ត្រីចំរុះរាប់ពាន់ក្បាលហែលចេញ​ពីកន្លែងអភិរក្ស វិលទៅតំបន់អភិរក្សនៅស្ទឹងសិរិសោភ័ណ​ជាប់និងផ្សាររាត្រីវិញ

តាមការឲ្យដឹងរបស់លោកជាសុវណ្ណធួនម្ចាស់ផ្សាររាត្រី TM បានប្រាប់អ្នកយកព័ត៌មានឲ្យដឹងថា ត្រីចំរុះរាប់ពាន់ក្បាលដែលបានហែលចេញពីតំបន់អភិរក្ស ដោយសារទឹកជំនន់ទឹកភ្លៀង និងទឹកហូរធ្លាក់មកពីស្រុកថៃអស់រយះពេលជាច្រើនខែនោះឥឡូវនេះវិលត្រឡប់មកកាន់កន្លែងអភិរក្សវិញអស់ហើយ នៅក្នុងពេលទឹកស្រកវិញ។

លោក ជា សុវណ្ណធួន បានបញ្ជាក់ឲ្យដឹងបន្តទៀតថា តំបន់អភិរក្សត្រីនេះស្ថិតនៅក្នុងស្ទឹងសិរីសោភ័ណ ខាងជើងផ្សាររាត្រីTM ក្នុងភូមិព្រះពន្លា សង្កាត់ព្រះពន្លាក្រុងសេរីសោភ័ណ ខេត្តបន្ទាយមានជ័យ ដែលមានត្រីចំរុះប្រហែល១០មុខ ក្នុងត្រី១ក្បាលមានទម្ងន់ចាប់ពី១គីឡូ ដល់ ៥គីឡូឯណោះ។ លោក ជា សុវណ្ណធួន បានបញ្ជាក់ឲ្យដឹងទៀតថា ការដែលត្រីចំរុះវាមករស់នៅកន្លែងខាងជើងផ្សាររបស់នោះលោក និងក្រុមគ្រួសារបានដាក់ចំណីឲ្យវាសីុមាននំប័ងទាំងការុងៗពិសេស​ក្នុង១ថ្ងៃមានប្រជាពលរដ្ឋក្មេង ចាស់យ៉ាងចិតក៏១០០នាក់ដែរ បានទិញចំណីមកដាក់ឲ្យត្រីនេះសីុជារៀងរាល់ថ្ងៃទើបបានវាមិនទៅណាអស់រយះពេលជាច្រើនឆ្នាំ មកហើយតែមានឆ្នាំខ្លះទឹករីងហួតដល់បាតស្ទឹងត្រីហែលចេញពីកន្លែងអភិរក្សអស់ច្រើនដែរ។

លោកបានបញ្ជាក់ឲ្យដឹងបន្តទៀតថា លោកនិងក្រុមគ្រួសារបានខិតខំកែលំអរទីតាំងអភិរក្សត្រីនេះយ៉ាងខ្លាំងពិសេស​សកម្មភាពយាមទប់ស្កាត់ការបំប្រើឧបករណ៍នេសាទ ដែលច្បាប់ហាមឃាត់។លោកសង្ឃឹមថា​ ការការពារកន្លែងអភិរក្សត្រីនេះអាចមានត្រីកាន់តែច្រើនឡើងមករស់នៅកន្លែងអភិរក្សនេះ៕

វ៉ាន់ ណាង