ព័ត៌មានជាតិ

អាជ្ញាធរក្រុងសៀមរាបនឹងចាត់វិធានការក្តៅចំពោះអ្នកចោលសំរាមនៅតាមដងស្ទឹង

បានផុស

៣ years មុន

នៅ

ថ្ងៃពុធ ១៦ កុម្ភៈ ២០២២

ដោយ

អាជ្ញាធរក្រុងសៀមរាបបានសហការគ្នាចុះណែនាំអាជីវករនិងពលរដ្ឋដែលប្រកបរបបរកស៊ីនិងរស់នៅតាមបណ្តោយមាត់ស្ទឹងសៀមរាប អំពីរបៀបទុកដាក់ វេចខ្ចប់ និងបញ្ចេញសំរាមអោយបានត្រឹមត្រូវ និងហាមយកសំរាម មកបោះចោលលើផ្លូវថ្មើរជើង ក្នុងករណីនៅតែបន្តក្រុមការងារប្រទះឃើញ នឹងធ្វើការផាកពិន័យតាមច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហាយ យង់ ប្រធានការិយាល័យសាធារណៈការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈនៃរដ្ឋបាលក្រុងសៀមរាប បានឲ្យដឹងនៅព្រឹកថ្ងៃទី១៦ ខែកុម្ភៈ ឆ្នាំ២០២២ នេះថា លោកបានដឹកនាំក្រុមការងារ ចុះធ្វើការណែនាំ បងប្អូនអាជីវករ និងពលរដ្ឋដែលមានលំនៅឋានតាមបណ្តោយកំណាត់ផ្លូវ ពីរង្វង់មូលនាគព័ន្ធ រហូតដល់អតីតអាងក្រពើ អំពីរបៀបទុកដាក់ វេចខ្ចប់ និង បញ្ចេញសំរាមអោយបានត្រឹមត្រូវ និងហាមយកសំរាម មកបោះចោលលើផ្លូវថ្មើរជើង។

លោកបន្តថា ក្នុងករណីនៅតែបន្ត ក្រុមការងារប្រទះឃើញ នឹងធ្វើការផាកពិន័យ ដោយអនុលោមតាមអនុក្រឹត្យលេខ១១៣ អនក្រ.បក ស្តីពីការគ្រប់គ្រងសំរាម សំណល់រឹងទីប្រជុំជន ដើម្បីធានាបាននូវ សោ-ភណ្ឌភាព សុខមាលភាព និងគុណភាពបរិស្ថានល្អ សម្រាប់ក្រុងសៀមរាបយើង ។

ជាមួយគ្នានេះ ក្រុមការងារក៏បានពិភាក្សា ជាមួយភាគីតំណាងក្រុមហ៊ុនប្រមូលសំរាម អំពីលទ្ធភាព រៀបចំ ទីតាំងទទួលដាក់សំរាម បណ្តោះអាសន្ន សម្រាប់តំបន់នេះផងដែរ។

សូមជម្រាបផងដែរថា ក្រុងសៀមរាបបានជាប់ចំណាត់ថ្នាក់ជារំដួល៣ទង ជាទីក្រុងស្អាត គួបផ្សំនឹងផ្លូវ៣៨ខ្សែដែលកំពុងសាងសង់រួចបណ្តើរៗ និងបានធ្វើអោយក្រុងសៀមរាបប្រែមុខមាត់ថ្មីគួរជាទីមោទនៈ៕

អត្ថបទ៖ កុសល