ព័ត៌មានជាតិ

ប្រទះឃើញបុរសវ័យចំណាស់ម្នាក់ដេកស្លាប់ សមត្ថកិច្ចសង្ស័យជាករណីខ្យល់ គ

បានផុស

៤ years មុន

នៅ

ថ្ងៃសុក្រ ១១ ធ្នូ ២០២០

ដោយ

បុរសវ័យចំណាស់ម្នាក់ត្រូវបានគេប្រទះឃើញដេកស្លាប់តែម្នាក់ឯង ខណះប្រាប់ប្រពន្ធថា ទៅបត់ជើងធំ កាលពីវេលាម៉ោង០៣និង១០នាទីល្ងាចថ្ងៃទី១០ ខែធ្នូ ឆ្នាំ២០២០ នៅក្នុងចំការដំឡូងមីស្ថិតនៅខាងត្បូងភូមិសិលាខ្មែរចម្ងាយ១៥០ម៉ែត្រ ក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯកសែស វិបុល អធិការនគរបាល ស្រុកអូរជ្រៅ បានឲ្យដឹងថា សពមានឈ្មោះ ស៊ីវ ឃឿន ភេទប្រុសអាយុ៥៨ឆ្នាំ រស់នៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

លោកអធិការបានបញ្ជាក់ទៀតថា បើតាមការបំភ្លឺពីឈ្មោះ ម៉ន បឿន អាយុ៥៧ឆ្នាំត្រូវជាប្រពន្ធបានប្រាប់ថា ប្តីរបស់គាត់តែងតែផឹកស្រា.ស ខ្លាំងជាប្រចាំ ។

ប្រពន្ធជនរងគ្រោះបានបន្តថា នៅមុនពេលកើតហេតុប្ដីរបស់គាត់បានផឹកស្រា ស ស្រវឹង ហើយបាននិយាយថា ទៅបត់ជើងធំនៅខាងត្បូងផ្ទះ ហើយក៏បាត់មិនឃើញមកវិញ រហូតលឺដំណឹងថាគេឃើញគាត់ដេកស្លាប់។

ក្រោយពីទទួលបានព័ត៌មានសមត្ថកិច្ច ចំរុះ១ក្រុមចុះដល់កន្លែងកើតហេតុ ធ្វើការត្រួតពិនិត្យនៅលើរាងកាយសពហើយបានធ្វើការសន្និដ្ឋានថា សព ពុំមានស្លាកស្នាមអ្វីទាក់ទងនឹងអំពើមនុស្សឃាតនោះទេ គឺបណ្តាលមកពីកើតខ្យល់ គ ព្រោះសពផឹកស្រាខ្លាំងពេកមិនសូវនឹកនារឿងបាយទឹក។ក្រោយពីពិនិត្យរួច សពត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕

អត្ថបទដោយ ៖ វ៉ាន់ ណាង