​ជំនាញ​អគ្គិសនី​ ក៏ត្រូវ​ប៉ាន់​ទីផ្សារ​ការងារ​ ​និស្សិត​ពូកែគណិត​ រូប ​មិនគួរ​មើល​រំលង​

ជំនាញវិស្វករអគ្គិសនី សិក្សាទៅលើ អេឡិចត្រូនិច ឌីជីថល សៀវគ្វីអគ្គិសនី អេឡិចត្រូនិច សូលីដ​ស្តាត គមនាគមន៍ និង គ្រឿង​យន្ត​ប្រើថាមពល និងអគ្គិសនី មានតម្រូវការទីផ្សារការងារច្រើន ខណៈអ្នកសិក្សាក៏កំពុងកើនឡើង។

លោក សារិន សិរីវត្ថា ប្រធានមជ្ឈមណ្ឌលស្រាវជ្រាវ និងអភិវឌ្ឍន៍នៃវិទ្យាស្ថាន ជាតិពហុបច្ចេក​ទេសកម្ពុជា (NPIC) បានប្រាប់ថា និស្សិតដែលចង់រៀនជំនាញអគ្គិសនីវិស្វកម្ម ត្រូវមាន​មូលដ្ឋានពីកែ​ខាងគណិតវិទ្យា រូបវិទ្យា មិនមាន​មានន័យថា គេតម្រូវនោះទេ ប៉ុន្តែប្រសិន​បើគាត់ពូកែមុខ​វិជ្ជានេះ​គឺឆាប់​ចាប់បានលឿន។

លោក សារិន សិរីវត្ថា បានឱ្យដឹងថា កំណើននិស្សិតចុះឈ្មោះចូលរៀននៅវិទ្យាស្ថានជាតិពហុ​បច្ចេក​ទេសកម្ពុជា​បច្ចុប្បន្នក្រោយពីការប្រឡងបាក់ឌុប ឃើញមានសន្ទុះមានការកើនឡើង​ច្រើនបើ​ធៀបនិងជំនាញផ្សេងៗ។

និស្សិតដែលបានបញ្ចប់ជំនាញនេះ អាចបម្រើការងារនៅរោងចក្រផលិតម៉ូទ័រ រោងចក្រចង្វាក់ផលិត​កម្ម ខាងស្រាបៀ គ្រឿងកំប៉ុង ផលិតជីជាចង្វាក់ផលិតកម្ម។

ចំណែកនិស្សិតខាងបណ្ដាញ អាចធ្វើការនៅអគ្គិសនីកម្ពុជា ក្រុមហ៊ុនសាងសង់ និងការឌីសាញប្រព័ន្ធទឹកភ្លើង។ លោក សារិន សិរីវត្ថា អះអាងថា ឱកាសទីផ្សារការងារមានច្រើន ខណៈធនធានមនុស្សដែលសាលាបានបណ្ដុះ​បណ្ដាល មិនគ្រប់តម្រូវការទីផ្សារនោះទេ៕

អត្ថបទ៖ ឡេង ដេត