ព័ត៌មានជាតិ
ការនេសាទខុសច្បាប់កំពុងធ្វើឱ្យធនធានជលផលនៅសហគមន៍ព្រែកខ្សាច់ថយចុះ
ទិន្នផលសមុទ្រនៅសហគមន៍នេសាទព្រែកខ្សាច់ កំពុងថយចុះគួរឱ្យកត់សម្គាល់ ព្រោះតែមានក្រុមអ្នកនេសាទមួយចំនួនលួចប្រើប្រាស់ឧបករណ៍ខុសច្បាប់ទាំងបំពានឃើញតែប្រយោជន៍ផ្ទាល់ខ្លួនមិនគិតពីការអភិរក្សទៅថ្ងៃមុខ។
លោក សំ សារ៉ន ប្រធានសហគមន៍នេសាទឃុំព្រែកខ្សាច់ ឱ្យដឹងកាលពីថ្ងៃទី៥ ខែកុម្ភៈ ឆ្នាំ២០២២ថា សកម្មភាពនេសាទប្រើប្រាស់ឧបករណ៍រួមមាន អួនរុញ លបក្រឡាញឹក ឬឆក់ជាដើម តែងកើតមានស្ទើរតែរៀងរាល់ថ្ងៃ ពិសេសពេលយប់តែម្តង។ ការប្រើប្រាស់ឧបករណ៍ហាមឃាត់ដោយច្បាប់នេះ ធ្វើឱ្យធនធានជលផល ឬជីវៈចម្រុះតាមផ្ទៃទឹកសមុទ្រ ព្រែក រងការបាត់បង់ជាបន្តបន្ទាប់ រហូតឈានដល់ផុតពូជទៅអនាគតផងដែរ។
លោក សំ សារ៉ន បន្ថែមថា ព្រោះតែមើលឃើញពីផលប៉ះពាល់នេះហើយ ទើបលោក និងប្រជានេសាទក្នុងសហគមន៍ដែលមានគ្នាចំនួន២៤នាក់ បានស្ម័គ្របង្កើតជាសហគមន៍ការពារក្តាមថ្ម មឹក បង្គារ ត្រី ព្រមទាំងធនធានជលផលសំខាន់ៗផ្សេងទៀត ដើម្បីអភិរក្សការពារជាប្រចាំថ្ងៃលើផ្ទៃដីមានព្រៃកោងកាងសរុបជាង៩.០០០ហិចតា។
បើតាមលោក សារ៉ន ពពួកសត្វទាំងនេះងាយនឹងផុតពូជខ្លាំងណាស់ ប្រសិនគ្មានការទប់ស្កាត់បានទាន់ពេលវេលានោះទេ។ កន្លងទៅ ទោះបីជាមន្ត្រីជលផល អាជ្ញាធរឃុំស្រុក មន្ទីរជំនាញ ចុះផ្សព្វផ្សាយអប់រំណែនាំ ឬឃាត់ខ្លួនផាកពិន័យយ៉ាងណាក៏ដោយ ក៏ប្រជានេសាទខាងក្រៅសហគមន៍លួចឆ្លុះនេសាទខុសច្បាប់ដដែល។ ដំណើរការសំន្សំ និងចិញ្ចឹមក្តាមថ្ម តាមព្រៃកោងកាងធម្មជាតិក្នុងសហគមន៍ប្រមាណជាង៦០គីឡូក្រាមហើយ និងកំពុងទិញក្តាមថ្ម ក្តាមសេះមកព្រលែងថែម។ នៅពេលព្រលែងរួចរាល់ គឺមិនអនុញ្ញាតឱ្យប្រជានេសាទណាក្រៅពីសមាជិកសហគមន៍ចេញចូលនេសាទឡើយ លុះត្រាតែក្តាមទាំងនោះ ធំធាត់ល្មមដល់ពេលប្រមូលផលទើបអនុញ្ញាត។
តំណាងប្រជាសហគមន៍នេសាទឃុំព្រែកខ្សាច់ អះអាងថា អ្វីដែលជាបញ្ហាប្រឈមកំពុងកើតមាន គឺថវិកាអភិវឌ្ឍន៍ទ្រទ្រង់លើគម្រោងបន្ថែម សំលៀកបំពាក់ប្រជានេសាទ អូរប័រល្បាត ប្រេងសាំង អំពូលសូឡាបំភ្លឺទីស្នាក់ការយាមល្បាតជាដើម។
ដោយឡែកលោក រៀម រុំ មេឃុំព្រែកខ្សាច់ ស្រុកគិរីសាគរ ថែ្លងថា លោកតែងជ្រំជ្រែងឱ្យមានការបង្កើតសហគមន៍នេសាទនេះឡើយ ដើម្បីបំផុសគំនិតបងប្អូនប្រជានេសាទក្នុងមូលដ្ឋានរួមគ្នាថែរក្សាការពារអភិរក្សធនធានជលផលដែលកំពុងមាន ចៀសវាងការបាត់បង់ព្រោះតែការនេសាទខុសច្បាប់ទាំងក្នុង និងខាងក្រៅសហគមន៍។
សហគមន៍នេសាទព្រែកខ្សាច់ ទើបតែបាន២ខែមកប៉ុណ្ណោះ តំណាងសហគមន៍មុនៗផ្អាកធ្វើសកម្មភាពការពារអភិរក្ស។ ប៉ុន្តែកន្លងទៅ តំណាងក្រសួងបរិស្ថាន និងធនាគារអភិវឌ្ឍន៍ADB ធ្លាប់បានដឹកនាំគណៈប្រតិភូចុះមកពិនិត្យស្រាវជ្រាវពីជីវភាពរស់នៅរបស់ប្រជាពលរដ្ឋតាមសហគមន៍សំខាន់ក្នុងខេត្តកោះកុងផងដែរ ដោយទម្លាក់កញ្ចប់ថវិកាគាំទ្រគម្រោងអភិវឌ្ឍន៍សំខាន់ៗមួយចំនួន ដើម្បីឱ្យធនធានធម្មជាតិអាចរក្សាបានគង់វង្ស និងនិរន្តរភាពទៅអនាគត៕
អត្តបទ៖ សិរីវឌ្ឍនៈ
ផុតរញ្ជួយដី, មីយ៉ាន់ម៉ា ព្រមានពីហានិភ័យបាក់ទំនប់, ប្រជាជនរាប់ពាន់នាក់ប្រឈមគ្រោះថ្នាក់
រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ
ព្រឹត្តិការណ៍អង្គរសង្ក្រាន្ត! កន្លែងស្នាក់ក្នុងក្រុងសៀមរាប មានការកក់ច្រើន ខណៈទីតាំងខ្លះកក់រហូតដល់៩៥%
មេទ័ពជើងគោក បញ្ជាឱ្យកងទ័ព ត្រៀមសង្គ្រោះពលរដ្ឋករណីមានគ្រោះមហន្តរាយកើតឡើង
ដើមអង្កាញ់ដាំក្នុងរបងផ្ទះ ជួយឲ្យស្ត្រីចំណាស់ម្នាក់រកចំណូលមិនក្រោម ៥ ម៉ឺនរៀលជាប្រចាំរាល់ថ្ងៃ
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៣ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល