាត់ដំបង បានឱ្យដឹងដែរថាចាប់តាំងពីលោកស្រីបានប្រើប្រាស់ប្រព័ន្ធទូទាត់ QR Codeរួចមកបានធ្វើឱ្យការ អាជីវកម្មរបស់លោកស្រីកាន់តែមានភាពងាយស្រួល ដោយសារតែការទូទាត់តាមប្រព័ន្ធនេះលឿន រហ័សដោយគ្រាន់តែស្កែនរួចអ្នកទិញគាត់គ្រាន់តែទូទាត់ប្រាក់តាមចំនួនទំនិញដែលគាត់យកគឺជាការស្រេច។ព្រោះថាភាគច្រើន ប្រជាជននៅក្នុងតំបន់បាណន់ ទូទាត់ប្រាក់តាមប្រ័ន្ធ QR Code នេះត្រូវបានធ្វើឡើងជាប្រាក់រៀល ច្រើនជាងប្រាក់ដុល្លារ។
លោកស្រីបានបន្តថាលើសពីនេះទៀតវាបានជួយសម្រួលដល់អាជីវកម្មរបស់លោកស្រីបានមួយចំណែកថែមទៀត ហើយវាកាត់បន្ថយពេលវេលាក្នុងការទូទាត់ប្រាក់ ជាជាងការទូតទាត់ជាសាច់ប្រាក់។
លោក អ៊ាប វិសាល នាយកអេស៊ីលីដា សាខាកន្ទឺ២ នៅក្នុងភូមិសាស្ត្រភូមិបាណន់ ឃុំកន្ទឺ២ ស្រុកបាណន់ ខេត្តបាត់ដំបង បានឱ្យដឹងថាឥឡូវនេះការប្រើប្រាស់ឌីជីថល នៅស្រុកបាណន់នេះ មានការកើនឡើង។ប្រជាពលរដ្ឋបានយល់ដឹងច្រើនទាក់ទងការទូទាត់តាមឌីជីថល ដូចជាការដកប្រាក់ ដាក់ប្រាក់ តាមរយៈគ្យូអកូដ (QR Code)។ លោកបានបន្តថាពីមុនប្រជាពលរដ្ឋមានការលំបាកមិនសូវយល់ពីសារៈសំខាន់នៃឌីជីថល តែដោយមានការខិតខំជួយពន្យល់ និងការជួយចង្អុលបង្ហាញពីភ្នាក់ងារអេស៊ីលីដា ប្រជាពលរដ្ឋ ដែលពួកគាត់មួយចំនួនមានវ័យចំណាស់ បានងាកមកមកប្រើប្រាស់ការទូទាត់ឌីជីថលកាន់តែច្រើនទោះជាស្ថិតនៅក្នុងតំបន់ជនបទក៏ដោយ។
លោកនាយកសាខា បានបន្តទៀតថាការកើនឡើងនៃការប្រើប្រាស់ការទូទាត់តាមគ្យូអកូដនេះ ជួយកាត់បន្ថយការកកស្ទះនៅបញ្ជរការិយាល័យ ដែលពីមុនការធ្វើប្រតិបត្តិការស្ទះរហូតដល់ពេលបិទការិយាល័យ។តែបច្ចុប្បន្ននេះ អាចស្ទះតែ១ម៉ោងឬសឹងតែមិនមានស្ទះផង។
លោក អ៊ាប វិសាល បានឱ្យដឹងថាគិតមកដល់ចុងឆ្នាំ២០២១ អេស៊ីលីដាសាខាឃុំកន្ទឺ២ មានអតិថិជនឥណទានចំនួន១៩៨៦នាក់ ហើយអតិថិជនភ្ជាប់QR Code មានជាង២០០០នាក់ អតិថិជនដៃគូ១២៨នាក់។
លោក បណ្ឌិត អ៉ិន ចាន់នី ប្រធាននាយកប្រតិបត្តិធនាគារអេស៊ីលីដាភីអិលស៊ី ក្នុងឱកាសចុះត្រួតពិនិត្យការិយាល័យអេស៊ីលីដាសាខាស្រុកសំពៅមាសខេត្តបាត់ដំបង កាលពីថ្ងៃទី១៧ខែមករាឆ្នាំ២០២២ បានមានប្រសាសន៍ថា ចាប់ពីឆ្នាំ២០២០មកចំនួនអ្នកស្នើសុំឥណទានតាមបញ្ជរ ឬទីភ្នាក់ងារទូទាំងប្រទេសរបស់ អេស៊ីលីដា មិនសូវមាននោះទេ។
លោកបណ្ឌិត បានបន្តថា ការធ្លាក់ចុះនេះ គឺបន្ទាប់ពីអតិថិជនភាគច្រើនបានងាកមកប្រើប្រាស់សេវាស្នើសុំឥណទានតាមឌីជីថល ព្រោះវាមានភាពងាយស្រួល មិនស្មុគស្មាញ និងចំណាយពេលវេលាតិច។
លោកបណ្ឌិត បានទៀតថា៖« គិតចាប់ពីឆ្នាំ២០២០ មកទល់បច្ចុប្បន្ន ចំនួនអ្នកស្នើសុំឥណទានតាមអេឡិចត្រូនិករបស់ អេស៊ីលីដា មានកំណើន៤០ម៉ឺននាក់ ដែលជាចំនួនមួយដ៏ខ្ពស់។ ការកើនឡើងចំនួនអ្នកស្នើសុំឥណទានតាមឌីជីថលនេះកើតឡើងក្រោយអេស៊ីដាបានខិតខំអភិវឌ្ឍន៍ផលិតផល និងសេវាកម្មឌីជីថលជាបន្តបន្ទាប់ក្នុងការបម្រើអតិថិជន ឲ្យស្របតាមការរីកចម្រើននៃបច្ចេកវិទ្យាហិរញ្ញវត្ថុ»។
លោក បណ្ឌិត បានបន្ថែមថា ចំនួនអ្នកប្រើប្រាស់ប្រព័ន្ធឌីជីថលរបស់ធនាគារអេស៊ីដាបច្ចុប្បន្នមានរហូតដល់៩៤% ខណៈអ្នកប្រើប្រាស់សេវាទីភ្នាក់ងារ និងបញ្ជរមានតែ៦% តែប៉ុណ្ណោះ។
យ៉ាងណាក៏ដោយ លោកបណ្ឌិត អ៉ិន ចាន់នី បានបញ្ជាក់ថាធនាគារអេស៊ីលីដានឹងបន្តពង្រីកការិយាល័យនៅតាមរាជធានីខេត្តឲ្យកាន់តែច្រើនបន្ថែមទៀតនៅឆ្នាំ២០២២ នេះ ដើម្បីឆ្លើយតបទៅនឹងកំណើនរបស់អ្នកប្រើប្រាស់នាពេលបច្ចុប្បន្ន៕
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អភិបាលខេត្តស្វាយរៀងអរគុណសប្បុរសជនដែលធ្វើបុណ្យជាមួយការអប់រំ
ពលរដ្ឋមួយចំនួនចាត់ទុកការធ្វើបាតុកម្មនៅកូរ៉េជាការបំផ្លាញក្ដីសុខពលរដ្ឋ និងកិត្តិយសប្រទេសកម្ពុជា
ផ្ទះចំនួន ០៨ខ្នង ត្រូវបានបំផ្លាញដោយសារខ្យល់កន្រ្តាក់ នៅស្រុកសំពៅលូន
សម្ដេចធិបតី៖ កម្ពុជា-ចិននៅតែបន្តជំរុញការផ្សព្វផ្សាយវប្បធម៌ ប្រពៃណី និងវប្បធម៌ជាមួយគ្នាទៀត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ