ព័ត៌មានជាតិ
ពលរដ្ឋរាជធានីភ្នំពេញ នៅតែបន្តពាក់ម៉ាស ខណៈអូមីក្រុងកំពុងឆ្លងរីករាលដាល
និន្នាការពាក់ម៉ាស់នៅរាជធានីភ្នំពេញ នៅតែបន្តមានច្រើន ក្នុងពេលជំងឺកូវីដបំប្លែងខ្លួនថ្មីអូមីក្រុងកំពុងឆ្លងរីករាលដាល ខណៈក្រសួងសុខាភិបាល នៅតែបន្តអំពាវនាវ ឱ្យប្រជាពលរដ្ឋបន្តវិធានការ ៣ ការពារ និង ៣ កុំ ដើម្បីចៀសវាងការឆ្លងរីករាលដាល។

ប្រជាពលរដ្ឋរស់នៅរាជធានីភ្នំពេញ លោក លាង សុផេង បានប្រាប់ថា លោកនៅតែបន្តអនុវត្តវិធានការពាក់ម៉ាស់ តាមការណែនាំរបស់ក្រសួងសុខាភិបាល ស្របពេលដែល ជំងឺបំប្លែងខ្លួនថ្មីអូមីក្រុង កំពុងតែមានការឆ្លងកើនឡើងរាល់ថ្ងៃ។ លោកប្រាប់ថា “ខ្ញុំតែងតែពាក់ម៉ាស់ ដោយសារតែអូមីក្រុង នៅតែបន្តឆ្លង ហើយមិនមែនតែជំងឺទេ គឺការពាក់ម៉ាស់អាចការពារពីធូលីដី និងផ្សែងរថយន្តជាដើម”។

ប្រជាពលរដ្ឋម្នាក់ទៀត លោក ហុង សុវណ្ណដា ដែលតែងតែធ្វើដំណើរចូលមកបំពេញការនៅរាជធានីភ្នំពេញ ក៏បានប្រាប់ដែរថា ខ្លួនលោកក៏នៅតែបន្តការពាក់ម៉ាស់ ដោយសារការបារម្ភពីការឆ្លងរីករាលដាលជំងឺអូមីក្រុង។

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នៅតែបន្តអំពាវនាវ និងដាក់ចេញវិធានការជាហូរហែរឱ្យបុគ្គលគ្រប់រូប ចូលរួមអនុវត្តវិធានការ ៣ ការពារ (ពាក់ម៉ាស់ឱ្យបានត្រឹមត្រូវ លាងសម្អាតដៃញឹកញាប់ រក្សាគម្លាតសុវត្ថិភាពពីមួយម៉ែតកន្លះឡើង)និង៣ កុំ (កុំបង្កឱ្យមានការជួបជុំ កន្លែងបិទជិត) ដើម្បីការពារការឆ្លងការរីករាលដាលនៃអូមីក្រុង៕
អត្ថបទ៖ ឡេង ដេត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ