ព័ត៌មានជាតិ

ដឹងទេ នៅក្រុងបាត់ដំបងមានផ្សារទាំំងអស់ប៉ុន្មាន?

បានផុស

៣ years មុន

នៅ

ថ្ងៃអង្គារ ៨ កុម្ភៈ ២០២២

ដោយ

ខេត្តបាត់ដំបង÷ មន្ត្រីសាលាក្រុងបាត់ដំបងបានលើកឡើងថា នៅក្នុងក្រុងបាត់ដំបងបានបង្កើតផ្សារជាច្រើនកន្លែង ដើម្បីសម្រួលជីវភាពរស់នៅរបស់ប្រជាពលរដ្ឋ ក្នុងការដោះដូរទំនិញគ្រប់ប្រភេទកុំឲ្យកកស្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកហម អរុណ ប្រធានការិយាល័យគ្រប់គ្រងឧស្សាហកម្មទេសចរណ៍ខេត្តបាត់ដំបងបានឲ្យកម្ពុជាថ្មីដឹងថា បច្ចុប្បន្នក្នុងក្រុងបាត់ដំបងមានផ្សារចំនួន ០៩ ក្នុងនោះមានទីផ្សារឯកជនចំនួន ០២។

ផ្សារសំខាន់ៗទាំង ០៩ នៅក្នុងក្រុងបាត់ដំបងរួមមាន ១,ផ្សារធំបាត់ដំបង (ផ្សារណាត់) ស្ថិតនៅក្នុងសង្កាត់ស្វាយប៉ោ ក្រុងបាត់ដំបង ២,ផ្សារបឹងឈូក ស្ថិតនៅក្នុងសង្កាត់ស្វាយប៉ោ ក្រុងបាត់បាត់ដំបង ៣,ផ្សារអប្សារាផ្សារលើ ស្ថិតនៅក្នុងសង្កាត់ស្វាយប៉ោ ក្រុងបាត់ដំបង ៤,ផ្សារ១៣មករា ស្ថិតនៅក្នុងសង្កាត់ព្រែកព្រះស្ដេច ក្រុងបាត់ដំបង ៥,ផ្សាររោងល្ខោនស្ថិតនៅក្នុងសង្កាត់ទួលតាឯកក្រុងបាត់ដំបង ៦,ផ្សារវត្តលៀប ស្ថិតនៅក្នុងសង្កាត់ចំការសំរោង ក្រុងបាត់ដំបង ៧,ផ្សារពោធិវង្ស ស្ថិតនៅក្នុងសង្កាត់ចំការសំរោង ក្រុងបាត់ដំបង ៨,ផ្សារភូពុយ ស្ថិតនៅក្នុងសង្កាត់អូរចារក្រុងបាត់ដំបង (ផ្សារឯកជន) និង៩,ផ្សារហេង ឆៃលី ស្ថិតក្នុងភូមិព្រែកមហាទេព សង្កាត់ស្វាយប៉ោក្រុងបាត់ដំបង (ផ្សារឯកជន)។

ប្រធានការិយាល័យគ្រប់គ្រងឧស្សាហកម្មទេសចរណ៍ខេត្តបាត់ដំបង លោកហម អរុណ បានបញ្ជាក់ពីផ្សាររាត្រីដែលជាជំនួយរបស់ADB មិនត្រូវបានរាប់បញ្ចូលក្នុងចំណោមផ្សារទាំង ០៩ ខាងលើនោះទេ ដែលមានទីតាំងក្នុងសង្កាត់ស្វាយប៉ោជិតរង្វង់មូលនាគបាញ់ទឹក ទល់មុខអគ្គិសនីយខេត្តដែលខាងមន្ទីរទេសចរណ៍ដាក់បញ្ចូលជាទីផ្សារទេសចរណ៍ក្នុងខេត្តបាត់ដំបង៕