ព័ត៌មានជាតិ

ចាប់ខ្លួនជនសង្ស័យម្នាក់តាមដីកាតុលាការក្នុងករណីរំលោភសេពសន្ថវៈ

បានផុស

៤ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

ជនសង្ស័យជាប់ចោទពីបទរំលោភសេពសន្ថវៈ:ម្នាក់ ត្រូវបាននគរបាលស្រុកព្រៃកប្បាស ខេត្តតាកែវ ចាប់ខ្លួនតាមដីកា ក្រោយប្រព្រឹត្តល្មើស និងបានរត់គេចខ្លួនបានជិតមួយឆ្នាំ។

ជនសង្ស័យត្រូវបានចាប់ខ្លួននៅថ្ងៃទី១១ ខែធ្នូ  ឆ្នាំ២០២០ វេលាម៉ោង១១និង៥០នាទី ដោយកម្លាំងជំនាញ នៃអធិការដ្ឋាននគរបាលស្រុកព្រៃកប្បាស សហការជាមួយកម្លាំងប៉ុស្តិ៍នគរបាលរដ្ឋបាលព្រៃផ្តៅ នៅចំណុចភូមិព្រៃផ្តៅត្បូង ឃុំព្រៃផ្តៅ ។

ជនសង្ស័យមានឈ្មោះ  ស៊ុន ស៊ីណា អាយុ៣១ឆ្នាំ មុខរបរមិនពិតប្រាកដ  មានទីលំនៅបច្ចុប្បន្ន ក្នុងភូមិព្រៃផ្តៅត្បូង ឃុំព្រៃផ្តៅ ស្រុកព្រៃកប្បាស។

លោក ឡេង ប៊ុនឡុង អធិការស្រុកព្រៃកប្បាស បានបញ្ជាក់ថា ជនសង្ស័យ ត្រូវបានសមត្ថកិច្ចចាប់ខ្លួនតាមដីកាបង្គាប់ឲ្យចាប់ខ្លួន លេខ៤៧៥/២០២០ របស់សាលាដំបូងខេត្តតាកែវ ពាក់ព័ន្ធនិងករណីរំលោភសេពសន្ថវៈ ប្រព្រឹត្តនៅភូមិព្រៃផ្តៅត្បូង  ឃុំព្រៃផ្តៅ ស្រុកព្រៃកប្បាស ខេត្តតាកែវ  កាលពីថ្ងៃទី១៦ ខែធ្នូ ឆ្នាំ២០១៩ ។

បច្ចុប្បន្នជនត្រូវចោទ ត្រូវបានកម្លាំងជំនាញស្រុកព្រៃកប្បាស បញ្ជូនខ្លួនទៅស្នងការដ្ឋាននគរបាលខេត្តតាកែវ ដើម្បីចាត់ការបន្ត៕

អត្ថបទ ៖ វីរៈ