ព័ត៌មានជាតិ

រំលងបានពីរថ្ងៃមិត្តភ័ក្ដិអ្នកជំងឺអិត កុម៉ាល បានតេស្តឆ្លងកូវីដ ១៩

បានផុស

៤ years មុន

នៅ

ថ្ងៃសុក្រ ១១ ធ្នូ ២០២០

ដោយ

មិត្តភ័ក្ដិរបស់អ្នកជំងឺ អិត កុម៉ាល បានតេស្តឆ្លងមេរោគកូវីដ ១៩ នៅព្រឹកនេះពាក់ព័ន្ធព្រឹត្តិការណ៍ ២៨ វិច្ឆិកា។ ជនរងគ្រោះមានឈ្មោះ ទីម ស្រីពេជ្រអាយុ ២៦ ឆ្នាំ អាសយដ្ឋាននៅខណ្ឌដូនពេញ ត្រូវជាមិត្តភ័ក្ដិរបស់អ្នកជំងឺ អិត កុម៉ាល ដែលក្រសួងសុខាភិបាលប្រកាសមានវិជ្ជមានកូវីដ ១៩ នៅថ្ងៃ ០៨ ធ្នូ ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលធ្វើតេស្តសំណាករបស់ស្រ្តីរូបនេះ នៅវិទ្យាស្ថានប៉ាស្ទ័រគឺមានវិជ្ជមានកូវីដ ១៩ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត។

នៅថ្ងៃ ១០ ធ្នូ ២០២០ វត្ថុសំណាកអ្នកពាក់ព័ន្ធព្រឹត្តិការណ៍ ២៨ វិច្ឆិកា ចំនួន ៣ ១៥៨ ត្រូវបានធ្វើការវិភាគនៅវិទ្យាស្ថានប៉ាស្ទ័រ លទ្ធភាពមានវិជ្ជមានថ្មី ០១ នាក់ ដែលជាអ្នកជំងឺស្រ្តីខាងលើ។ វត្ថុសំណាកនៅសល់ ២៤៥ ទៀត នឹងត្រូវធ្វើវិភាគបន្តនៅថ្ងៃ ១១ ធ្នូ ឆ្នាំ ២០២០។

គិតត្រឹមម៉ោង ០៧ ០០ នាទីព្រឹកនេះ កម្ពុជាមានអ្នកឆ្លងកូវីដសរុប ៣៥៧ ករណី ហើយមានអ្នកជាសះស្បើយ ៣០៧ នាក់ អ្នកកំពុងសម្រាកព្យាបាល ៤០ នាក់៕

Related Topics: