នាយកដ្ឋានសុខុមាលភាពសង្គម នាំយកអំណោយ ជូនគ្រួសារស្ត្រីម្នាក់ ទើបសម្រាលកូនរួច ហើយទទួលមរណភាព

នាយកដ្ឋាន សុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ស្ពឺ កាលរសៀលថ្ងៃទី ៦ ខែកុម្ភៈ ឆ្នាំ ២០២២ ដឹកនាំដោយលោក ឈួរ សុបញ្ញា ប្រធាននាយកដ្ឋាន បាននាំយកអំណោយ និងថវិកាជូនគ្រួសារស្រ្តី អ្នកទទួលផលពីកម្មវិធីឧបត្ថម្ភសាច់ប្រាក់ ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ ដែលបានទទួលមរណ:ភាព ក្រោយពេលសម្រាលកូនរួច។

លោក ឈួរ សុបញ្ញា ប្រធាននាយកដ្ឋាន បានថ្លែងថា ស្រី្តខាងលើខាងលើស្ថិត នៅក្នុងភូមិចំបក់ស ឃុំរុងរឿង ស្រុកថ្ពង ខេត្តកំពង់ស្ពឺ ហើយជាគ្រួសារ ដែលកំពុងទទួលផលពីកម្មវិធីឧបត្ថម្ភ សាច់ប្រាក់ជូនគ្រួសារក្រីក្រ និងងាយរងគ្រោះអំឡុងពេល រាតត្បាតជំងឺកូវីដ-១៩ និងកម្មវិធីឧបត្ថម្ភសាច់ប្រាក់ ជូនស្រ្តីមានផ្ទៃពោះ និងកុមារអាយុក្រោម ២ឆ្នាំជារៀងរាល់ខែ ។

លោកថា គាត់មានជីវភាពក្រីក្រមែន តែមិនមែនក្រីក្រខ្លាំង ដូចការផ្សព្វផ្សាយកន្លងមកនោះទេ គឺគ្រួសារនេះ ជាគ្រួសារក្រីក្រកម្រិត ២ក៏ត្រូវទទួលបានសាច់ប្រាក់ពីរាជរដ្ឋាភិបាល ដែរ៕

អត្ថបទ៖ វិមាន