ព័ត៌មានជាតិ
លោក អ៊ុន ចាន់ដា ៖ ការចាក់វ៉ាក់សាំងដូសទី៤ គឺដើម្បីការពារសុខភាពពីវីរុសប្រភេទថ្មី អូមីក្រុង
លោក អ៊ុន ចាន់ដា អភិបាលខេត្តកំពង់ចាម បានអះអាងថា ការចាក់វ៉ាក់សាំងដូសជំរុញទី៤ គឺដើម្បីការពារសុខភាពសំដៅធ្វើយ៉ាងណាកុំឲ្យមានការឆ្លងរីករាលដាលនៃមេរោគបំប្លែងខ្លួនថ្មីអូមីក្រុងដែលពិភពលោកកំពុងតែមានការព្រួយបារម្ភ ព្រោះមេរោគប្រភេទនេះ វាពិតជាងាយឆ្លងលឿនណាស់។ ដូច្នេះ មានតែការចាក់វ៉ាក់សាំងទេដែលអាចការពារឲ្យជៀសផុតពីការឆ្លងរីករាលដាលនៃជំងឺកូវីដ-១៩ បាន។
![](https://www.kampucheathmey.com/wp-content/uploads/2022/01/photo_2022-01-25_20-47-19-2-1024x699.jpg)
លោក អ៊ុន ចាន់ដា បានអះអាងបែបនេះនៅក្នុងពេលដែលលោក រួមនឹងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធខេត្តកំពង់ចាម បានអញ្ជើញទៅចាក់វ៉ាក់សាំងបង្ការជំងឺកូវីដ-១៩ដូសជំរុញទី៤ នៅ សាលសន្និសីទសាលាខេត្តកំពង់ចាមកាលពីព្រឹកថ្ងៃទី២៥ ខែមករា ឆ្នាំ២០២២។ លោកអភិបាលខេត្តកំពង់ចាម បានថ្លែងអំណរគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាដែលបានផ្ដល់វ៉ាក់សាំងម្ជុលទី៤ ជាដូសជំរុញសម្រាប់ចាក់ជូនថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ ខេត្តកំពង់ចាម។
![](https://www.kampucheathmey.com/wp-content/uploads/2022/01/photo_2022-01-25_20-47-21-1024x682.jpg)
ជាមួយគ្នានេះ លោកអភិបាលខេត្ត ក៏បានអំពាវនាវឲ្យមានការរួមគ្នាទទួលខុសត្រូវក្នុងការទប់ស្កាត់ការចម្លងជំងឺកូវីដ-១៩ ជាពិសេស វីរុសបំប្លែងខ្លួនថ្មីប្រភេទអូមីក្រុង ដោយកុំភ្លេចអនុវត្តវិធានការ ៣ការពារ ៣កុំ តាមប្រសាសន៍ណែនាំរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ក៏ដូចជា ក្រសួង សុខាភិបាល។
លោកវេជ្ជបណ្ឌិត គីម សួរភីរុណ ប្រធានមន្ទីរសុខាភិបាលខេត្តកំពង់ចាម បានបញ្ជាក់ថា ចាប់ពីខែមីនា មកដល់ពេលនេះ ខេត្តកំពង់ចាម សម្រេចបានការចាក់វ៉ាក់សាំងបង្ការជូនប្រជាពលរដ្ឋ កុមារអាយុ៥ឆ្នាំ ចាក់ដូសទី១បាន ៨៧% ដូសទី២បាន៦៣% ។ កុមារអាយុ ៦ឆ្នាំដល់១១ឆ្នាំ ចាក់ដូសទី១ បាន ១១០% ដូសទី ២ បាន១០២% ។ អាយុ ១២ដល់ ១៨ឆ្នាំ ចាក់ដូសទី ១ បាន ១០០% ដូសទី ២ បាន៩៦%។
![](https://www.kampucheathmey.com/wp-content/uploads/2022/01/photo_2022-01-25_20-47-20-1024x682.jpg)
ចំណែក ប្រជាពលរដ្ឋ អាយុ១៨ឆ្នាំឡើងចាក់ដូសទី១ បាន៧២% ដូសទី២ បាន៦៨% និងដូសជំរុញទី៣ បាន៣៧ % ។ ដោយឡែក នៅថ្ងៃនេះ ខេត្តកំពង់ចាមនឹងបើកយុទ្ធនាការចាក់វ៉ាក់សាំងបង្ការជំងឺឆ្លងកូវីដ-១៩ ក្នុងដូសទី៤ ឬដូសជំរុញ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដល់ថ្នាក់ដឹកនាំ មន្ត្រីរាជការ និងមន្ត្រីនគរបាលជាតិនៅក្នុង ខេត្តកំពង់ចាមផងដែរ៕
អត្ថបទ ៖ ហុង ម៉េង ហៀ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត