ប្រទះគ្រាប់អង្ករនាង​ខ្មៅ​មុនសម័យអង្គរ​ នៅ​ទីទួល​បុរាណ​ អភិរក្ស​ជា​រមណីយដ្ឋាន​វប្បធម៌

ទួលប្រវត្តិសាស្ត្រអង្ករខ្មៅនៅស្រុកថាឡាបរិវ៉ាត់ខេត្តស្ទឹងត្រែង ត្រូវបាននាយកដ្ឋានបុរាណវិទ្យានិងបុរេប្រវត្តិនៃក្រសួងវប្បធម៌វិចិត្រសិល្បៈ និងរៀបចំអភិរក្ស ដើម្បីទុកឱ្យអាជ្ញាធរពាក់ព័ន្ធ បន្តអភិវឌ្ឍន៍តំបន់នេះបន្ដែម ឱ្យក្លាយទៅជារមណីយដ្ឋានបែបវប្បធម៌។

លោក រឿន រិទ្ធី ប្រធាននាយកដ្ឋានបុរាណវិទ្យា​និង​បុរេប្រវត្តិនៃក្រសួងវប្បធម៌វិចិត្រសិល្បៈបានបញ្ជាក់ថា ទីទួលនេះបន្សល់​ទុកនៅគ្រាប់សំណាកអង្ករខ្មៅ (ហៅថាអង្ករនាងខ្មៅ) ជាមរតកមុនសម័យអង្គរ។

កេរ្ត៍តំណែលដ៍មានសារៈសំខាន់នេះ ក្រសួងវប្បធ៌មនិងអាជ្ញាធរពាន់ពន្ធ័កំណត់ព្រំព័ទ្ធជំវិញមានបរិមាណ ៥០ ម៉ែត្របួនជ្រុង ជាតំបន់អភិរក្សសម្បត្តិវប្បធ៌ម កុំឱ្យមានការបាត់បង់តទៅទៀត។

លោកស្រី រី ចន្ថា ពលរដ្ឋ​រស់នៅ​ភូមិកាំងតេជោ ស្រុកថាឡាបរិវ៉ាត់បានបញ្ជាក់ថា ដំបូងឡើយគាត់មករស់នៅទីនេះមិនបានដឹងថា មានអង្ករខ្មៅនៅសល់តាំងពីសម័យដើមមកនោះទេ។ នៅប៉ុន្មានឆ្នាំចុងក្រោយនេះ មានក្រុមការងារមកពិនិត្យ​ទីតាំង​ជាក់ស្តែង ហើយសុំឱ្យពួកគាត់បរិច្ចាកដីនេះវិញ។

ពលរដ្ឋ​ដដែល​រូប​នេះ​គាំទ្រចំពោះគំនិតផ្តួចផ្តើមនេះ តែក៍ត្រូវដោះស្រាយយ៉ាងណា​ឱ្យការរស់នៅរបស់ប្រជាពលរដ្ឋ ជាអ្នកថែរក្សាកន្លងមកឱ្យសមស្រប។

លោករឿន រិទ្ធី បាន​បញ្ជាក់​ថា ការរៀបចំអភិរក្សសម្បត្តិវប្បធម៌នេះ ពិតជាមានតម្លៃសម្រាប់សង្គមជាតិគឺកូនចៅជំនាន់ក្រាយ និង​ជា​ផ្នែក​ទាក់ទាញ​ភ្ញៀវទេសចរជាតិនិងអន្តរជាតិបានមកឃើញនិងបានស្គាល់ពីមរតកខ្មែរផងដែរ៕

អត្ថបទ៖ ងិនលីម