ព័ត៌មានជាតិ
ឥឡូវពលរដ្ឋឃុំជីផាត ចំណាយពេលតែ១ឬ២ម៉ោងបានទៅដល់តំបន់ទេសចរណ៍អារ៉ែង
ត្រឹមតែ១ឬ២ម៉ោង ប្រជាពលរដ្ឋឃុំជីផាត ស្រុកថ្មបាំង អាចធ្វើដំណើរទៅតំបន់អេកូទេសចរណ៍ធម្មជាតិឆាយអារ៉ែងដោយលត្រូវវាងផ្លូវដូចពេលមុនៗហើយ ខណៈអាជ្ញាធរស្រុក និងឃុំ កសាងផ្លូវលំគ្រួសក្រហមប្រវែង៤០គីឡូម៉ែត្រ។
អ្នកស្រី ចាន់ ជូ និងអ្នកស្រី ផាន់ ង៉ែត ជាពលរដ្ឋរស់នៅឃុំថ្មដូចពៅ និងឃុំជីផាត បានបង្ហាញពីអារម្មណ៍ត្រេកអរជាខ្លាំងពេល ដែលបានអាជ្ញាធរស្រុកឃុំជួយសាងសង់ផ្លូវលំគ្រួសក្រហម ដ៏មានសារៈប្រយោជន៍នេះសម្រាប់ពលរដ្ឋ ក៏ដូចជាបណ្តាអ្នកទេសចរទាំងឡាយ មានតម្រូវការចាំបាច់ឆ្លងកាត់ពីឃុំជីផាតទៅឆាយអារ៉ែង។
ប្រជាពលរដ្ឋ បន្តថា មុនមានផ្លូវនេះ ពលរដ្ឋអាចធ្វើដំណើរយ៉ាងលំបាកដោយថ្មើរជើង ឬម៉ូតូប៉ុណ្ណោះ រថយន្តមិនអាចធ្វើដំណើរបានទេ ព្រោះមានសភាពតូចរអិល ចុះចំណោទ ព្រមទាំងហ៊ុព័ទ្ធទៅដោយព្រៃឈើ។ នៅពេលដែលអាជ្ញាធរស្រុកថ្មបាំង មេឃុំជីផាត និងមេឃុំថ្មដូនពៅ សហការធ្វើផ្លូវនេះឡើយ គឺសប្បាយខ្លាំងណាស់។
បើតាមពលរដ្ឋដដែល មូលហេតុដែលសប្បាយយ៉ាងដូច្នេះ ពួកគាត់លែងពិបាកធ្វើដំណើរវាងឆ្ងាយកាត់ផ្លូវជាតិលេខ៤៨ ទំរាំបានទៅដល់ទីរួមស្រុក ឬតំបន់អារ៉ែង ដែលមានប្រវែង១៦០គីឡូម៉ែត្រឯណោះ រីចំណាយពេលវេលាវិញ ១ថ្ងៃពេញទើបទៅដល់។ បើធៀបនឹងបានផ្លូវប្រវែង ៤០គីឡូម៉ែត្រថ្មីនេះវិញ គឺចំណាយពេលវេលា ថវិកា និងធ្វើដំណើរត្រឹមតែ១ ឬ២ម៉ោងបានទៅដល់ឆាយអារ៉ែងហើយ។
ក្នុងសូត្រមន្តតភ្ជាប់ផ្លូវត្រង់ចំណុចថ្មបៀន លោកឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងលោក អន សុធារិទ្ធ អភិបាលស្រុកថ្មបាំង លើកឡើងស្រដៀងថា ទំរាំបានផ្លូវងាយស្រួលធ្វើដំណើរជូនប្រជាពលរដ្ឋទាំងពីរឃុំខាងលើ អាជ្ញាធរពាក់ព័ន្ធប្រឹងប្រែងដោះស្រាយបញ្ហាជាច្រើន ជាពិសេសសម្របសម្រួល ជាមួយអង្គការសម្ព័ន្ធមិត្តសត្វព្រៃ ចំពោះការធ្វើផ្លូវនេះ។
ប៉ុន្តែទោះយ៉ាងណា អាជ្ញាធរសមត្ថកិច្ចពាក់ព័ន្ធបានជំនះធ្វើផ្លូវខាងលើបានជោគជ័យ ក្នុងន័យសម្រួលដល់ការធ្វើដំណើររបស់ពលរដ្ឋ និងពលរដ្ឋ ទាក់ទាញការអភិវឌ្ឍន៍សេដ្ឋកិច្ចសង្គមមូលដ្ឋាន និងវិស័យទេសចរណ៍ផងដែរ។
អាជ្ញាធរស្រុកថ្មបាំង បានបំពេញក្តីបំណងប្រាថ្នាជូនប្រជាពលរដ្ឋរស់នៅតំបន់អារ៉ែង និងអ្នកនៅឃុំជីផាត តាមរយៈស្ថាបនាផ្លូវលំ១ខ្សែប្រវែងជាង៤០គីឡូម៉ែត្រ ខណៈជាតម្រូវការចាំបាច់បំផុត ដោយពួកគាត់អស់បារម្ភរឿងធ្វើដំណើរវាងផ្លូវឆ្ងាយដូចពេលមុនៗហើយ។
គួរជម្រាបថា អាជ្ញាធរស្រុកថ្មបាំងចាប់ដៃសហការជាមួយអាជ្ញាធរឃុំថ្មដូនពៅ និងឃុំជីផាត ទម្លាក់កញ្ចប់ថវិកាមូលនិធិអភិវឌ្ឍន៍សាងសង់ផ្លូវលំទទឹង៤ម៉ែត្រ ប្រវែងជាង៤០គីឡូម៉ែត្រ តបនឹងសេចក្តីត្រូវការចង់ជាខ្លាំងរបស់ប្រជាពលរដ្ឋឃុំជីផាត និងឃុំថ្មដូនពៅ។
ដើម្បីឱ្យផ្លូវមានគុណភាពបម្រើដល់ការធ្វើដំណើរ អាជ្ញាធរស្រុកថ្មបាំង និងឃុំជីផាត ឃុំថ្មដូនពៅ នឹងបន្តពិនិត្យអភិវឌ្ឍន៍បន្ថែមលើការកសាងផ្លូវបេតុងត្រង់ចំណុចដែលចំណោទចុះខ្លាំង ដាក់ប្រព័ន្ធលូចំណុចមុខទឹកហូរកាត់បុកច្រើនជាដើម៕
អត្ថបទ ៖ សិរីវឌ្ឍន
ជំងឺផ្តាសាយបក្សីប្រភេទថ្មី ឆ្លងដល់សត្វគោយកទឹកដោះនៅសហរដ្ឋអាមេរិក បង្កក្តីបារម្ភខ្លាំង
ថៃសង្គ្រោះជនរងគ្រោះ៦១នាក់ពីកន្លែងឆបោកនៅមីយ៉ាន់ម៉ា
ប្រជាជនហ្គាហ្សារងភាពវេទនាខ្លាំង ខណៈអាកាសធាតុចុះត្រជាក់ខ្លាំង លាយឡំដោយព្យុះ
បញ្ជរសេវាសាធារណៈចល័តរបស់ក្រសួងការងារនៅតាមគ្រឹះស្ថានអប់រំ ជាការបង្ខិតឱកាសការងារ ដល់សិស្ស និស្សិត
គម្រោងដំឡើងរបាំងពុះចែកទ្រូង លើផ្លូវ ៦០ ម៉ែត្រ ប្រើប្រាស់ពេលប្រមាណ ១ ខែកន្លះ ទើបបញ្ចប់
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត