Connect with us

ព័ត៌មានជាតិ

ទឹកទន្លេ​ឃុំ​ឆ្នុក​ទ្រូ ​ដែលធ្លាប់មានផ្ទះ​បណ្ដែត​ទឹក​​មិន​រៀបរយ បាន​ប្រែក្លាយ​សោភណភាព

បានផុស

នៅ

ក្រោយ​ទទួល​បាន​ដីសម្បទាន​ពី​រាជរដ្ឋាភិបាល សាងសង់​លំនៅឋាន​រស់នៅ​ដ៏​សមរម្យ​រួចមក ប្រជា​ពលរដ្ឋ​រស់នៅលើផ្ទះ​បណ្ដែត​ទឹក ស្ថិតក្នុងឃុំឆ្នុកទ្រូ នា​ភូមិសាស្ត្រ​ខេត្ត​កំពង់ឆ្នាំង បាន​បម្លាស់ទី​ឡើង​រស់​នៅ​លើក​គោក​អស់ហើយ ​ដោយនៅ​សេសសល់​បែរ​ត្រី​មួយចំនួន និងផ្ទះនៅតាមប្រឡាយទឹកខ្លះប៉ុណ្ណោះ។
 
លោក សាំង គឹមស៊ន មេឃុំឆ្នុកទ្រូ ​បានឲ្យ​​ដឹងថា ឃុំឆ្នុកទ្រូ មានភូមិចំនួន ៣ ដែលមានប្រជាពលរដ្ឋ​សរុប​ជាង​១ពាន់គ្រួសារ រស់នៅលើផ្ទះ​បណ្ដែត​ទឹក ក្នុង​ទន្លេ​។លោកថា ​ពួកគាត់​បាន​បម្លាស់ទី​ផ្ទះ​ទឹក ឡើង​មក​រស់នៅ​លើគោក តាមផែនការអស់ហើយ នៅសល់តែបែរចិញ្ចឹមត្រី​ចំនួន ៣០ បែរតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ លោកឲ្យដឹងថា មានផ្ទះបណ្តែតទឹកចំនួន៧ ខ្នងផ្ទះទៀតដែលមិនទាន់បម្លាស់ទី​ទៅដល់​គោលដៅនៅឡើយទេ តែអាជ្ញាធរ​សម្រេច​ឲ្យពួកគាត់​ស្នាក់​នៅក្នុង​ប្រឡាយទឹក​តាម​ផ្លូវក្នុងឃុំបណ្ដោះ​អា​សន្ន ដោយនៅពេលទឹកទន្លេឡើងខ្ពស់ ទើបពួកគាត់​អាចចល័ត​បម្លាស់ទី​ផ្ទះទឹកពួកគាត់​ទៅដល់គោល​ដៅ​នៅលើគោក​។

លោកឲ្យដឹងបន្តថា ប្រជាពលរដ្ឋដែលបម្លាស់ទីផ្ទះទឹកទៅរស់នៅលើគោកទាំងអស់ ​ទទួលបាន​ដីសម្បទាន​ពី​រដ្ឋ ក្នុងមួយគ្រួសារទទួលបានទំហំ ១៥ ម៉ែត្រ គុណនិង ៥០ សម្រាប់​សាងសង់​លំនៅឋាន​រស់​នៅ​បាន​សមរម្យ​។

​ផែនការ​បម្លាស់ទី​ផ្ទះ​ទឹក​របស់​អាជ្ញាធរ​ខេត្តកំពង់ឆ្នាំង បានអនុវត្តជាងបួនឆ្នាំមកហើយ ហើយទើបទទួល​បានជោគជ័យ ​ខណៈប្រជាពលរដ្ឋឡើងមករស់នៅលើគោក ត្រូវបានអាជ្ញាធរ​បានយកចិត្តទុកដាក់ ដោយ​កសាង​ហេដ្ឋារចនាសម្ព័ន្ធ​មួយ​ចំនួន​ ដូចជាសាលារៀន អណ្ដូងទឹក អគ្គិសនី​ជាដើម ដើម្បីឲ្យប្រជា​ពលរដ្ឋ​រស់នៅ​ប្រើប្រាស់​បាន​សមរម្យ​ប្រកប​ដោយ​ផាសុកភាព​៕

អត្ថបទ ៖ ឈៀង ថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៨ នាទី មុន

Avian Influenza (AI): ការស្វែងយល់អំពីការគ្រប់គ្រង និងការការពារជំងឺផ្ដាសាយបក្សីក្នុងប្រទេស កម្ពុជា

ព័ត៌មានអន្ដរជាតិ៤២ នាទី មុន

អ៊ីស្រាអែល ប្រមូលរបស់ទ្រព្យក្រុមហាម៉ាសត្រៀមបើកផ្លូវចូលទីក្រុងភាគ​ខាងត្បូងហ្គាហ្សា

កីឡា១ ម៉ោង មុន

ជើងឯកម៉ុងហ្គោលី Erdene មកដល់កម្ពុជា យប់មិញត្រៀមប្រកួតដណ្តើមខ្សែក្រវាត់

ព័ត៌មានជាតិ២ ម៉ោង មុន

លោកបណ្ឌិត លី ធុជ បញ្ជាក់ពីសារៈសំខាន់នៃការបញ្ជូនរបាយការណ៍តម្លាភាពនៃការអនុវត្តអនុសញ្ញាឆ្នាំ២០២៤

ព័ត៌មានជាតិ២ ម៉ោង មុន

កម្មកររោងចក្រ អ.ជី សប្បាយចិត្តចំពោះការបើកប្រាក់ឈ្នួល និងប្រាក់បំណាច់ផ្សេងៗលឿនជាងការកំណត់

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៤ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម