Connect with us

ព័ត៌មានជាតិ

បុណ្យចូលឆ្នាំចិន៣ថ្ងៃ មានភ្ញៀវទេសចរទៅកម្សាន្ត​នៅខេត្តព្រះសីហនុ​ជាង៩ម៉ឺននាក់ កើនឡើងជាង១៣%

បានផុស

នៅ

រដ្ឋបាលខេត្តព្រះសីហនុបានឱ្យដឹងថា ក្នុងឱកាសបុណ្យចូលឆ្នាំប្រពៃណីចិន-វៀតណាម រយៈពេល០៣ថ្ងៃ ដោយគិតចាប់ពីថ្ងៃទី៣១ ខែមករា ដល់ថ្ងៃទី០២ខែកុម្ភៈ ឆ្នាំ២០២២ មានភ្ញៀវទេសចរបានមកកម្សាន្ត នៅខេត្តព្រះសីហនុ មានចំនួនសរុប ៩២,៧៦២ នាក់ កើនឡើង ១៣.០៣% បើធៀបនឹងរយៈពេល០៣ថ្ងៃដូចគ្នា ក្នុងឆ្នាំ២០២១ កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរដ្ឋបាលខេត្តព្រះសីហនុការកើនឡើងនៃភ្ញៀវទេសចរនេះ ដោយសាររដ្ឋបាលខេត្តក្រោមការសម្របសម្រួលរបស់គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា បានធ្វើការកែលម្អសោភ័ណភាពតំបន់ឆ្នេរមានដូចជា ការរៀបចំក្រាលថ្មក្រានីត ផ្លូវថ្មើរជើង ផ្លូវជិះកង់ ការដាំស្មៅនិងដាំដើមឈើបន្ថែម ភ្លើងបំភ្លឺសាធារណៈ ព្រមទាំងការរៀបចំបន្ទប់ទឹកសាធារណៈសំដៅប្រែក្លាយក្រុងព្រះសីហនុទៅជាក្រុងទំនើប មានសោភ័ណភាព និងបរិស្ថានល្អ ដែលអាចទាក់ទាញភ្ញៀវទេចរណ៍និងអ្នកវិនិយោគចូលមកកាន់ខេត្តព្រះសីហនុកាន់តែច្រើនឡើង។

ទន្ទឹមនឹងការមកកម្សាន្តក្នុងខេត្តព្រះសីហនុនេះដែរ ប្រជាពលរដ្ឋ ក៏ដូចជាភ្ញៀវទេសចរបានបង្ហាញពីការពេញចិត្ត ចំពោះបន្ទប់ទឹកសាធារណៈនៅតាមបណ្តោយឆ្នេរសមុទ្រ ដែលរដ្ឋបាលខេត្តព្រះសីហនុ និងគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បានខិតខំរៀបចំសម្រាប់ទទួលភ្ញៀវទេសចរជាតិ និងភ្ញៀវបរទេសប្រើប្រាស់ក្នុងឱកាសដំណើរកំសាន្តនាថ្ងៃឈប់សម្រាក។

សូមជម្រាបជូនថា បន្ទប់ទឹកសាធារណៈបច្ចុប្បន្នមានចំនួន០៩ទីតាំង នៅតាមបណ្ដោយឆ្នេរអូរឈើទាល២ ឆ្នេរអូរត្រេះ១ ឆ្នេរអូត្រេះ២ រហូតដល់ចំណុចដើមឈើចាំស្នេហ៍ ឆ្នេរជំទាវម៉ៅដោយទីតាំងបន្ទប់ទឹកនីមួយៗមានទំហំធំទូលាយ មានការបែងចែក បន្ទប់ទឹកស្រី-ប្រុស បន្ទប់ទឹកសំរាប់ជនពិការ កន្លែងលាងដៃ និងកន្លែងងូតទឹកដាច់ដោយឡែកពីគ្នា ដោយមានភាពងាយស្រួល និងប្រកបដោយអនាម័យ៕ អត្ថបទ៖ សំអឿន

Helistar Cambodia - Helicopter Charter Services
Sokimex Investment Group
ព័ត៌មានជាតិ៦ ម៉ោង មុន

នាយក​សាលា ហ៊ុន សែន ជម្ពូវ័ន​ហាម​ដាច់ខាត​មិន​ឱ្យ​លក់ ឬ ពិសា​គ្រឿងស្រវឹង​ក្នុង​ពិធី​សង្ក្រាន្ត

ព័ត៌មានជាតិ៦ ម៉ោង មុន

ក្រសួងសុខាភិបាល ៖ មន្ទីរពេទ្យ​ត្រូវ​យក​ចិត្ត​ទុក​ដាក់​កសាង​សមត្ថភាព​និង​ពង្រឹងក្រម​សីលធម៌​វិជ្ជាជីវៈ

ព័ត៌មានជាតិ៧ ម៉ោង មុន

វិថី​អាហារ​ដែល​មាន​រចនាបថ​ខ្មែរ​រួម​នឹង​ការ​បង្ហាញ​ពី​វប្បធម៌​ប្រពៃណី​ជាតិ​ និង​លេច​រូប​រាង​ចំ​កណ្តាល​ក្រុងកំពត

ព័ត៌មានជាតិ៨ ម៉ោង មុន

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

សេដ្ឋកិច្ច៨ ម៉ោង មុន

កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%

Sokha Hotels

ព័ត៌មានពេញនិយម