សម្តេចតេជោ ហ៊ុន សែន​ សម្រេចលើកពេលជួបជុំសិស្សនិទ្ទេស A​

សម្តេចតេជោ​ ហ៊ុន សែន​ នាយករដ្ឋមន្រ្តី​នៃព្រះរាជាណាចក្រកម្ពុជា បាន​សម្រេច​លើកពេលជួបជុំសិស្សនិទ្ទេស A ដែល​​គ្រោង​ធ្វើ​នៅ​ចុង​ខែ​នេះ។ តាមរយៈបណ្តាញសង្គម​ហ្វេសបុក​ សម្តេច​បាន​​សរសេរ​ថា ដោយសារកូវីដ-១៩ មេរោគបម្លែងថ្មីឈ្មោះថាអូមីក្រុងបាននឹងកំពុងរីករាលដាលនៅ​ទីក្រុងភ្នំពេញ។ ដើម្បីសុវត្ថិភាពសម្រាប់ចៅៗសិស្សនិទ្ទេសA​ និងអ្នកចូលរួម​ សម្តេច​សម្រេចចិត្ត​លើកពេលនៃការជួបជុំជាមួយសិស្សនិទ្ទេសAដែលគ្រោងធ្វើនៅថ្ងៃ២៨​ កុម្ភ:
២០២២​ ទៅពេលក្រោយវិញ។

សម្តេចបន្ថែម​​ថា រក្សាជីវិត​ និងសុខភាពគឺកិច្ចការចម្បងរបស់ យើងទាំងអស់គ្នានាពេលនេះ។ រក្សាបានជីវិតនិងមានសុខភាពល្អមិនខ្វះទេពេលវេលានៃការជួបជុំ។សង្ឃឹមថាចៅៗ និងក្រុមគ្រួសារនឹងមានការយោគយល់នូវ ការ​​លំបាកនេះ៕