ព័ត៌មានជាតិ

អ្នកច្នៃម៉ូដសំលៀកបំពាក់ម្នាក់នៅសង្កាត់ស្ទឹងមានជ័យ ២ វិជ្ជមានកូវីដបំប្លែងថ្មីអូមីក្រុង

បានផុស

៣ years មុន

នៅ

ថ្ងៃសុក្រ ៤ កុម្ភៈ ២០២២

ដោយ

បុរសជាអ្នកច្នៃម៉ូដសំលៀកបំពាក់បានផ្ទុកជំងឺកូវីដបំប្លែងថ្មីអូមីក្រុង បន្ទាប់ពីជនរងគ្រោះសង្ស័យមានជំងឺកូវីដហើយទៅពិនិត្យសំណាកចំនួន៣ដងរយះពេល៧២ម៉ោងទើបរកឃើញវិជ្ជមានមេរោគនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានប្រាប់កម្ពុជាថ្មី ថាកាលពីវេលាម៉ោង១០និង៤៥នាទីព្រឹកថ្ងៃទី៤ ខែកុម្ភះនេះ រថយន្តសង្គ្រោះរបស់មន្ទីរពេទ្យបង្អែកខណ្ឌច្បារអំពៅ បានចុះទៅដឹកអ្នកជំងឺកូវីដបំប្លែងថ្មីអូមីក្រុងដែលកំពុងស្នាក់នៅផ្ទះលេខ៣៧ក្រុមទី៣ ភូមិព្រែកទាល់១ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ដែលអ្នកជំងឺរូបនេះឈ្មោះ ស ឌឺ ភេទប្រុសអាយុ២២ឆ្នាំ មុខរបរច្នៃម៉ូដសំលៀកបំពាក់។

លោកបានបញ្ជាក់ថា កាលពីប៉ុន្មានថ្ងៃមុនជនរងគ្រោះមានការសង្ស័យកើតជំងឺកូវីដ១៩ ក៏ទៅពិនិត្យសំណាកចំនួន៣ដងក្នុងរយះពេល៧២ម៉ោងត្រូវបានគ្រូពេទ្យទូរសព្ទ័ប្រាប់ជនរងគ្រោះថា ខ្លួន(អ្នកជំងឺ)មានជំងឺកូវីដបំប្លែងថ្មីអូមីក្រុងហើយ ដោយស្ថានភាពទីកន្លែងស្នាក់នៅរបស់អ្នកជំងឺមានទីតាំងតូចចង្អៀត និងពិបាកព្យាបាលនៅផ្ទះទើបស្នើសុំឲ្យក្រុមការងារកូវីដ១៩របស់សង្កាត់ស្ទឹងមានជ័យ២ ធ្វើការទំនាក់ទំនងជាមួយក្រុមគ្រូពេទ្យយករថយន្តសង្គ្រោះមកដឹកយកទៅព្យាបាលនៅស្ថាតអូរឡាំពិក។ ចំពោះទីតាំងដែលអ្នកជំងឺស្នាក់នៅត្រូវបានអាជ្ញាធរមូលដ្ឋានសម្រេចឃ្លុំបេ បិទជាបណ្តោះអាសន្ន។

ក្នុងនោះលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២បានសំណូមពរដល់បងប្អូនប្រជាពលរដ្ឋត្រូវគោរពតាមសេចក្តីជូនដំណឹងរបស់ក្រសួងសុខាភិបាលហើយកុំភ្លេចនូវពាក្យស្លោក ៣កុំ និង៣ការពារ៕

អត្ថបទ៖ នរា