សន្តិសុខសង្គម
ចៀសវាងចាញ់បោករត់ការឯកសារយានយន្តផ្លូវកាត់ អ្នកនាំពាក្យប្រាប់ប្រជាពលរដ្ឋឱ្យទៅទទួលសេវាសាធារណៈ
លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានថ្លែងបដិសេធលើបញ្ហាប្រើឈ្មោះមន្ត្រីក្រសួងរត់ការធ្វើឯកសារយានយន្ត។
ការបដិសេធបែបនេះ បន្ទាប់ពីមានករណីគណនីហ្វេសប៊ុកមួយចំនួន បានបង្កើតឡើងដើម្បីបន្លំឆបោកប្រជាពលរដ្ឋដោយដើរតួជាមន្ត្រីក្រសួងរត់ការឯកសារយាយយន្ត។
លោក ហ៊ាង សុទ្ធាយុត្តិ បញ្ជាក់ថា ក្រសួងមិនអនុញ្ញាតឱ្យបុគ្គលណា ឬក្រុមបក្ខពួកណាធ្វើជាតំណាងក្រសួងដើម្បីទៅធ្វើឯកសារយានយន្តជាលក្ខណៈទូទៅនោះទេ។ ករណីឆបោកដែលបានកើតឡើងកន្លងមក ក្រសួងក៏បានប្ដឹងទៅសមត្ថកិច្ចជំនាញដើម្បីឱ្យជួយក្នុងការអន្តរាគម ខណៈដែលការបោកប្រាស់តាមប្រព័ន្ធបណ្ដាញសង្គមគឺមានច្រើនសណ្ឋាន និងងាយស្រួលពេកនៅពេលដែលបងប្អូនប្រជាពលរដ្ឋ ចង់រកសេវាផ្លូវកាត់ ដោយទាក់ទងទៅគេ ផ្ញើព័ត៌មាន ឯកសារ ជាពិសេសគឺផ្ញើថវិការឱ្យគេ ពេលគេបានថិវិការហើយគេលែងទទួលទូរស័ព្ទនៅពេលដែលទាក់ទងទៅ។
បើតាមមន្ត្រីនាំពាក្យក្រសួងសាធារណការរូបនេះ ដើម្បីចៀសវាងរងនូវករណីឆបោក សុំឱ្យបងប្អូនប្រជាពលរដ្ឋទៅទទួលសេវាសាធារណៈ ដែលនៅទីកន្លែងកំណត់ដោយក្រសួងសាធារណការ និងដឹកជញ្ជូន ដែលមាននៅទីស្ដីការក្រសួង ផ្សារទំនើប Aeon I និង Aeon II អង្គភាពច្រកចេញ-ចូលតែមួយ រាជធានី-ខេត្ត និងការិយាល័យច្រកចេញចូលតែមួយក្រុង ស្រុក ខណ្ឌ។
ក្រៅពីនេះ ប្រជាពលរដ្ឋអាចធ្វើការដាក់ពាក្យតាមប្រព័ន្ធអនឡាញដោយខ្លួនឯងបានទៅលើសេវាមួយចំនួន ដូចជាការចុះបញ្ជីយានយន្ត ធ្វើប័ណ្ណបើកបរ និងឆៀកយានយន្តក្ដី៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង