ព័ត៌មានជាតិ

វ៉ាក់សាំង៣០ម៉ឺនដូសជាជំនួយរបស់រដ្ឋាភិបាលប៉ូឡូញ នឹងដឹកមកដល់កម្ពុជានៅយប់នេះ

បានផុស

៣ years មុន

នៅ

ថ្ងៃសៅរ៍ ២៩ មករា ២០២២

ដោយ

វ៉ាក់សាំងបង្ការជំងឺកូវីដ-១៩ ប្រភេទ Astra Zenecaចំនួន៣០ម៉ឺនដូសដែលជាជំនួយរបស់រដ្ឋាភិបាលនិងប្រជាជនប៉ូឡូញ នឹងដឹកមកដល់កម្ពុជានៅយប់ថ្ងៃទី២៩ ខែមករា ឆ្នាំ២០២២នេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍នៅល្ងាចថ្ងៃទី២៩ ខែមករានេះថា តាមការប៉ាន់ស្មានវ៉ាក់សាំងបង្ការជំងឺកូវីដ១៩ ប្រភេទ Astra Zenecaចំនួន៣០ម៉ឺនដូស ដែលជាជំនួយពីរដ្ឋាភិបាល និងប្រជាជនប៉ូឡូញ នឹងមកដល់កម្ពុជានៅយប់ថ្ងៃទី២៩ខែមករាឆ្នាំ២០២២នេះ។

លោកស្រីវេជ្ជបណ្ឌិត បានបន្តថា ចំណែកការប្រារព្ធពិធីប្រគល់-ទទួលវ៉ាក់សាំងនេះ នឹងធ្វើនៅព្រឹកថ្ងៃទី៣០ ខែមករា ឆ្នាំ២០២២ វេលាម៉ោង០៨និង០០នាទី នៅទីស្តីការគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោកស្រីវេជ្ជបណ្ឌិតបានបញ្ជាក់ថា រហូតមកដល់ពេលនេះ កម្ពុជាទទួលបានវ៉ាក់សាំងបង្ការជំងឺកូវីដ១៩ទាំងការបញ្ជាទិញ និងជំនួយសរុបប្រហែលជាង៤៣លានដូសហើយ រួមទាំងវ៉ាក់សាំងបង្ការជំងឺកូវីដ១៩ ប្រភេទ Astra Zenecaចំនួន៣០ម៉ឺនដូសដែលជាជំនួយរបស់រដ្ឋាភិបាលនិងប្រជាជនប៉ូឡូញដែលនឹងដឹកមកដល់កម្ពុជានៅយប់នេះផងដែរ៕

អត្ថបទ៖ សំអឿន

Related Topics:វ៉ាក់សាំងកូវីដ-១៩