ព័ត៌មានជាតិ
ប្រមុខការទូតទីម័រខាងកើត អរគុណកម្ពុជា ដែលគាំទ្រសំណើសុំចូលជាសមាជិកអាស៊ាន
លោកស្រីបណ្ឌិត អាដាល់ជីហ្សា អាល់ប៊ែរទីណា ហ្សាវីយេ រៃយ៍ ម៉ាកណូ (Dr. Adaljiza Albertina Xavier Reis Magno) រដ្ឋមន្ត្រីការបរទេស និងសហប្រតិបត្តិការ នៃសាធារណរដ្ឋប្រជាធិបតេយ្យទីម័រខាងកើត បានបំពេញទស្សនកិច្ចផ្លូវការនៅកម្ពុជា ចាប់ពីថ្ងៃទី២៦ ដល់២៩ ខែមករា ឆ្នាំ២០២២ តាមការអញ្ជើញរបស់លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសនិងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ដើម្បីជំរុញ និងលើកកម្ពស់ទំនាក់ទំនង និងកិច្ចសហប្រតិបត្តិការទ្វេភាគីរវាងប្រទេសទាំងពីរ។
ទស្សនកិច្ចផ្លូវការ នាពេលនេះ ស្របជាមួយការប្រារព្ធខួបអនុស្សាវរីយ៍លើកទី២០ នៃការបង្កើតទំនាក់ទំនងការទូត រវាងព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យទីម័រខាងកើត នៅក្នុងឆ្នាំ២០២២នេះផងដែរ។
ក្នុងអំឡុងពេល នៃដំណើរទស្សនកិច្ច លោកស្រីបណ្ឌិត អាដាល់ជីហ្សា អាល់ប៊ែរទីណា ហ្សាវីយេ រៃយ៍ ម៉ាកណូ បានអញ្ជើញចូលជួបសម្តែងការគួរសមចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ផងដែរ ហើយនៅក្នុងជំនួបពិភាក្សាទ្វេភាគីជាមួយលោកឧបនាយករដ្ឋមន្ត្រី ប្រាក់ សុខុន ភាគីទាំងពីរ បានកត់សម្គាល់ដោយការពេញចិត្តចំពោះទំនាក់ទំនងជាមិត្តភាពជិតស្និទ្ធ និងការអភិវឌ្ឍ នៃកិច្ចសហប្រតិបត្តិការនាពេលបច្ចុប្បន្នលើវិស័យពាណិជ្ជកម្ម និងការវិនិយោគ ទេសចរណ៍ អប់រំនិងការអភិវឌ្ឍធនធានមនុស្ស និងសុខាភិបាល ក្នុងរយៈពេលជាងពីរទសវត្សរ៍កន្លងមកនេះ។
សម្រាប់កិច្ចសហប្រតិបត្តិការលើការប្រយុទ្ធប្រឆាំងនឹងជំងឺកូវីដ-១៩ រដ្ឋមន្ត្រីការបរទេសទាំងពីរបានអបអរសាទរគ្នាទៅវិញទៅមកចំពោះការទប់ស្កាត់បានដោយជោគជ័យនូវការរីករាលដាល នៃជំងឺរាតត្បាតកូវីដ-១៩ ក្នុងប្រទេសរៀងៗខ្លួន និងចំពោះការបើកប្រទេសរបស់ខ្លួនបន្តិចម្តងៗ តាមរយៈការរស់នៅ និងសម្របខ្លួនតាម “គន្លងថ្មី”។ លោកស្រីរដ្ឋមន្ត្រីការបរទេសទីម័រខាងកើត បានសម្តែងជាថ្មីម្តងទៀតនូវអំណរអរគុណរបស់រដ្ឋាភិបាលទីម័រខាងកើតចំពោះរាជរដ្ឋាភិបាល និងប្រជាជនកម្ពុជា ដែលបានផ្តល់ម៉ាស និងសម្ភារៈវេជ្ជសាស្ត្រដល់ប្រទេសទីម័រខាងកើតក្នុងអំឡុងពេល ការរីករាលដាលនូវជំងឺកូវីដ-១៩ កាលពីចុងឆ្នាំ២០២០។
លោកឧបនាយករដ្ឋមន្ត្រី ប្រាក់ សុខុន បានទទួលយកការអញ្ជើញរបស់លោកស្រីរដ្ឋមន្ត្រី ដើម្បីទៅបំពេញទស្សនកិច្ចផ្លូវការនៅទីម័រខាងកើត តាមពេលវេលាសមស្រប។
ដោយឡែកសម្រាប់កិច្ចសហប្រតិបត្តិការក្នុងតំបន់ និងអន្តរជាតិ លោកឧបនាយករដ្ឋមន្ត្រី បានបញ្ជាក់ជាថ្មី អំពីការគាំទ្ររបស់កម្ពុជាចំពោះសំណើសុំចូលជាសមាជិកអាស៊ានរបស់ទីម័រខាងកើត។ លោកជំទាវ អាដាល់ជីហ្សា ម៉ាកណូ បានថ្លែងអំណរគុណយ៉ាងខ្លាំងដល់កម្ពុជាដែលបន្តគាំទ្រសំណើសុំចូលជាសមាជិកអាស៊ានរបស់ទីម័រខាងកើត និងបានជូនពរកម្ពុជាឱ្យទទួលបានជោគជ័យត្រចះត្រចង់ក្នុងតួនាទីជាប្រធានអាស៊ានឆ្នាំ២០២២៕
ដោយ ៖ កោះកែវ
អ្នកនាំពាក្យក្រសួងការងារ ៖ រាជរដ្ឋាភិបាល តែងតែគាំទ្រលើកស្ទួយយកចិត្តទុកដាក់ខ្ពស់ចំពោះជនមានពិការភាព
ព្រះខ័នរាជស្វាយរៀង បង្កើតកំណត់ត្រាថ្មី ឡើងវគ្គ៤ក្រុមពានក្លិបអាស៊ីកម្រិតទី៣
ប្រទះឃើញសត្វក្រពើមួយក្បាលនៅក្នុងស្រះមុខផ្ទះប្រជាពលរដ្ឋ
អ្នកនិពន្ធនិងដឹកនាំរឿងលោក សុខ សុធន ត្រូវវះកាត់ពោះវៀនខ្នែង នៅមន្ទីពេទ្យព្រះកុសុមៈ
ផន ស្រីពី ត្រៀមដណ្តើមមកុដ Miss Cosmo Cambodia 2025 យ៉ាងមានជំនឿចិត្ត
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
តើមន្ទីរឃុំឃាំងលោក Duterte នៅ ICC ពិសេសកម្រិតណា?
ត្រាំ គំរាមប្រើធម៌ក្តៅឲ្យរុស្ស៊ីហិនហោច បើពូទីន មិនព្រមឈប់បាញ់
រុស្ស៊ី ដាក់លក្ខខណ្ឌ ៣ចំណុច បើចង់ឲ្យខ្លួនឈប់បាញ់
ក្រសួងមហាផ្ទៃគ្រោងប្ដូរពន្ធនាគារខេត្តកណ្ដាលទៅកន្លែងថ្មីដើម្បីដោះស្រាយភាពចង្អៀតណែន
-
ព័ត៌មានអន្ដរជាតិ១ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៥ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
សន្តិសុខសង្គម១៣ ម៉ោង agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានអន្ដរជាតិ១ សប្តាហ៍ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ៣ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៦ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ២ ថ្ងៃ agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ