ព័ត៌មានជាតិ

ម្ចាស់ផ្ទះសម័យអាណានិគមបារាំង ទាំង ១៣ ល្វែង នៅខេត្តកំពង់ឆ្នាំង ត្រូវចរចាជាមួយក្រុមហ៊ុនវាយកម្ទេចដោយខ្លួនឯង

បានផុស

៣ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

នៅព្រឹកថ្ងៃទី ២៧ ខែមករា ឆ្នាំ ២០២២ ឯកឧត្តម សាន់យូ អភិបាលរងខេត្តកំពង់ឆ្នាំង យកច្បាប់អនុញ្ញាតប្រគល់ជូនប្រជាពលរដ្ឋ ដើម្បីឲ្យម្ចាស់ផ្ទះទាំង ១៣ ល្វែង ចរចាជាមួយក្រុមហ៊ុនដោយខ្លួនឯង ក្នុងការការវាយផ្ទះថ្មទ្រុឌទ្រោមនេះចោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ីង ភ័ព្វមិនា អភិបាលរងក្រុងកំពង់ឆ្នាំង បានឲ្យដឹងថា កន្លងមកអាជ្ញាធរខេត្ត ធ្លាប់បានសន្យាជាមួយប្រជាពលរដ្ឋជាម្ចាស់ផ្ទះ១៣ល្វែងនេះថា អាជ្ញាធរគ្រាន់តែមានតួនាទីជាអ្នក សម្របសម្រួល ជាមួយក្រុមហ៊ុនតែប៉ុណ្ណោះ ដូច្នេះចំពោះតម្លៃវាយល្វែងនេះចោល គឺម្ចាស់ផ្ទះត្រូវចរចាក៏ជាមួយក្រុមហ៊ុនដោយខ្លួនឯង ។

ជាមួយគ្នានេះដែរ ក្រោយពីក្រុមហ៊ុនវាយកម្ទេចផ្ទះទ្រុឌទ្រោមនេះចោលរួចហើយនោះ ប្រជាពលរដ្ឋម្ចាស់ផ្ទះទាំង ១៣ ល្វែង ត្រូវរួមគ្នាសុំច្បាប់សាងសង់ផ្ទះ ១៣ ល្វែងនេះឡើងវិញ ដោយមានអាជ្ញាធរខេត្តជាអ្នកជួយសម្របសម្រួលផ្លូវច្បាប់ ជាមួយមន្ត្រីជំនាញក្នុងការគូរប្លង់កសាងផ្ទះទាំង ១៣ ល្វែងនេះឡើងវិញ។

គួរបញ្ជាក់ថា ផ្ទះថ្មទាំង ១៣ ល្វែងនេះ បានកសាងក្នុងជំនាន់អាណានិគមនិយមបារាំង នៅអំឡុងឆ្នាំ ១៩៣១ គិតមកដល់ពេលនេះមានអាយុ ៩១ ឆ្នាំហើយ ដែលមានសភាពពុកផុយទ្រុឌទ្រោមយ៉ាងខ្លាំងមិនអាចរស់នៅបន្តទៀតបានឡើយ។ ហេតុនេះហើយ ទើបអាជ្ញាធរក្រុង និងខេត្តបានអំពាវនាវឲ្យម្ចាស់ផ្ទះនេះចាកចេញ ដើម្បីទប់ស្កាត់ការបាក់ស្រុតដែលអាចកើតមានឡើងជា យថាហេតុអាចនាំឲ្យបាត់បង់ទ្រព្យសម្បត្តិ និងអាយុជីវិតប្រជាពលរដ្ឋ៕

អត្ថបទ៖ ឈៀង ថារិទ្ធ

Related Topics:ខេត្តកំពង់ឆ្នាំង