លោក អ៊ីង សំអុល​ រំភើប​ចិត្ត​ដោយ​ការ​និពន្ធ​សៀវ​ភៅព្រះធម៌​ ត្រូវ​បាន​សមាគម​អ្នកនិពន្ធ​ទទួល​ស្គាល់

ក្រោយពីសិក្សាចប់ផ្នែកនិពន្ធនៅសមាគមអ្នកនិពន្ធខ្មែរដែលស្ថិតនៅក្នុងវត្តបទុមវត្តី អគារអ្នកនិពន្ធហ៊ុន សែន អស់រយៈពេល៣ខែមក លោក អុីង សំអុល បែរជាមានគំនិតទៅនិពន្ធ និងបោះពុម្ពសៀវភៅព្រះធម៌ទទួលបានការគាំទ្រ។

លោក អុីង សំអុល ឲ្យដឹងថា លោកធ្លាប់សិក្សាក្រេបជញ្ជក់នូវចំណេះដឹងផ្នែកនិពន្ធប្រលោម ឬកំណាព្យអស់រយៈពេល​៣ខែ ដែលគ្រូផ្នែកនិពន្ធទាំងអស់ផ្ដល់នូវចំណេះដឹងយ៉ាងទូលំទូលាយផ្នែកនិពន្ធសម័យ តែលោកវិញ បែរជាយកចំណេះដឹងដែលបានសិក្សានិពន្ធកន្លងមកទៅបម្រើព្រះធម៌ក្នុងព្រះពុទ្ធសាសនាដែលជានិស្ស័យក្នុងការសមាធិដើម្បីរម្ងាប់ផ្លូវចិត្ត ស្ងប់អារម្មណ៍ ខណៈសៀវភៅរបស់លោកត្រូវបានទទួលស្គាល់ដោយប្រធានសមាគមអ្នកនិពន្ធខ្មែរ។

ពេលនេះលោក អុីង សំអុល បាននិពន្ធសៀវភៅព្រះធម៌បន្តទៀត និងកំពុងចេញផ្សាយជាបន្តបន្ទាប់គឺមានសៀវភៅ ធម៌វន្ទាព្រះខ័នប្រាក់រាជ្យក្រុងអាយុធ្យា សៀវភៅធម៌វន្ទាព្រះខ័នសម្រិតរាជ និងសៀវភៅធម៌វន្ទាព្រះខ័នលោហរាជ។

លោកបានប្រាប់ពីបំណងដែលលោកទៅអង្គរវត្តទៀតថា គឺលោកទៅធ្វើសមាធិដើម្បី រំងាប់អារម្មណ៍ក្នុងការសូត្រធម៌វន្ទាព្រះខ័នរាជ ថ្វាយដល់ព្រះអង្គរតូចនៅ៣កន្លែងទៀតផង។ ហើយទៅដល់ទីនោះក៏មានការចូលរួម ពីបណ្ដាលក្រុម របាំធ្វើពិធីនៅអង្គរតូចនេះផងដែរ៕
អត្ថបទ៖ រុងរឿង