ព័ត៌មានជាតិ

ខេត្តរតនគិរីនាំចេញផលកសិកម្មទៅកាន់ប្រទេសវៀតណាមបាន ៥៤ លានដុល្លារ ឆ្នាំ ២០២១

បានផុស

៣ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

ឆ្នាំ ២០២១ កន្លងទៅនេះ ខេត្តរតនគិរី បាននាំចេញផលិតផលទៅកាន់ប្រទេសវៀតណាម មានទំហំទឹកប្រាក់ប្រមាណ ៥៤លានដុល្លារ ។ ផលិតផលនាំចេញភាគច្រើនគឺ ជាផលិតផលកសិកម្ម ក្នុងនោះ រួមមាន កៅស៊ូ ស្វាយ ខ្នុរ ម្នាស់ ស្រកានាគ និងថ្មម៉ាតជាដើម។ ជាមួយគ្នានេះខេត្តរតនគិរី ក៏បាននាំចូលពីវៀតណាម មកវិញមានទឹកប្រាក់ប្រមាណ ៣១លានដុល្លារអាមេរិក មានដូចជា៖ ក្រដាសកាតុង ថង់ប្លាស្ទិក សម្រាប់បម្រើឲ្យវិស័យកសិកម្មដំណាំចេក និង ជីកសិកម្មជាដើម ។ នេះបើយោងតាមលោក ខៀវ ថា ប្រធានមន្ទីរពាណិជ្ជកម្មខេត្តរតនគិរី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខៀវ ថា ថ្លែងបែបនេះ នាព្រឹកថ្ងៃទី ២៧ ខែមករា ឆ្នាំ២០២២ នៅក្នុងសន្និសីទសារព័ត៌មានស្ដីពី “វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្ដរបស់រដ្ឋបាលខេត្តរតនគិរី” ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាល។

អាជ្ញាធរខេត្តរតនគិរីបានឲ្យដឹងថា ការនាំចេញផលិតផលកសិផលនេះ ត្រូវបានធ្វើឡើងតាមរយៈក្រុមហ៊ុនវិនិយោគលើដីសម្បទានសេដ្ឋកិច្ចចំនួន ២៧ ក្រុមហ៊ុនដែលកំពុងប្រតិបត្តិការនៅក្នុងខេត្ត ។ ក្រុមហ៊ុនទាំងនោះ កំពុងវិនិយោគលើដំណាំកៅស៊ូ ស្វាយចន្ទី ចេកអំបូងលឿង ស្វាយ ស្រកានាគ ខ្នុរ ដូង ទុរេន មៀន និងក្រូច ជាដើម។ ចាប់ពីឆ្នាំ ២០១៩ មកខេត្តមានក្រុមហ៊ុនទទួលបានអាជ្ញាប័ណ្ណវិនិយោគដីសម្បទានសេដ្ឋកិច្ចពីរដ្ឋាភិបាលលើផ្ទៃដីសរុប ១២៤ ៦៦៩ ហិកតា ក្នុងនោះ ការអនុវត្តដាំដុះលើផ្ទៃដី ៥៥,០៤៣ ហិកតា។ លើសពីនេះខេត្តមានរោងចក្រកែច្នៃកៅស៊ូក្រែបចំនួន ៧ ទីតាំងនិងសិប្បកម្មកៅស៊ូសន្លឹកចំនួន ៩ ទីតាំងដែលមានសមត្ថភាពផលិតកែ ច្នៃជ័រកៅស៊ូក្រែបជាមធ្យម ៣០,៤៧៩ តោនក្នុង ១ ឆ្នាំ៕ ដោយ៖ណារី