Connect with us

ព័ត៌មានជាតិ

លោក ស៊ុន ចាន់ថុល៖ ផ្លូវក្រវាត់ក្រុងទី៣ សម្រេចការសាងសង់បាន ៦៦%

បានផុស

នៅ

គិតមកដល់ពេលនេះ ផ្លូវក្រវាត់ក្រុងទី៣ សម្រេចការសាងសង់បាន ៦៦%ហើយ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីចុងខែ មករា ឆ្នាំ ២០២២កន្លងទៅ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងនេះ បានបើកការដ្ឋានសាងសង់កាលពីខែមករា ឆ្នាំ២០១៩។ ភាពយឺតយ៉វនៃការសាងសង់គម្រោងនេះ ដោយសារផ្លូវក្រវាត់ក្រុងទី៣ ជាគម្រោងដ៏ស្មុគស្មាញមួយ និងត្រូវការដោះស្រាយផលប៉ះពាល់ជាច្រើន ហើយគួបផ្សំជាមួយវិបត្តិជំងឺកូវីដ-១៩ ទើបគម្រោងនេះ មិនអាចបញ្ចប់នៅខែធ្នូ ឆ្នាំ២០២១ តាមផែនការកំណត់។ ទោះយ៉ាងណា គម្រោងផ្លូវក្រវាត់ក្រុងទី៣នេះ គ្រោងនឹងបញ្ចប់ការសាងសង់ នៅអំឡុងខែកញ្ញា ឆ្នាំ ២០២២ ខាងមុខ។

ផ្លូវក្រវាត់ក្រុងទី៣ ជាគម្រោងផ្លូវស្ថាបនាថ្មីក្រោមកញ្ចប់ថវិកាជិត ៣០០ លានដុល្លារ ក្នុងនោះថវិកា ២៧៣ លានដុល្លារ ជាហិរញ្ញប្បទានពីប្រទេសចិន ហើយនៅសេសសល់ជាហិរញ្ញប្បទានពីរាជរដ្ឋាភិបាលកម្ពុជា។

បើតាមក្រសួងសាធារណការ និងដឹកជញ្ជូន ផ្លូវក្រវាត់ក្រុងទី៣ លាតសន្ធឹងប្រវែងសរុប ៥២ គីឡូម៉ែត្រ ផ្លូវមេមានប្រវែង ៤៧ គីឡូម៉ែត្រ ជាប្រភេទផ្លូវក្រាលបេតុងស៊ីម៉ង់ត៍សរសៃដែក ទទឹងចាប់ពី ២២ ម៉ែត្រ ទៅដល់ ២៧ ម៉ែត្រ កម្រាស់ ២២ សង់ទីម៉ែត្រ ចំណែកផ្លូវខ្នែងមានប្រវែងសរុប ៥ គីឡូម៉ែត្រ ជាប្រភេទផ្លូវក្រាលបេតុងកៅស៊ូ AC ហើយមានស្ពានអាកាសឆ្លងផ្លូវជាតិចំនួន ០៤ កន្លែង (ឆ្លងផ្លូវជាតិលេខ៤ លេខ៣ លេខ២ និងលេខ២១) ប្រវែងប្រមាណ ១ គីឡូម៉ែត្រ។

ចំណែកស្ពានឆ្លងទន្លេវិញ មានចំនួន ២ កន្លែងគឺស្ថិតនៅត្រង់កោះអន្លង់ចិន នៃទន្លេបាសាក់ មានប្រវែងសរុប ៩៩៦ ម៉ែត្រ (ស្ពានខាងកើតប្រវែង ៦៣០ ម៉ែត្រ និងខាងលិចប្រវែង ៣៦៦ ម៉ែត្រ) ព្រមទាំងមានស្ពានមធ្យម និងខ្លីចំនួន ៦ កន្លែងផ្សេងទៀត។ គម្រោងផ្លូវក្រវាត់ក្រុងទី៣ ធ្វើឡើងតាមផែនការមេ និងចក្ខុវិស័យរបស់ក្រសួងសាធារណការ និងដឹកជញ្ជូន តាមការចង្អុលបង្ហាញពីរាជរដ្ឋាភិបាលកម្ពុជា ដើម្បីសម្រួលដល់ការធ្វើដំណើរ ការដឹកជញ្ជូនផលិតផលនានា រួមចំណែកកាត់បន្ថយបញ្ហាកកស្ទះដោយយានយន្ដធំៗ ដែលដឹកជញ្ជូនទំនិញចេញ-ចូលរាជធានីភ្នំពេញ។

ផ្លូវក្រវាត់ក្រុងទី៣ ក៏ជាផ្លូវតភ្ជាប់ផ្ទៃក្នុង និងសមាហរណកម្មតំបន់ រួមមានផ្លូវអាស៊ានហាយវ៉េ និងផ្លូវរបៀងសេដ្ឋកិច្ចរបស់មហាអនុតំបន់ទន្លេមេគង្គ ដែលរួមចំណែកសម្រួលការដឹកជញ្ជូនឆ្លងកាត់ព្រំដែន ជំរុញពាណិជ្ជកម្មអន្តរជាតិ និងភស្ដុភារកម្មតំបន់៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម