ព័ត៌មានជាតិ
ក្នុង១ឆ្នាំកម្ពុជាមានអ្នកស្លាប់ដោយសារជំងឺអេដស៍១២០០នាក់
ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍សើរស្បែកនិងកាមរោគនៃក្រសួងសុខាភិបាលបានឱ្យដឹងថា តាមការប៉ាន់ស្មាននៅប្រទេសកម្ពុជាមានអ្នករស់នៅជាមួយមេរោគអេដស៍ប្រមាណ១២០០នាក់បានស្លាប់ជារៀងរាល់ឆ្នាំ។
លោកវេជ្ជបណ្ឌិត អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍សើរស្បែកនិងកាមរោគនៃក្រសួងសុខាភិបាលបានមានប្រសាសន៍នៅថ្ងៃទី១៥ ខែកុម្ភៈនេះថា មានមូលហេតុមួយចំនួនដែលបណ្តាលឱ្យអ្នករស់នៅជាមួយមេរោគអេដស៍ទាំងនោះស្លាប់បាត់បង់ជីវិតក្នុងនោះរួមមានអ្នកជំងឺចាស់ជរា គ្រោះថ្នាក់ចរាចរណ៍ និងមានអ្នកជំងឺមួយចំនួនបានអនុវត្តការលេបថ្នាំមិនបានត្រឹមត្រឹម
បណ្តាលឱ្យមានភាពស៊ាំក្នុងខ្លួនប្រឈមនឹងការស្លាប់ព្រោះថា អ្នកជំងឺអេដស៍ត្រូវការលេបថ្នាំពន្យាជីវិតឱ្យបានទៀងទាត់ប្រជាចាំហាត់ប្រាណនិងបរិភោគចំណីអាហារឱ្យបានគ្រប់គ្រាន់ដើម្បីទ្រទ្រង់សុខភាពឱ្យបានល្អប្រសើរ។ លោកវេជ្ជបណ្ឌិតបានបន្តទៀតថា ប្រសិនបើអ្នកជំងឺអនុវត្តបានខ្ជាប់ខ្ជួននោះពួកគាត់នឹងមានសុខភាពល្អ និងអាចរស់នៅដូចមនុស្សធម្មតាអីចឹងដែរ។
លោកវេជ្ជបណ្ឌិត អ៊ុក វិជ្ជា បានឱ្យដឹងទៀតថា ការដែលយើងដឹងពីអ្នកស្លាប់នេះ ដោយសារតែអ្នកជំងឺមិនបានមកទទួលថ្នាំពន្យាអាយុជីវិតរយៈពេល២៨ថ្ងៃ និងមិនអាចទំនាក់ទំនងបានយើងអាចសន្និដ្ឋានថា គាត់ស្លាប់បាត់បង់ជីវិតហើយ។
លោកវេជ្ជបណ្ឌិត អ៊ុក វិជ្ជា បានបន្ថែមថា ប៉ុន្តែក៏មានករណីខ្លះគាត់បាត់មុខមិនទទួលថ្នាំមែន តែគាត់បានមកវិញយើងក៏ចុះឈ្មោះសារជាថ្មី ករណីនេះមានតិចតួចទេ។
លោកវេជ្ជបណ្ឌិត អ៊ុក វិជ្ជា បានបញ្ជាក់ថា ទោះបីជាក្នុង១ឆ្នាំអាចមានអ្នកស្លាប់ដោយសារជំងឺអេដស៍១២០០នាក់ ក៏មានអត្រាអ្នកឆ្លងជំងឺអេដស៍ថ្មីប្រមាណ១១០០នាក់ដែរដែលពួកគេទាំងនោះជាក្រុមប្រឈមខ្ពស់ដូចជាក្រុមយុវវ័យ ក្រុមបុរសស្រលាញ់បុរស ក្រុមបម្លែងភេទ និងក្រុមអ្នកប្រើប្រាស់គ្រឿងញៀនជាដើម។
លោកវេជ្ជបណ្ឌិតបានបន្តទៀតថា តាមការប៉ាន់ស្មានបច្ចុប្បន្ននេះកម្ពុជាមានអ្នកផ្ទុកជំងឺអេដស៍ប្រមាណ៧៥០០០នាក់ស្មើនឹង០,៥៤ភាគរយនៃប្រជាពលរដ្ឋសរុបនៅទូទាំងប្រទេស ក្នុងនោះមានប្រមាណ៦២៤៦១នាក់ទទួលបានព្យាបាល និងប្រមាណ១២០០០នាក់ទៀតនៅមិនទាន់មកព្យាបាលនៅឡើយទេ។
មន្ត្រីជាន់ខ្ពស់អាជ្ញាធរជាតិប្រយុទ្ធនឹងជំងឺអេសដ៍បានធ្វើការអំពាវនាវដល់អ្នកជំងឺអេដស៍ប្រមាណ១២០០នាក់ដែលកំពុងលាក់មុខចេញមកធ្វើតេស្តនិងព្យាបាលជំងឺឱ្យបានទាន់ពេលវេលា។
លោក ឈិម ឃិនដារ៉េត អគ្គលេខាធិការនៃអាជ្ញាធរជាតិប្រយុទ្ធនឹងជំងឺអេសដ៍បានមានប្រសាសន៍ថា អាជ្ញាធរជាតិប្រយុទ្ធនឹងជំងឺអេដស៍បានសហការជាមួយអង្គការដៃគូបានរៀបចំយុទ្ធសាស្ត្រមួយចំនួនដើម្បីបង្កើនការផ្សព្វផ្សាយដើម្បីធ្វើយ៉ាងណាឱ្យពួកគាត់បានយល់ហើយស្ម័គ្រចិត្តមកធ្វើតេស្តនិងព្យាបាលជំងឺ។
ព្រោះថា ប្រសិនបើពួកគាត់នៅបន្តលាក់មុខតទៅទៀតមិនព្រមចេញមកព្យាបាលទេនោះវានឹងធ្វើឱ្យប៉ះពាល់ដល់អាយុជីវិតនិងអាចបង្កហានិភ័យដល់មនុស្សផ្សេងៗទៀតផងដែរប្រសិនបើមិនបានការពារខ្លួនឱ្យបានត្រឹមត្រូវទេនោះ។
បើតាមលោក ទៀ ផល្លា អនុប្រធានអាជ្ញាធរជាតិប្រឆាំងជំងឺអេដស៍បានឱ្យដឹងដែរថា អ្នកផ្ទុកជំងឺអេដស៍ប្រមាណ១ម៉ឺន២ពាន់នាក់នោះមានអាយុចន្លោះពី៥០ ទៅ៧០ ឆ្នាំហើយត្រូវគេសង្ស័យថាបានឆ្លងមេរោគអេដស៍នេះយ៉ាងហោចណាស់ ១០ឆ្នាំមកហើយ៕
អត្ថបទ៖ សំអឿន
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២២ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ