អនុរដ្ឋមន្ត្រីការបរទេសជប៉ុន មានជំនឿថា ​ចំណងមិត្ត​ភាពកម្ពុជា​កាន់​តែ​រឹងមាំ

លោក Miyake Shingo អនុរដ្ឋមន្ត្រីការបរទេស នៃប្រទេសជប៉ុន មានភាពជឿជាក់ថា នាពេលខាងមុខនេះ ចំណងមិត្តភាព សាមគ្គីភាព នៃប្រទេសទាំងពីរ នឹងកាន់​តែ​រឹងមាំ និងស៊ី​ជម្រៅ​ថែម​ទៀត ជាពិសេសការជម្រុញ​អ្នកវិនិយោគជប៉ុនមកកម្ពុជា។

ការលើកឡើងនេះ ធ្វើឡើងនៅក្នុងដំណើ​រ​​ទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងគណៈប្រតិភូកងទ័ពជើងគោកកម្ពុជា និងគណៈប្រតិភូ រយៈពេល ៤ថ្ងៃ ទៅកាន់ប្រទេ​សជប៉ុន នៅថ្ងៃទី១៧ ខែកុម្ភៈ ឆ្នាំ២០២២។

ជាការឆ្លើយតប លោកឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះការស្វាគមន៍យ៉ាងកក់ក្តៅដែលបានផ្តល់ជូនគណៈប្រតិភូកងទ័ពជើងគោកកម្ពុជា និងអរគុណ រដ្ឋាភិបាល កងកម្លាំងស្វ័យការពារ និងប្រជាជនជប៉ុន ដែលតែងតែរក្សាចំណងមិត្តភាពល្អជាមួយកម្ពុជាជាប់រហូតមក។ 

លោកឧត្ដមសេនីយ៍ឯក បានគាំទ្រចំពោះសកម្មភាពវិនិយោគរបស់ក្រុមហ៊ុនជប៉ុននៅកម្ពុជា ដោយក្រុមហ៊ុនតែងបានគោរពច្បាប់ និងអនុវត្តការលើកកម្ពស់លក្ខខណ្ឌការ​ងារ​សម្រាប់កម្មករនិយោជិតបានយ៉ាងល្អប្រសើរ។

នៅក្នុង​ជំនួបនោះដែរ ភាគីទាំងពីរបានព្រមព្រៀងក្នុងការសិក្សាលើលទ្ធភាព​ក្នុងការពង្រីកវិសាលភាព នៃ​កិច្ច​សហ​ប្រតិបត្តិការលើវិស័យនានាបន្ថែមទៀត ដើម្បី​បង្កើនឱ្យមានសកម្ម​ភាព​ទំនាក់​ទំនង​កាន់​តែ​ខ្លាំង​ក្លា​ទ្បើង៕

អត្ថបទ៖ កោះកែវ