៣ថ្ងៃបុណ្យចូលឆ្នាំចិន កម្ពុជា ទទួលបានភ្ញៀវទេសចរជាង ៩០ម៉ឺននាក់

រយៈពេល៣ថ្ងៃ គិតចាប់ពីថ្ងៃទី១-៣ ខែកុម្ភៈ ឆ្នាំ២០២២ កម្ពុជាទទួលបានភ្ញៀវទេសចរប្រមាណជាង ៩០ម៉ឺននាក់។

រដ្ឋមន្ត្រីក្រសួងទេសចរណ៍លោក ថោង ខុន បានលើកឡើងថា ក្នុងចំណោមភ្ញៀវទេសចរទាំងជាង ៩០ម៉ឺននាក់នេះ ភ្ញៀវជាតិមានប្រមាណ ៩៣១,៣០៨ នាក់ និងភ្ញៀវបរទេសផ្ទៃក្នុងប្រមាណ ១៦,១៨៩ នាក់។ ក្នុងចំនួនសរុបខាងលើ ចំនួនភ្ញៀវតាមថ្ងៃនីមួយៗ រួមមាន៖

សម្រាប់គោលដៅដែលទាក់ទាញភ្ញៀវទេសចរសំខាន់ៗ មានដូចជា រាជធានីភ្នំពេញទទួលបានភ្ញៀវទេសចរសរុប ២៥៨,០៦៩ នាក់, ខេត្តបាត់ដំបងមានចំនួន ១៩៣,៥៦៧ នាក់, ខេត្តព្រះសីហនុ ៩៧,៥៤២ នាក់, ខេត្តកំពត ៦៦,៥៣៤ នាក់, ខេត្តសៀមរាប ៥៨,៩៥៣ នាក់, ខេត្តកែប ៥៥,២៥១ នាក់, និងខេត្តកណ្តាលមានចំនួន ៥២,៣៩៤ នាក់។

អ្នកជំនាញទេសចរណ៍លើកឡើងថា ការកើនឡើងនៃវិស័យទេសចរណ៍ គឺជាសញ្ញាវិជ្ជមាន ដែលកម្ពុជា អាចស្រូបបានចំណូលពីវិស័យនេះបន្ថែមទៀត ដើម្បីអភិវឌ្ឍប្រទេស ក្រោយវិបត្តិកូវីដ-១៩។

លោកស្រី ឆាយ សៀវលីន ប្រធានសមាគមទេសចរណ៍កម្ពុជា បានលើកឡើងថា កំណើននៃភ្ញៀវទេសចរនេះ ជាផ្នែកមួយជួយដល់អ្នកទទួលទានក្នុងវិស័យទេសចរណ៍ឲ្យមានសង្ឃឹមឡើងវិញ បើទោះបីជាបច្ចុប្បន្នភ្ញៀវទេសចរបរទេសមិនទាន់មានច្រើនក្តី។  

សម្រាប់​ខែមករា ​ឆ្នាំ២០២២​នេះ ​មានភ្ញៀវ​ទេសចរ​ប្រមាណ​ជាង ​៣លាននាក់​បាន​ដើរកម្សាន្ត​ នៅតាម​គោលដៅ​ទេសចរណ៍​នានា​ទូទាំង​ប្រទេស។ ​នេះបើតាម​ក្រសួង​ទេសចរណ៍៕

អត្ថបទ៖ ទួន សុផល