ព័ត៌មានជាតិ
ម៉ាសនៅរក្សាតម្លៃធម្មតា ទោះករណីឆ្លងកូវីដ១៩ ដល់សហគមន៍
តម្លៃម៉ាសនៅលើទីផ្សារមិនបានហក់ឡើងទេ បើទោះករណីឆ្លងកូវីដ១៩ បានចូលដល់សហគមន៍ក្តី។ ការឆ្លងចូលសហគមន៍ ដែលរាជរដ្ឋាភិបាលឱ្យឈ្មោះថា ព្រឹត្តិការណ៍ ២៨ វិច្ឆិកា។
អាជីវករលក់ម៉ាស បានប្រាប់កម្ពុជាថ្មីនៅព្រឹកថ្ងៃទី១០ ខែធ្នូនេះថា តម្លៃម៉ាសរបស់ពួកគាត់ បានចុះថ្លៃយ៉ាងខ្លាំងខុសប្លែក ជាងពេលផ្ទុះករណីនាំចូលកូវីដ១៩ កាលពីពាក់កណ្តលឆ្នាំ។ អាជីវករបន្តថា ម៉ាសលក់រាយនាពេលនេះ គឺធ្លាក់ចុះរហូតដល់ម៉ាស១ថ្លៃ១៥០រៀលខុសពីមុនមានតម្លៃ១០០០រៀល ក្នុងម៉ាស១ ហើយការធ្លាក់ថ្លៃនេះ គឺពួកគាត់បានចំណេញបានតិច មិនដូចមុនចំណេញច្រើន។
អាជីវករ នឿន នារី លក់ម៉ាស់នៅផ្សារច្បារអំពៅ បាននិយាយថា ចាប់តាំងពីអាជ្ញាធរមូលដ្ឋាននាំយកម៉ាសរបស់សម្តេចតេជោ មកចែកជូនប្រជាពលរដ្ឋ តាមបណ្តាផ្សារនិងតាមខ្នងផ្ទះប្រជាពលរដ្ឋកាលពីប៉ុន្មានថ្ងៃមុននេះ គឺធ្វើឲ្យតម្លៃម៉ាសធ្លាក់ចុះ។ទោះជាយ៉ាងណា គឺបងប្អូនអាជីវករនាំគ្នាពេញចិត្ត ព្រោះមនុស្សគ្រប់រូបសុទ្ធ តែមានពាក់ម៉ាសគ្រប់ៗគ្នា មិនថាអ្នកមានឬអ្នកក្រ។ ចំណែកអាជីវករ ចាន់ ធិតាកុល ដែលលក់ម៉ាសនៅផ្សារចាក់អង្រែក្រោម ខណ្ឌមានជ័យ រាជធានីភ្នំពេញ បានប្រាប់ថា តម្លៃម៉ាសពិតជាចុះថ្លៃមិនដូចពីដើមឆ្នាំ កាលដែលផ្ទុះខ្លាំងជំងឺកូវីដ១៩ដំបូង ដែលតម្លៃម៉ាស១ថ្លៃ១០០០រៀល ហើយថែមទាំងរកម៉ាសលក់មិនចង់បាន។ ប៉ុន្តែការធ្លាក់ថ្លៃនេះ គឺបន្ទាប់ពីម៉ាសរបស់សម្តេច បានផ្តល់ជូនអាជ្ញាធរឲ្យផ្តល់ជូនប្រជាពលរដ្ឋតាមខ្នងផ្ទះមកនោះ។
ទន្ទឹមនឹងការចុះថ្លៃម៉ាសនេះដែរ លោក ផល សុគុណ ដែលជាអ្នករត់តាក់ស៊ី បាននិយាយថា ពួកគាត់មានការសប្បាយចិត្ត ពេលតម្លៃម៉ាសមានការចុះថ្លៃ ដោយសារតែអ្នករត់តាក់ស៊ីមានលទ្ធភាពទិញម៉ាសចែកជូនអ្នកដំណើរ ដែលជិះរថយន្តរបស់ពួកគាត់ ដើម្បីការពារជំងឺកូវីដ១៩នេះ។
គួរបញ្ជាក់ថា ម៉ាស់ដែលដាក់លក់តាមទីផ្សាររាល់ថ្ងៃនេះភាគច្រើន គឺនាំចូលពីប្រទេសចិន និងវៀតណាម។ប្រជាពលរដ្ឋពេញចិត្តនូវតម្លៃម៉ាសមិនឡើងថ្លៃ ដើម្បីគ្រប់គ្នាមានលទ្ធភាពទិញយកទៅប្រើប្រាស់៕
អត្ថបទ៖ នរា
សូមចុចអាន៖ អាជ្ញាធរក្រុងសំរោង ចុះផ្សព្វផ្សាយការទប់ស្កាត់ជំងឺកូវីដ-១៩
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ