ព័ត៌មានជាតិ
ក្រុមប្រឹក្សារាជធានី កោតសរសើរចំពោះ ការដោះស្រាយក្រុមបាតុកម្ម ណាហ្គាវើលដ៏ ពេញ ១ ខែ
ក្រុមប្រឹក្សារាជធានីភ្នំពេញ បានសម្តែងការកោតសរសើរចំពោះលទ្ធផលការងារសម្រេចបានមួយចំនួនរបស់អាជ្ញាធររាជធានីភ្នំពេញ ក្រោមការដឹកនាំរបស់លោក ឃួង ស្រេងជាអភិបាល ពេញ ១ ខែមករាកន្លងមកនេះ ក្នុងនោះបានដោះស្រាយបញ្ហាបាតុកម្មនៅណាហ្គាវើលដ៏ ដោយអត់ធ្មត់តែម៉ឺងម៉ាត់ និងប្រកបដោយ បញ្ញាញាណ មិនបង្កឱ្យមានប្រតិកម្មខ្លាំងក្លាពីមជ្ឈដ្ឋាននានា ហើយបញ្ហាសំរាមក៏ជាបញ្ហាមួយដែលអាជ្ញាធររាជធានីភ្នំពេញ ខិតខំដោះស្រាយបានយ៉ាងល្អប្រសើរផងដែរ។
![](https://www.kampucheathmey.com/wp-content/uploads/2022/02/photo_2022-02-04_17-20-12-1024x768.jpg)
ការកោតសរសើរខាងលើនេះ បានធ្វើឡើងនៅព្រឹកថ្ងៃទី ១០ ខែមករា នេះ ក្នុងកិច្ចប្រជុំសាមញ្ញលើក ៣៣ របស់ក្រុមប្រឹក្សារាជធានីភ្នំពេញ ក្រោមវត្តមាន លោក ម៉ប់ សារិន ប្រធានក្រុមប្រឹក្សារាជធានីនិងលោកកើត ឆែ អភិបាលរងរាជធានីភ្នំពេញ នៅសាលារាជធានីភ្នំពេញ។
![](https://www.kampucheathmey.com/wp-content/uploads/2022/02/image-2022-02-10T162808.488.jpg)
លោក ម៉ប់ សារិន បានមានប្រសាសន៍លើកឡើងថា៖ សមាជិក សមាជិកា ក្រុមប្រឹក្សារាជធានីពិតជា មានការកោតសរសើរ ចំពោះគណៈអភិបាល អាជ្ញាធរគ្រប់លំដាប់ថ្នាក់ និងកងកម្លាំងមានសមត្ថកិច្ចទាំងអស់ ដែលបានដោះស្រាយបញ្ហាបាតុកម្មនៅណាហ្គាវើលដ៏ដោយភាពអត់ធ្មត់តែម៉ឺងម៉ាត់ និងប្រកបដោយ បញ្ញាញាណ មិនបង្កឱ្យមានប្រតិកម្មខ្លាំងក្លាពីមជ្ឈដ្ឋាននានា សូមកោតសរសើរលោកអភិបាល នៃគណៈអភិបាលរាជធានីភ្នំពេញ ដែលបានខិតខំដោះស្រាយ ដាក់ធុងសំរាមតាមផ្លូវនានា ពិសេសខណ្ឌក្នុងរាជធានី ធ្វើឱ្យសោភណភាព អនាម័យ បរិស្ថានក្នុងរាជធានី ភ្នំពេញកាន់តែល្អប្រសើរពីមួយថ្ងៃទៅមួយថ្ងៃ និងសូមអបអរសាទរ និងថ្លែងអំណរគុណលោកអភិបាល នៃគណៈអភិបាលរាជធានីភ្នំពេញ ដែលបានផ្ដួចផ្ដើមសាងសង់ស្ពានអាកាសឫស្សីកែវ ដែលបានសម្រួលដល់ការកកស្ទះចរាចរណ៍តាមផ្លូវជាតិលេខ ៥ ពិសេសតំបន់ឫស្សីកែវ និងតំបន់ក្បែរៗនោះ។
![](https://www.kampucheathmey.com/wp-content/uploads/2022/02/image-2022-02-10T162813.344.jpg)
ពាក់ព័ន្ធនិងការដោះស្រាយបញ្ហាបាតុកម្មនៅណាហ្គាវើលដ៏ លោក កើត ឆែ អភិបាលរងរាជធានីភ្នំពេញ បានមានប្រសាសន៍បញ្ជាក់ផងដែរថា៖ បញ្ហាបាតុកម្មនៅណាហ្គាវើលដ៏ វាមិនមែនជារឿងធម្មតាពេកទេ ដោយសារតែបាតុករត្រូវបានរៀបចំនិងមានការចាត់តាំង ដែលយើងពិបាកក្នុងការដោះស្រាយបញ្ចប់។ បន្ថែមពីលើនេះទៀត ការជួបជុំធ្វើបាតុកម្មនេះបានបង្កឲ្យមានការរីករាលដាលជំងឺកូវីដ-១៩ ប្រភេទអូមីក្រុងថែមទៀត។ លោក កើត ឆែ បញ្ជាក់ថា មកដល់ពេលនេះ ក្រុមបាតុករចំនួនជាង ៥០ នាក់ ហើយដែលមានវិជ្ជមានកូវីដ-១៩។ នេះមិនបានគិតចំពោះបាតុករមួយចំនួនទៀត ដែលមិនបានចូលរួមសហការជាមួយអាជ្ញាធរ ក្នុងការយកសំណាកផងទេ ។
![](https://www.kampucheathmey.com/wp-content/uploads/2022/02/image-2022-02-10T162810.986.jpg)
លោក កើត ឆែ ក៏បានបញ្ជាក់បន្ថែមថា អាជ្ញាធរនិងកងកម្លាំងមានសមត្ថកិច្ចរបស់យើងក៏បានធ្វើការឃាត់ខ្លួនក្រុមបាតុករមួយចំនួនផងដែរ។ តែការឃាត់ខ្លួននោះ គឺអនុវត្តទៅតាមនីតិវិធីនៃច្បាប់ទាំងអស់ ។
លោកកើត ឆែ តំណាងលោក ឃួង ស្រេង អភិបាលរាជធានីភ្នំពេញ ក្នុងឱកាសនោះ ក្នុងនាមគណៈអភិបាលរាជធានីក៏បានជូនបាច់ផ្កាទៅលោក ម៉ប់ សារិន ប្រធានក្រុមប្រឹក្សារាជធានីភ្នំពេញ ផងដែរ ក្នុងឱកាសដែលលោក ម៉ប់ សារិន ត្រូវបានជ្រើសតាំងជាប្រធានសមាគមជាតិ ជំនួសលោក ប៉ា សុជាតិវង្ស ដែលបានទៅកាន់តួនាទីជាទេសរដ្ឋមន្ត្រី ទទួលបេសកកម្មពិសេស៕
អត្ថបទ៖ ស្រីរ័ត្ន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?